രാ​മ​പു​രം കൊ​ല​പാ​ത​കം; പ്ര​തി വ​ല​യി​ലാ​യെ​ന്ന് സൂ​ച​ന

മ​ങ്ക​ട: രാ​മ​പു​ര​ത്ത് വ​യോ​ധി​ക വീ​ട്ടി​ൽ കൊ​ല്ല​പ്പെ​ട്ട നി​ല​യി​ൽ ക​ണ്ടെ​ത്തി​യ കേ​സി​ലെ പ്ര​തി പൊ​ലീ​സ് വ​ല​യി​ലാ​യ​താ​യി സൂ​ച​ന. ക​ഴി​ഞ്ഞ ജൂ​ലൈ 16നാ​ണ് രാ​മ​പു​രം ബ്ലോ​ക്ക് പ​ടി മു​ട്ട​ത്തി​ൽ ആ​യി​ഷ​യെ (70) വീ​ട്ടി​ലെ ശു​ചി​മു​റി​യി​ൽ കൊ​ല്ല​പ്പെ​ട്ട നി​ല​യി​ൽ ക​ണ്ടെ​ത്തി​യ​ത്.

ആ​യി​ഷ​യു​ടെ ആ​ഭ​ര​ണ​ങ്ങ​ളും ന​ഷ്​​ട​പ്പെ​ട്ടി​രു​ന്നു. ഒ​റ്റ​ക്ക് താ​മ​സി​ക്കു​ന്ന ആ​യി​ഷ പ​ക​ൽ സ്വ​ന്തം വീ​ട്ടി​ലും രാ​ത്രി സ​മീ​പ​ത്തെ മ​ക‍െൻറ വീ​ട്ടി​ലു​മാ​ണ് ക​ഴി​ഞ്ഞി​രു​ന്ന​ത്. സം​ഭ​വ ദി​വ​സം പേ​ര​ക്കു​ട്ടി​ക​ൾ വി​ളി​ക്കാ​നെ​ത്തി​യ​പ്പോ​ഴാ​ണ് ര​ക്തം വാ​ർ​ന്ന് ശു​ചി​മു​റി​യി​ൽ ആ​യി​ഷ​യെ ക​ണ്ട​ത്. ഉ​ട​നെ ബ​ന്ധു​ക്ക​ൾ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും മ​രി​ച്ചു. പോ​സ്​​റ്റ്​​മോ​ർ​ട്ടം റി​പ്പോ​ർ​ട്ടി​ൽ ശ്വാ​സം മു​ട്ടി​ച്ചാ​ണ് കൊ​ല​പാ​ത​ക​മെ​ന്ന് വ്യ​ക്ത​മാ​യി​രു​ന്നു. തു​ട​ർ​ന്ന് വി​ര​ല​ട​യാ​ള വി​ദ​ഗ്ധ​രും ഡോ​ഗ് സ്ക്വാ​ഡും സ്ഥ​ല​ത്ത് പ​രി​ശോ​ധ​ന ന​ട​ത്തി​യി​രു​ന്നു. പൊ​ലീ​സ് സ്ഥ​ല​ത്ത് ക്യാ​മ്പ് ചെ​യ്ത് അ​ന്വേ​ഷ​ണം ന​ട​ത്തി വ​രു​ക​യാ​യി​രു​ന്നു. നി​ര​വ​ധി പേ​രെ ചോ​ദ്യം ചെ​യ്യു​ക​യും സി.​സി.​ടി.​വി ദൃ​ശ്യ​ങ്ങ​ൾ പ​രി​ശോ​ധി​ക്കു​ക​യും ചെ​യ്തി​രു​ന്നു.

സം​ഭ​വം ന​ട​ന്ന് ഒ​രു​മാ​സം പി​ന്നി​ട്ടി​ട്ടും പ്ര​തി​യെ പി​ടി​കൂ​ടി​യി​ല്ലെ​ന്നാ​രോ​പി​ച്ച് നാ​ട്ടു​കാ​ർ ക​ഴി​ഞ്ഞ​യാ​ഴ്ച ക​ർ​മ​സ​മി​തി രൂ​പ​വ​ത്ക​രി​ച്ചി​രു​ന്നു. സ​മ്പൂ​ർ​ണ യോ​ഗം ഞാ​യ​റാ​ഴ്ച ന​ട​ക്കാ​നി​രി​ക്കെ​യാ​ണ്‌ അ​ന്വേ​ഷ​ണ പു​രോ​ഗ​തി ഉ​ണ്ടാ​യ​ത്.