ഹോം വർക്ക്​ ചെയ്യാത്തതിന്​ ഏഴാം ക്ലാസ്​ വിദ്യാർഥിയെ അധ്യാപകൻ അടിച്ചുകൊന്നു; അറസ്റ്റ്​

ജയ്​പൂർ: രാജസ്​ഥാനിൽ ഹോം വർക്ക്​ ചെയ്യാത്തതിന്​ സ്വകാര്യ സ്​കൂൾ അധ്യാപകൻ ഏഴാംക്ലാസ്​ വിദ്യാർഥിയെ അടിച്ചുകൊന്നു. ചുരു ജില്ലയി​ൽ സലസർ ​ഗ്രാമത്തിലാണ്​ സംഭവം.

അധ്യാപകനായ ​മനോജ്​ കുമാറിനെ ​െപാലീസ്​ അറസ്റ്റ്​ ചെയ്​തു. 13 കാരനായ വിദ്യാർഥിയെ അധ്യാപകൻ വടികൊണ്ട്​ ക്രൂരമായി അടിക്കുകയായിരുന്നു. പിന്നീട്​ കുഴഞ്ഞുവീഴുകയും ആശുപത്രിയിലെത്തിച്ചെങ്കിലും മരിക്കുകയായിരുന്നുവെന്നും പൊലീസ്​ പറഞ്ഞു.

ഏഴാം ക്ലാസുകാരനായ മകനെ അധ്യാപകൻ യാതൊരു കാരണവുമില്ലാതെ മർദിച്ചിരുന്നതായി പിതാവ്​ ഓംപ്രകാശ്​ പറഞ്ഞു. കഴിഞ്ഞ 15 ദിവസത്തിനിടെ നാലോ അഞ്ചോ തവണ അധ്യാപകനെതിരെ കുട്ടി പരാതി പറഞ്ഞതായി പിതാവ്​ മൊഴി നൽകിയതായി സലസർ എസ്​.എച്ച്​.ഒ സന്ദീപ്​ വിഷ്​നോയ്​ പറഞ്ഞു.

ബുധനാഴ്ച രാവിലെ 9.15ഓടെ മനോജ്​ കുമാർ 13കാരന്‍റെ പിതാവ്​ ഓംപ്രകാശിനെ ഫോണിൽ വിളിക്കുകയായിരുന്നു. മകൻ കുഴഞ്ഞുവീണുവെന്നായിരുന്നു അറിയിപ്പ്​.

കുട്ടി ഗൃഹപപാഠം ചെയ്​തില്ലെന്നും അതിനാൽ മർദിച്ചപ്പോൾ കുഴഞ്ഞുവീണതായും അധ്യാപകൻ അറിയിച്ചതായും പിതാവ്​ പറഞ്ഞു. ഫോണിൽ വിളിച്ച അധ്യാപകനോട്​ താൻ 'കുട്ട​ിയെ കൊ​േന്നാ' എന്ന്​ ചോദിച്ചു. അപ്പോൾ കുട്ടി മരിച്ചതായി അഭിനയിക്കുകയാണെന്നായിരുന്നു അധ്യാപകന്‍റെ മറുപടിയെന്നും പിതാവ്​ പറഞ്ഞു.

അധ്യാപകൻ കുട്ട​ിയെ ക്രൂരമായി മർദ്ദിച്ചുവെന്നും നിലത്ത്​ വീണതിന്​ ശേഷം ചവി​ട്ടിയെന്നും മറ്റു കുട്ടികൾ പറഞ്ഞു. കുട്ടിയെ സ്വകാര്യ ആശുപത്രിയിലെത്തിച്ചെങ്കിലും മരിച്ചിരുന്നു. പിതാവിന്‍റെ പരാതിയിൽ അധ്യാപകനെതിരെ കൊലപാതക കുറ്റം ചുമത്തി അറസ്റ്റ്​ ചെയ്​തതായി പൊലീസ്​ പറഞ്ഞു.