പുതുപ്പള്ളി ആക്രമണം: മുഖ്യപ്രതികൾ അറസ്റ്റിൽ

കോ​ട്ട​യം: പു​തു​പ്പ​ള്ളി​യി​ൽ വാ​ഹ​ന​വും എ.​ടി.​എ​മ്മും അ​ടി​ച്ചു​ത​ക​ർ​ക്കു​ക​യും യു​വാ​വി​നെ വെ​ട്ടി​ക്കൊ​ല​പ്പെ​ടു​ത്താ​ൻ ശ്ര​മി​ക്കു​ക​യും ചെ​യ്ത കേ​സി​ലെ മു​ഖ്യ​പ്ര​തി​ക​ളാ​യ ര​ണ്ടു​പേ​ർ അ​റ​സ്റ്റി​ൽ.

പു​തു​പ്പ​ള്ളി ചാ​ലു​ങ്ക​ൽ​പ​ടി ഇ​ഞ്ച​ക്കാ​ട്ട് കു​ന്നേ​ൽ വീ​ട്ടി​ൽ എ​സ്. കാ​ലേ​ബ് (23), ഇ​യാ​ളു​ടെ സ​ഹോ​ദ​ര​നാ​യ ജോ​ഷ്വാ (21) എ​ന്നി​വ​രെ​യാ​ണ് ഈ​സ്റ്റ് പൊ​ലീ​സ് അ​റ​സ്റ്റ് ചെ​യ്ത​ത്.

ഇ​വ​ർ രാ​ത്രി​യി​ൽ കൈ​ത​പ്പാ​ലം ഭാ​ഗ​ത്തു​ള്ള ബാ​റി​ന് സ​മീ​പം പു​തു​പ്പ​ള്ളി സ്വ​ദേ​ശി​യാ​യ യു​വാ​വി​നെ ചീ​ത്ത​വി​ളി​ക്കു​ക​യും വാ​ക്ക​ത്തി​കൊ​ണ്ട് വെ​ട്ടി​ക്കൊ​ല​പ്പെ​ടു​ത്താ​ൻ ശ്ര​മി​ക്കു​ക​യു​മാ​യി​രു​ന്നു. ഇ​തി​നു​ശേ​ഷം ഇ​വ​ർ റോ​ഡ​രി​കി​ൽ നി​ർ​ത്തി​യി​ട്ട വാ​ഹ​ന​വും സ്വ​കാ​ര്യ​ബാ​ങ്കി​ന്‍റെ എ.​ടി.​എ​മ്മും അ​ടി​ച്ചു​ത​ക​ർ​ത്ത് സ്ഥ​ല​ത്ത് ഭീ​ക​രാ​ന്ത​രീ​ക്ഷം സൃ​ഷ്ടി​ച്ചു.

തു​ട​ർ​ന്ന് സം​ഭ​വ​സ്ഥ​ല​ത്തു​നി​ന്ന് ക​ട​ന്നു​ക​ള​ഞ്ഞു. മു​ൻ​വി​രോ​ധ​ത്തി​ന്‍റെ തു​ട​ർ​ച്ച​യെ​ന്നോ​ണ​മാ​ണ് വെ​ട്ടി​ക്കൊ​ല​പ്പെ​ടു​ത്താ​ൻ ശ്ര​മി​ച്ച​ത്. പ​രാ​തി​യെ തു​ട​ർ​ന്ന് ഈ​സ്റ്റ് പൊ​ലീ​സ് കേ​സെ​ടു​ത്ത്​ ന​ട​ത്തി​യ ശ​ക്ത​മാ​യ തി​ര​ച്ചി​ലി​ൽ ഇ​രു​വ​രെ​യും വി​വി​ധ സ്ഥ​ല​ങ്ങ​ളി​ൽ​നി​ന്നാ​ണ്​ പി​ടി​കൂ​ടി​യ​ത്.

ഈ​സ്റ്റ് എ​സ്.​എ​ച്ച്.​ഒ യു. ​ശ്രീ​ജി​ത്, എ​സ്.​ഐ​മാ​രാ​യ പ്ര​വീ​ൺ പ്ര​കാ​ശ്, കെ.​എ​സ്. മ​നോ​ജ് കു​മാ​ർ, ബി. ​മ​നോ​ജ് കു​മാ​ർ, എ.​എ​സ്.​ഐ പ്ര​ദീ​പ്കു​മാ​ർ, സി.​പി.​ഒ​മാ​രാ​യ ലി​ബു ചെ​റി​യാ​ൻ, അ​നി​ക്കു​ട്ട​ൻ, ക​ഹാ​ർ, അ​ജേ​ഷ് ജോ​സ​ഫ്, വി​വേ​ക്, ധ​നേ​ഷ് എ​ന്നി​വ​ർ ചേ​ർ​ന്നാ​ണ് അ​റ​സ്റ്റ് ചെ​യ്ത​ത്. കാ​ലേ​ബ് ഈ​സ്റ്റ് സ്റ്റേ​ഷ​നി​ലെ ആ​ന്‍റി​സോ​ഷ്യ​ൽ ലി​സ്റ്റി​ൽ ഉ​ൾ​പ്പെ​ട്ട​യാ​ളാ​ണ്. ജോ​ഷ്വാ ഈ​സ്റ്റ് സ്റ്റേ​ഷ​നി​ൽ ക്രി​മി​ന​ൽ കേ​സ് പ്ര​തി​യാ​ണ്. മ​റ്റ്​ പ്ര​തി​ക​ൾ​ക്ക് വേ​ണ്ടി പൊ​ലീ​സ്​ തി​ര​ച്ചി​ൽ ശ​ക്ത​മാ​ക്കി.