നിധി കിട്ടാൻ യുവതിയെ നഗ്​നയാകാൻ നിർബന്ധിച്ച ദുർമന്ത്രവാദിയടക്കം ആറുപേർ അറസ്റ്റിൽ

ബംഗളൂരു: കർണാടകയിലെ രാമനഗരയിൽ നിധി കണ്ടെത്താനെന്ന പേരിൽ നടത്തിയ മന്ത്രവാദത്തിനിടെ യുവതി​യോട്​ നഗ്​നയാകാൻ ആവശ്യപ്പെട്ട ദുർമന്ത്രവാദിയടക്കം അഞ്ചുപേർ അറസ്റ്റിൽ. വീട്ടിനുള്ളിൽ ഒളിഞ്ഞുകിടക്കുന്ന നിധി കണ്ടെത്താനെന്ന പേരിലായിരുന്നു ചടങ്ങുകൾ. യുവതിയെയും പ്രായപൂർത്തിയാകാത്ത മകളെയും പൊലീസെത്തി രക്ഷ​പ്പെടുത്തി.

ക്രിമിനൽ കുറ്റകൃത്യ പ്രകാരവും ദുർമന്ത്രവാദം തടയൽ നിയമപ്രകാരവുമാണ്​ 40കാരനായ മന്ത്രവാദിയും അഞ്ചുപേരും അറസ്റ്റിലായത്​. ദുർമന്ത്രവാദിയായ ശശികുമാർ, സഹായി മോഹൻ, നിർമാണതൊഴിലാളികളായ ലക്ഷ്​മിനാരസപ്പ, ലോകേഷ്, നാഗരാജ്​, ​പാർഥസാരഥി എന്നിവരാണ്​ അറസ്റ്റിലായത്​.

തമിഴ്​നാട്​ സ്വദേശിയാണ്​ ശശികുമാർ. തമിഴ്​നാട്ടിൽ ഒരു വിവാഹചടങ്ങിൽ പ​െങ്കടുക്കുന്നതിനിടെ 2019ലാണ്​ കർഷകനായ ശ്രീനിവാസും ശശികുമാറും പരിചയത്തിലാകുന്നത്​. 2020ൽ പരിചയത്തിന്‍റെ പേരിൽ ശശികുമാർ ശ്രീനിവാസിന്‍റെ വീട്ടിലെത്തി. 75വർഷത്തോളം പഴക്കമുള്ളതാണ്​ ശ്രീനിവാസിന്‍റെ വീട്​. വർഷങ്ങൾ പഴക്കമുള്ള വീട്ടിൽ നിധി ഒളിഞ്ഞിരിപ്പുണ്ടെന്ന്​ ശ്രീനിവാസിനെ വിശ്വസിപ്പിച്ചു. നിധി കണ്ടെത്തിയില്ലെങ്കിൽ ശ്രീനിവാസിനും കുടുംബത്തിനും ദോഷമാണെന്നും ഇയാൾ വിശ്വസിപ്പിച്ചു.

നിധി കണ്ടെത്താൻ സഹായിക്കാമെന്നേറ്റ ശശികുമാർ ശ്രീനിവാസിന്‍റെ കൈയിൽനിന്ന്​ 20,000 രൂപ കൈപ്പറ്റുകയും ചെയ്​തു.

2020ലെ കോവിഡ്​ ലോക്​ഡൗണിനെ തുടർന്ന്​ പൂജ നടത്താൻ ഇവർക്ക്​ സാധിച്ചിരുന്നില്ല. തുടർന്ന്​ രണ്ടുമാസം മുമ്പ്​ ശശികുമാർ ശ്രീനിവാസിന്‍റെ വീട്​ സന്ദർശിക്കുകയും പൂജക്കായി ഒരുക്കങ്ങൾ നടത്തണമെന്ന്​ ആവശ്യപ്പെടുകയുമായിരുന്നു.

ചടങ്ങുകൾ നടത്തുന്നതിനായി ശ്രീനിവാസിന്‍റെ വീട്ടിൽ ഒരു മുറി ശശികുമാർ തെരഞ്ഞെടുത്തു. പൂജ സമയത്ത്​ തന്‍റെ മുമ്പിൽ നഗ്​നയായി ഒരു സ്​ത്രീ ഇരിക്കുകയ​ാണെങ്കിൽ നിധി തനിയെ ഉയർന്നുവരുമെന്ന്​ ശശികുമാർ പറഞ്ഞു. കൂടാതെ ശ്രീനിവാസിന്‍റെ കുടുംബത്തിൽനിന്നുള്ള ആളാകണമെന്നും ഇയാൾ ആവശ്യപ്പെട്ടു. തുടർന്ന്​, ചടങ്ങുകൾക്കായി ഒരു ദിവസവേതനക്കാരിയെ ശ്രീനിവാസ്​ ​കണ്ടെത്തി. 5000 രൂപ പ്രതിഫലം നൽകുകയും ചെയ്​തു.

നിധി കണ്ടെത്തുന്നതിന്​ നരബലി നടത്താൻ യുവതിയുടെ നാലുവയസായ മകളെയും ഇവർ അവിടേക്ക്​ കൂട്ടിക്കൊണ്ടുവന്നതായാണ്​ റിപ്പോർട്ടുകൾ. എന്നാൽ, ഈ വിവരം പൊലീസ്​ സൂപ്രണ്ട്​ എസ്​. ഗിരീഷ്​ നിഷേധിച്ചു.

വീട്ടിൽ അസ്വാഭാവികമായി എന്തെ​ാക്കേയോ നടക്കുന്നുവെന്ന്​ പ്രദേശവാസികൾ പൊലീസിനെ അറിയിക്കുകയായിരുന്നു. തുടർന്ന്​ ​െപാലീസെത്തി യുവതിയെയും കുട്ടിയെയും രക്ഷപ്പെടുത്തുകയും ശശികുമാർ അടക്കം അഞ്ച​ുപേരെ അറസ്റ്റ്​ ചെയ്യുകയുമായിരുന്നു.