Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightCrimechevron_rightഅഞ്ചുപേരെ കൊന്നതായി...

അഞ്ചുപേരെ കൊന്നതായി മൂന്നാംക്ലാസുകാരി; പൊലീസ്​ കുതിച്ചെത്തിയപ്പോൾ ഫോൺ സ്വിച്ച്​ ഓഫ്​

text_fields
bookmark_border
അഞ്ചുപേരെ കൊന്നതായി മൂന്നാംക്ലാസുകാരി; പൊലീസ്​ കുതിച്ചെത്തിയപ്പോൾ ഫോൺ സ്വിച്ച്​ ഓഫ്​
cancel
camera_alt

പ്രതീകാത്മക ചിത്രം

ഗാസിയാബാദ്: ടി.വി ചാനലകളിലെ ക്രൈം ​േഷാ സ്​ഥിരമായി കാണുന്ന മൂന്നാം ക്ലാസുകാരി യു.പി പൊലീസിന്​ ​കൊടുത്തത്​ മുട്ടൻ പണി. പൊലീസിന്‍റെ എമർജൻസി നമ്പറായ 112ൽ വിളിച്ച്​, വീട്ടിനടുത്ത്​ അഞ്ചുപേരെ കൂട്ടത്തോടെ ​​കൊലപ്പെടുത്തിയതായാണ്​ എട്ടുവയസ്സുകാരി പറഞ്ഞത്​. ''പൊലീസ് അങ്കിള്‍, സര്‍ക്കാര്‍ സ്‌കൂളിന് സമീപം ലെയ്ന്‍ നമ്പര്‍ അഞ്ചില്‍ അഞ്ച് പേരെ കൊലപ്പെടുത്തിയിരിക്കുന്നു. വേഗം വരൂ, ഞാന്‍ ഇവിടെ ഒറ്റയ്ക്കാണ്'' എന്നായിരുന്നു സന്ദേശം.

ഇതോടെ പൊലീസുകാർ സ്​കൂളിന്​ സമീപം കുതിച്ചെത്തി. അഞ്ചാംനമ്പർ ലെയ്​നിലും പരിസര പ്രദേശങ്ങളിലും അരിച്ചുപെറുക്കി​െ്യങ്കിലും ഒന്നും കണ്ടെത്താനായില്ല. തങ്ങളെ വിളിച്ച നമ്പറിലേക്ക്​ തിരിച്ചുവിളിച്ചപ്പോൾ ഫോൺ സ്വിച്ച്​ ഓഫ്​. ഇതോടെ കബളിപ്പിക്കാൻ വേണ്ടി 'പ്രാങ്ക്​ കോൾ' ​ചെയ്​തതാണെന്ന്​ പൊലീസ്​ അനുമാനിച്ചു. കഴിഞ്ഞ ദിവസം ഉച്ചയ്ക്ക് 2.30-ഓടെയായിരുന്നു സംഭവം. അരമണിക്കൂറിന്​ ശേഷം ഫോൺ സ്വിച്ച് ഓണ്‍ ആയതോടെയാണ് ഇതിനുപിന്നിൽ എട്ടുവയസ്സുകാരിയു​ടെ 'കുസൃതി'യാണെന്ന്​ ബോധ്യമായത്​.

സ്വകാര്യസ്​ഥാപനത്തിൽ ജീവനക്കാരനായ പിതാവിന്‍റെ ഫോണിൽനിന്നാണ്​ കുട്ടി പൊലീസിനെ വിളിച്ചത്​. പിതാവിനെ വിളിച്ച്​ വിവരങ്ങൾ ചോദിച്ചറിഞ്ഞ പൊലീസ് സംഘം ​ഉടന്‍തന്നെ ഹാജിപുരിലെ വീട്ടിലെത്തി. ഇതിനുമുൻപും ആളുകളെ ഫോണിൽ വിളിച്ച്​ കുട്ടി പറ്റിച്ചിരുന്നതായി അച്ഛൻ പറഞ്ഞു. ഏതാനും ദിവസം മുമ്പ്​ അമ്മാവനെ വിളിച്ച് അച്ഛന്​ ആക്​സിഡന്‍റായതായി പറഞ്ഞിരുന്നു. ഇതറിഞ്ഞ്​ കുടുംബാംഗങ്ങളും അയല്‍ക്കാരുമെല്ലാം വീട്ടിലേക്ക് ഓടിയെത്തി. അതിഥികളെ കണ്ട്​ അന്ധാളിച്ച വീട്ടുകാർ അപ്പോഴാണ്​ 'അപകട' വിവരമറിയുന്നത്​.

ടി.വിയിലെ ക്രൈം സീരിസില്‍നിന്നാണ് പൊലീസിനെ വിളിക്കാനുള്ള നമ്പര്‍ ലഭിച്ചതെന്ന്​ കുട്ടി പൊലീസിനോട്​ പറഞ്ഞു. 112ൽ വിളിച്ചാല്‍ പൊലീസ് കൃത്യസമയത്ത് വരുമോയെന്ന്​ പരീക്ഷിക്കാൻ കൂടിയാണ്​ വിളിച്ചതെന്നും അവൾ പറഞ്ഞു. ഇനി ഇത്തരം കോൾ ചെയ്യി​ല്ലെന്നകാര്യം ഉറപ്പുവരുത്തണമെന്ന്​ മാതാപിതാക്കള്‍ക്ക് കർശനനിര്‍ദേശം നല്‍കിയാണ് പൊലീസ് മടങ്ങിയത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Ghaziabadpoliceprankprank call
News Summary - ‘Police uncle, 5 murder ho gaya hai’: Ghaziabad cops pranked by Class 3 girl who liked watching crime shows
Next Story