നവകേരള സദസ്സിന്‍റെ മറവിലെ ക്വട്ടേഷൻ ആക്രമണം: പ്രതികൾ പിടിയിൽ

കാ​യം​കു​ളം: ന​വ​കേ​ര​ള ബ​സി​ന് സു​ര​ക്ഷ ഒ​രു​ക്കാ​ൻ ഇ​റ​ങ്ങി​യ​തി​ന്‍റെ മ​റ​വി​ൽ ക്വ​ട്ടേ​ഷ​ൻ ആക്ര​മ​ണം ന​ട​ത്തി​യ സം​ഭ​വ​ത്തി​ൽ മൂ​ന്ന് പ്ര​തി​ക​ൾ പി​ടി​യി​ൽ. കൊ​റ്റു​കു​ള​ങ്ങ​ര ഇ​ട​ശേ​രി ജ​ങ്ഷ​നി​ലെ മൊ​ബൈ​ൽ ക​ട ഉ​ട​മ ഒ​റ​കാ​റ​ശേ​രി​ൽ വ​ഹാ​ബി​ന് (ബാ​ബു​കു​ട്ട​ൻ 36) മ​ർ​ദ​ന​മേ​റ്റ സം​ഭ​വ​ത്തി​ൽ എ​രു​വ പ​ടി​ഞ്ഞാ​റ് സ്വ​ദേ​ശി​ക​ളാ​യ അ​ശ്വ​തി ഭ​വ​ന​ത്തി​ൽ ഉ​ണ്ണി (ഉ​ണ്ണി​കൃ​ഷ്ണ​ൻ 27), കൃ​ഷ്ണാ​ല​യ​ത്തി​ൽ തൈ​ബു വി​ഷ്ണു (26), ചേ​നാ​ത്ത് വ​ട​ക്ക​തി​ൽ ജി​തി​ൻ (22) എ​ന്നി​വ​രാ​ണ് അ​റ​സ്റ്റി​ലാ​യ​ത്.

മു​ഖ്യ​മ​ന്ത്രി​യും മ​റ്റും പോ​കു​ന്ന​ത് കാ​ണാ​ൻ ക​ട​യു​ടെ മു​ന്നി​ൽ നി​ന്ന വ്യാ​പാ​രി​യെ ഇ​രു​മ്പ് പൈ​പ്പും ചു​റ്റി​ക​യും ഉ​പ​യോ​ഗി​ച്ച് ത​ല​ക്ക​ടി​ച്ച് കൊ​ല​പ്പെ​ടു​ത്താ​ൻ ശ്ര​മി​ച്ചെ​ന്ന​താ​ണ് ഇ​വ​ർ​ക്കെ​തി​രെ​യു​ള്ള കു​റ്റം. ന​വ​കേ​ര​ള ടീ ​ഷ​ർ​ട്ടു​ധാ​രി​ക​ൾ ന​ട​ത്തി​യ അ​ക്ര​മ​ണം ഏ​റെ വി​വാ​ദ​മാ​യി​രു​ന്നു. സം​ഭ​വം സി.​പി.​എ​മ്മി​നെ​യും വെ​ട്ടി​ലാ​ക്കി. കേ​സി​ൽ ഉ​ൾ​പ്പെ​ട്ട മു​ൻ ബ്രാ​ഞ്ച് സെ​ക്ര​ട്ട​റി അ​രു​ൻ അ​ന്ത​പ്പ​നെ സി.​പി.​എ​മ്മി​ൽ നി​ന്ന് പു​റ​ത്താ​ക്കി​യി​രു​ന്നു. ഇ​യാ​ള​ട​ക്ക​മു​ള്ള മ​റ്റ് പ്ര​തി​ക​ൾ​ക്കാ​യി അ​ന്വേ​ഷ​ണം ന​ട​ന്നു​വ​രി​ക​യാ​ണെ​ന്ന് പൊ​ലീ​സ് അ​റി​യി​ച്ചു.

2021 ൽ ​കൊ​റ്റു​കു​ള​ങ്ങ​ര​യി​ൽ ബാ​ബു​കു​ട്ട​ന്‍റെ ബ​ന്ധു​ക്ക​ളാ​യ കാ​ർ യാ​ത്രി​ക​രെ ത​ട​ഞ്ഞു​നി​ർ​ത്തി ആ​ക്ര​മി​ച്ച് 10 ല​ക്ഷ​ത്തോ​ളം ക​വ​ർ​ന്ന കേ​സി​ലെ പ്ര​തി​ക​ളാ​ണ് പി​ടി​യി​ലാ​യ​ത്. ഇ​വ​രി​ൽ ചി​ല​ർ​ക്ക് പി​ന്നീ​ട് മ​ർ​ദ​ന​മേ​റ്റി​രു​ന്നു. ഇ​തി​ലു​ള്ള വൈ​രാ​ഗ്യ​മാ​ണ് ന​വ​കേ​ര​ള സ​ദ​സ്സി​ന്‍റെ മ​റ​വി​ൽ തീ​ർ​ത്ത​തെ​ന്നാ​യി​രു​ന്നു ആ​ക്ഷേ​പം. സി.​ഐ. മു​ഹ​മ്മ​ദ് ഷാ​ഫി​യു​ടെ നേ​തൃ​ത്വ​ത്തി​ൽ എ​സ്.​ഐ ഉ​ദ​യ​കു​മാ​ർ, പൊ​ലീ​സ് ഉ​ദ്യോ​ഗ​സ്ഥ​രാ​യ ദീ​പ​ക്, ഷാ​ജ​ഹാ​ൻ, പ്ര​ദീ​പ്, ഫി​റോ​സ് അ​രു​ൺ, സ​ബീ​ഷ്, അ​രു​ൺ കൃ​ഷ്ണ​ൻ, വി​വേ​ക്, ശ്രീ​രാ​ജ്, ഗോ​പ​കു​മാ​ർ എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​ക​ളെ അ​റ​സ്റ്റ് ചെ​യ്ത​ത്.