തമിഴ്നാട് സ്വദേശിയുടെ മൃതദേഹം കണ്ടെത്തിയ സംഭവത്തിൽ ദുരൂഹതയെന്ന് ബന്ധുക്കൾ

ഹ​രി​പ്പാ​ട്: മൂ​ന്ന് മാ​സം മു​മ്പ്​ കാ​ണാ​താ​യ ത​മി​ഴ്നാ​ട് സ്വ​ദേ​ശി​യു​ടെ മൃ​ത​ദേ​ഹം ച​തു​പ്പ് നി​ല​ത്തി​ൽ ക​ണ്ടെ​ത്തി​യ സം​ഭ​വ​ത്തി​ൽ ദു​രൂ​ഹ​ത​യു​ണ്ടെ​ന്ന്​ ബ​ന്ധു​ക്ക​ൾ ആ​രോ​പി​ച്ചു. ക​ന്യാ​കു​മാ​രി കു​മാ​ര​പു​രം മു​ട്ട​ക്കാ​ട് വ​ലി​യ​പ​റ​മ്പി​ൽ സേ​വ്യ​റി​ന്‍റെ(34) മൃ​ത​ദേ​ഹ​മാ​ണ് ക​ഴി​ഞ്ഞ ശ​നി​യാ​ഴ്ച കാ​ർ​ത്തി​ക​പ്പ​ള്ളി വ​ലി​യ​കു​ള​ങ്ങ​ര ദേ​വി ക്ഷേ​ത്ര​ത്തി​നു വ​ട​ക്കു​വ​ശം ച​തു​പ്പ് നി​ല​ത്തി​ൽ കാ​ണ​പ്പെ​ട്ട​ത്.

തി​ങ്ക​ളാ​ഴ്ച സേ​വ്യ​റി​ന്‍റ ഭാ​ര്യ​യും ബ​ന്ധു​ക്ക​ളും സ്ഥ​ല​ത്തെ​ത്തി​യി​രു​ന്നു. മൃ​ത​ദേ​ഹം കി​ട​ന്ന സ്ഥ​ലം സ​ന്ദ​ർ​ശി​ച്ച​ശേ​ഷം ഇ​വ​ർ മ​ര​ണ​ത്തി​ൽ ദു​രൂ​ഹ​ത ഉ​ണ്ടെ​ന്ന് ആ​രോ​പി​ച്ച് തൃ​ക്കു​ന്ന​പ്പു​ഴ പൊ​ലീ​സി​ൽ പ​രാ​തി ന​ൽ​കി. ക​ഴി​ഞ്ഞ ഒ​ക്ടോ​ബ​ർ 14ന് ​രാ​ത്രി​യോ​ടെ​യാ​ണ് സേ​വ്യ​റെ കാ​ണാ​താ​യ​ത്. തു​ട​ർ​ന്ന് പൊ​ലീ​സി​ൽ പ​രാ​തി ന​ൽ​കി അ​ന്വേ​ഷ​ണം ന​ട​ക്കു​ന്ന​തി​നി​ട​യി​ലാ​ണ് മൃ​ത​ദേ​ഹം ക​ണ്ടെ​ത്തു​ന്ന​ത്.

പൂ​ർ​ണ​മാ​യും അ​ഴു​കി പോ​യ മൃ​ത​ദേ​ഹ​ത്തി​ലെ ഷ​ർ​ട്ട്, ഇ​യാ​ൾ ധ​രി​ച്ചി​രു​ന്ന കൊ​ന്ത എ​ന്നി​വ ക​ണ്ടാ​ണ് ഭാ​ര്യ​യും ബ​ന്ധു​ക്ക​ളും മൃ​ത​ദേ​ഹം സേ​വ്യ​റു​ടേ​ത് ത​ന്നെ​യാ​ണെ​ന്ന് സ്ഥി​രീ​ക​രി​ച്ച​ത്. വ​ണ്ടാ​നം മെ​ഡി​ക്ക​ൽ കോ​ള​ജി​ലാ​ണ് മൃ​ത​ദേ​ഹം പോ​സ്റ്റ്മോ​ർ​ട്ടം ന​ട​ത്തി​യ​ത്. പ്രാ​ഥ​മി​ക​മാ​യി പ​രി​ശോ​ധ​ന​യി​ൽ മ​ര​ണ​ത്തി​ൽ അ​സ്വാ​ഭാ​വി​ക​ത​യൊ​ന്നും ക​ണ്ടെ​ത്തി​യി​ട്ടി​ല്ലെ​ന്ന് പൊ​ലീ​സ് അ​റി​യി​ച്ചു. കൂ​ടാ​തെ ഡി.​എ​ൻ.​എ ടെ​സ്റ്റ്, ആ​ന്ത​രി​ക അ​വ​യ​വ​ങ്ങ​ൾ ഫോ​റ​ൻ​സി​ക് പ​രി​ശോ​ധ​ന​ക്കും അ​യ​ക്കും.