ജ്വല്ലറിയിൽ പൊലീസ്​ പടയെ കണ്ടതോടെ ആളുകൂടി; കാര്യമറിഞ്ഞപ്പോൾ മൂക്കത്ത്​ വിരലുവെച്ചു പോയി

കുറ്റ്യാടി: വയനാട്ടിൽ നി​െന്നത്തിയ പൊലീസ്​ സംഘം കുറ്റ്യാടി ടൗണിലെ ജ്വല്ലറിയിൽ കയറി പരിശോധിക്കാൻ തുടങ്ങിയതോടെ കാണാനിടയായ നാട്ടുകാർക്കും മാധ്യമ പ്രവർത്തകർക്കും ആകാംക്ഷ. ജ്വല്ലറി നിക്ഷേപ തട്ടിപ്പ്​ കേസും പ്രക്ഷോഭങ്ങളും സജീവമായ സമയത്ത്​ ഒരു ജ്വല്ലറിയിലെ പൊലീസ്​ സാന്നിധ്യം കണ്ട്​ ഉൗഹാപോഹങ്ങൾ പ്രചരിച്ചു. െതാട്ടിൽപാലത്തെ ഒരു ജ്വല്ലറിയിലും ഇൗ സംഘം കയറിയിട്ടു​െണ്ടന്നറിഞ്ഞതോടെ പ്രചാരണത്തിന്​ ചൂടു​പിടിച്ചു.

വെള്ളമുണ്ട എസ്​.െഎയുടെ നേതൃത്വത്തിലെത്തിയ നാലംഗ സംഘമാണ്​ നാദാപുരം റോഡിൽ എം.െഎ.യു.പി സ്​കൂളിനടുത്തുള്ള ജ്വല്ലറിയിലെത്തിയത്​. അരമണിക്കൂറിനുശേഷം പുറത്തിറങ്ങിയതോടെ പൊലീസിനെ മാധ്യമപ്രവർത്തകർ വളഞ്ഞു. മറ്റൊരു കേസുമായി ബന്ധപ്പെട്ട്​ സി.സി.ടിവി ദൃശ്യങ്ങൾ പരിശോധിക്കാനെത്തിയതായിരുന്നു​ പൊലീസ്​.

വെള്ളമുണ്ടയിൽ ഒരു കടയിൽനിന്ന്​ ഒന്നര ലക്ഷം രൂപ വിലവരുന്ന ഇരുമ്പുഷീറ്റുകൾ േമാഷ്​ടിച്ച്​ വാഹനങ്ങളിൽ കടത്തിക്കൊണ്ടുപോയിട്ടു​ണ്ട്​. കുറ്റ്യാടി കവലയിലെ സി.സി.ടിവികൾ പ്രവർത്തിക്കാത്തതിനാൽ നാദാപുരം റോഡിൽ സി.സി.ടിവിയുള്ള ഒരു സ്​ഥാപനത്തിൽ പരിശോധിക്കാനെത്തിയതാണ്​ പൊലീസ്​. വാഹനം കുറ്റ്യാടി കവല വരെ എത്തിയതായി സി.സി ടിവി ദൃശ്യങ്ങളിൽ വ്യക്​തമായിരുന്നു. പിന്നീട്​ കോഴിക്കോട്​ ഭാഗത്തേക്കാണോ നാദാപുരം ഭാഗത്തേക്കാണോ പോയത്​ എന്നാണ്​ െപാലീസിന്​​ അറി​േയണ്ടിയിരുന്നത്​. വിശദ പരിശോധനക്ക്​ ദൃശ്യങ്ങൾ ശേഖരിച്ച്​ പൊലീസ്​ മടങ്ങി.