ബാലികയെ ബലാത്സംഗം ചെയ്ത്​ കൊന്ന കേസിൽ നാലുപേർ അറസ്​റ്റിൽ

മം​ഗ​ളൂ​രു: മം​ഗ​ളൂ​രു​വി​ലെ ഉ​ലൈ​ബെ​ട്ടി​ന​ടു​ത്ത് പ​രാ​രി​യി​ലെ ടൈ​ൽ​സ് ഫാ​ക്ട​റി വ​ള​പ്പി​ൽ എ​ട്ടു വ​യ​സ്സു​കാ​രി​യെ ബ​ലാ​ത്സം​ഗം ചെ​യ്ത് കൊ​ല​പ്പെ​ടു​ത്തി അ​ഴു​ക്കു​ചാ​ലി​ൽ ത​ള്ളി​യ കേ​സി​ൽ നാ​ല് പ്ര​തി​ക​ളെ പൊ​ലീ​സ് അ​റ​സ്​​റ്റ്​ ചെ​യ്തു. ജ​യ് സി​ങ്​ (21), മു​കേ​ഷ് സി​ങ്​ (20), മു​നീ​ഷ് സി​ങ്​ (20), മ​നീ​ഷ് ടി​ർ​ക്കി (33) എ​ന്നി​വ​രാ​ണ് അ​റ​സ്​​റ്റി​ലാ​യ​തെ​ന്ന്​ സി​റ്റി പൊ​ലീ​സ് ക​മീ​ഷ​ണ​ർ എ​ൻ. ശ​ശി​കു​മാ​ർ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു. ഇ​വ​ർ നാ​ലു​പേ​രും സു​ഹൃ​ത്തു​ക്ക​ളാ​ണ്. പ്ര​തി​ക​ളി​ൽ മൂ​ന്ന് പേ​ർ മ​ധ്യ​പ്ര​ദേ​ശി​ലെ പെ​ന്ന ജി​ല്ല​ക്കാ​രാ​ണ്. മ​റ്റൊ​രാ​ൾ ഝാ​ർ​ഖ​ണ്ഡി​ലെ റാ​ഞ്ചി സ്വ​ദേ​ശി​യു​മാ​ണ്.

ന​വം​ബ​ർ 21ന് ​ടൈ​ൽ​സ് ഫാ​ക്ട​റി​യു​ടെ കോ​മ്പൗ​ണ്ടി​ന്​ പു​റ​ത്ത് ക​ളി​ച്ചു​കൊ​ണ്ടി​രു​ന്ന എ​ട്ടു വ​യ​സ്സു​ള്ള പ്രാ​യ​പൂ​ർ​ത്തി​യാ​കാ​ത്ത കു​ട്ടി​യെ പ്ര​തി​ക​ൾ ത​ട്ടി​ക്കൊ​ണ്ടു​പോ​വു​ക​യും ബ​ലാ​ത്സം​ഗം ചെ​യ്ത​ശേ​ഷം ക​ഴു​ത്ത് ഞെ​രി​ച്ച് കൊ​ല​പ്പെ​ടു​ത്തി അ​ഴു​ക്കു​ചാ​ലി​ൽ ത​ള്ളു​ക​യു​മാ​യി​രു​ന്നു. കു​ട്ടി​യെ കാ​ണാ​താ​യ​തോ​ടെ ആ​ളു​ക​ൾ തി​ര​ച്ചി​ൽ തു​ട​ങ്ങി​യ​പ്പോ​ൾ പ്ര​തി​ക​ളും അ​വ​ർ​ക്കൊ​പ്പം ചേ​ർ​ന്നു. മ​ര​ണ​ത്തി​ൽ ഫാ​ക്ട​റി​യി​ലെ തൊ​ഴി​ലാ​ളി​ക​ൾ​ക്ക് പ​ങ്കു​ണ്ടെ​ന്ന്​ അ​തേ ഫാ​ക്ട​റി​യി​ൽ തൊ​ഴി​ലാ​ളി​യാ​യ പി​താ​വ് പൊ​ലീ​സി​നോ​ട് പ​റ​ഞ്ഞി​രു​ന്നു. സം​ഭ​വ​വു​മാ​യി ബ​ന്ധ​പ്പെ​ട്ട് മു​പ്പ​തോ​ളം പേ​രെ ക​സ്​​റ്റ​ഡി​യി​ലെ​ടു​ത്ത് ചോ​ദ്യം​ചെ​യ്തി​രു​ന്നു. കേ​സ് അ​ന്വേ​ഷ​ണ​ത്തി​ന് ഡി.​സി.​പി​മാ​രാ​യ ഹ​രി​റാം ശ​ങ്ക​ർ, ദി​നേ​ശ് കു​മാ​ർ, എ.​സി.​പി ര​ഞ്ജി​ത് ഭ​ണ്ഡാ​രു, ര​വീ​ഷ് നാ​യ​ക് എ​ന്നി​വ​ർ നേ​തൃ​ത്വം ന​ൽ​കി.