Begin typing your search above and press return to search.
exit_to_app
exit_to_app
Homechevron_rightNewschevron_rightCrimechevron_rightകൂട്ടമരണ കാരണം തേടി...

കൂട്ടമരണ കാരണം തേടി പൊലീസ്

text_fields
bookmark_border
investigation
cancel

ക​ല്ല​മ്പ​ലം: ചാ​ത്ത​മ്പ​റ​യി​ൽ കു​ടും​ബ​ത്തി​ന്‍റെ മ​ര​ണ​ത്തി​ന്​ കാ​ര​ണ​മാ​യ​ത്​ ക​ട​ബാ​ധ്യ​ത​ക​ളെ​ന്ന നി​ഗ​മ​ന​ത്തി​ലാ​ണ്​ പൊ​ലീ​സ്. അ​തി​നു​മ​പ്പു​റം മ​റ്റു കാ​ര​ണ​ങ്ങ​ൾ ഉ​ണ്ടോ​യെ​ന്നും പൊ​ലീ​സ് അ​ന്വേ​ഷി​ക്കു​ന്നു​ണ്ട്. ത​മി​ഴ്നാ​ട്ടി​ൽ തോ​ട്ടം പാ​ട്ട​ത്തി​ന് എ​ടു​ത്ത​തി​ൽ മ​ണി​ക്കു​ട്ട​ന് ന​ഷ്ട​മു​ണ്ടാ​യി​രു​ന്നു.

മാ​വ്, കാ​ട്ടു​നെ​ല്ലി, പൂ​വ് കൃ​ഷി എ​ന്നി​വ ഉ​ൾ​പ്പെ​ടു​ന്ന​താ​യി​രു​ന്നു തോ​ട്ടം. ക​രാ​ർ പ്ര​കാ​രം തോ​ട്ടം എ​ടു​ത്ത് ഒ​രു​വ​ർ​ഷം ക​ഴി​ഞ്ഞ​പ്പോ​ൾ കോ​വി​ഡ് പ്ര​തി​സ​ന്ധി വ​ന്നു. ഇ​തോ​ടെ തോ​ട്ടം ന​ട​ത്തി​പ്പ്, ആ​ദാ​യ​മെ​ടു​ക്ക​ൽ, വി​പ​ണ​നം എ​ന്നി​വ പ്ര​തി​സ​ന്ധി​യി​ലാ​യി. കോ​വി​ഡ് നി​യ​ന്ത്ര​ണ​ങ്ങ​ൾ പൂ​ർ​ണ​മാ​യി മാ​റി​യ​പ്പോ​ൾ ക​രാ​ർ കാ​ലാ​വ​ധി​യും ക​ഴി​ഞ്ഞു. ഇ​തി​ൽ അ​ഞ്ചു​ല​ക്ഷം രൂ​പ​യു​ടെ ബാ​ധ്യ​ത​യാ​ണ്​ വ​ന്ന​ത​ത്രെ. കോ​വി​ഡ് കാ​ല​ത്ത് ത​ട്ടു​ക​ട അ​ട​ച്ചി​ടേ​ണ്ടി വ​ന്ന​തും ക​ടം വ​ർ​ധി​പ്പി​ച്ചു.

എ​ന്നാ​ൽ, കോ​വി​ഡ് നി​യ​ന്ത്ര​ണ​ങ്ങ​ൾ നീ​ങ്ങി​യ​തോ​ടെ ക​ട സ​ജീ​വ​മാ​യിരുന്നു. ഇ​തി​നി​ട​യി​ൽ ക​ഴി​ഞ്ഞ ചൊ​വ്വാ​ഴ്ച ഭ​ക്ഷ്യ സു​ര​ക്ഷ വി​ഭാ​ഗം ഉ​ദ്യോ​ഗ​സ്ഥ​ർ ക​ട പ​രി​ശോ​ധി​ക്കു​ക​യും 5000 രൂ​പ പി​ഴ ചു​മ​ത്തു​ക​യും ചെ​യ്തു. പി​ഴ ചു​മ​ത്തി​യ​താ​ണ്​ ആ​ത്മ​ഹ​ത്യ​ക്ക് കാ​ര​ണ​മെ​ന്നാ​ണ് വ്യാ​പാ​രി​ക​ൾ ആ​രോ​പി​ക്കു​ന്ന​ത്. ഈ ​പി​ഴ​ത്തു​ക മ​ണി​ക്കു​ട്ട​ൻ വ്യാ​ഴാ​ഴ്ച ഒ​ടു​ക്കി. ഇ​തി​നു​ശേ​ഷം ശ​നി​യാ​ഴ്ച ക​ട തു​റ​ക്കാ​ൻ തീ​രു​മാ​നി​ക്കു​ക​യും ജീ​വ​ന​ക്കാ​രെ അ​റി​യി​ക്കു​ക​യും ചെ​യ്തി​രു​ന്നു. ഇ​ത​നു​സ​രി​ച്ചാ​ണ് ക​ട​യി​ലെ തൊ​ഴി​ലാ​ളി ഷം​നാ​ദ് പു​ല​ർ​ച്ച വീ​ട്ടി​ലെ​ത്തു​ന്ന​തും. അ​പ്പോ​ൾ വീ​ടി​ന് മു​ന്നി​ലെ വ​രാ​ന്ത​യി​ൽ ഹോ​ട്ട​ലി​ലേ​ക്ക് ആ​വ​ശ്യ​മു​ള്ള ഇ​രു​പ​ത് കി​ലോ​യോ​ളം സ​വാ​ള​യും തൊ​ലി ക​ള​ഞ്ഞ്​ വെ​ച്ചി​രു​ന്നു. സാ​ധാ​ര​ണ ഓ​രോ ദി​വ​സ​വും ക​ട​യി​ലേ​ക്ക് ആ​വ​ശ്യ​മു​ള്ള സ​വാ​ള ത​ലേ​ദി​വ​സം വീ​ട്ടി​ൽ തൊ​ലി ക​ള​ഞ്ഞു വെ​ക്കും. ജോ​ലി എ​ളു​പ്പ​ത്തി​നാ​ണ് ഇ​ത് ചെ​യ്യു​ന്ന​ത്. ശ​നി​യാ​ഴ്ച ക​ട തു​റ​ക്കാ​നു​ള്ള പ്ര​വ​ർ​ത്ത​ന​ങ്ങ​ൾ വീ​ട്ടി​ലും ന​ട​ന്നു എ​ന്ന​തി​ന്‍റെ തെ​ളി​വ് കൂ​ടി​യാ​ണി​ത്. നേ​ര​ത്തേ​യും ആ​രോ​ഗ്യ​വ​കു​പ്പ് പ​രി​ശോ​ധ​ന​യി​ൽ ക​ട​ക്ക്​ പി​ഴ ചു​മ​ത്തി​യി​ട്ടു​ണ്ട​ത്രെ.

സാ​ധാ​ര​ണ സാ​മ്പ​ത്തി​ക ബു​ദ്ധി​മു​ട്ട്​ മൂ​ല​മു​ള്ള ആ​ത്മ​ഹ​ത്യ​ക​ളി​ൽ ആ​ത്മ​ഹ​ത്യ കു​റി​പ്പ് ല​ഭി​ക്കാ​റു​ണ്ട്. ഇ​വി​ടെ ഇ​ത്ത​ര​ത്തി​ൽ യാ​തൊ​ന്നും ല​ഭി​ച്ചി​ട്ടി​ല്ല. സാ​മ്പ​ത്തി​ക​മാ​യി ചി​ല ബാ​ധ്യ​ത​ക​ൾ ഉ​ണ്ടാ​യി​രു​ന്നെ​ങ്കി​ലും അ​തെ​ല്ലാം മ​ണി​ക്കു​ട്ട​ന് അ​തി​ജീ​വി​ക്കാ​ൻ ക​ഴി​യു​ന്ന​ത​ര​ത്തി​ലു​ള്ള​വ​യാ​ണ് എ​ന്നാ​ണ് നാ​ട്ടു​കാ​രും ബ​ന്ധു​ക്ക​ളും സു​ഹൃ​ത്തു​ക്ക​ളും ചൂ​ണ്ടി​ക്കാ​ട്ടു​ന്ന​ത്. ഈ ​സാ​ഹ​ച​ര്യ​ത്തി​ൽ സൂ​ക്ഷ​മ​മാ​യി തെ​ളി​വെ​ടു​പ്പും അ​ന്വേ​ഷ​ണ​വും ന​ട​ത്താ​നാ​ണ്​ പൊ​ലീ​സ്​ തീ​രു​മാ​നം.

സ​മീ​പ​കാ​ല​ത്ത് പ​ഴ​യ വീ​ടും പു​ര​യി​ട​വും മ​ണി​ക്കു​ട്ട​ൻ വാ​ങ്ങി​യി​രു​ന്നു. ആ ​വീ​ട് പു​തു​ക്കി പു​ന​ർ​നി​ർ​മി​ച്ച് ക​ഴി​ഞ്ഞ വെ​ള്ളി​യാ​ഴ്ച​യാ​ണ് പാ​ലു​കാ​ച്ചി​യ​ത്. ഒ​രു ദി​വ​സം മാ​ത്ര​മാ​ണ് ഇ​വി​ടെ താ​മ​സി​ച്ച​ത്. ക​ട​യി​ലെ ക​ച്ച​വ​ട സൗ​ക​ര്യാ​ർ​ഥം വീ​ണ്ടും കു​ടും​ബ​വീ​ട്ടി​ൽ വ​രി​ക​യാ​യി​രു​ന്നു.

അ​സ്വാ​ഭാ​വി​ക മ​ര​ണ​ത്തി​ന്​ കേ​സ്​; ഫോ​റ​ൻ​സി​ക്​ വി​ഭാ​ഗം തെളിവ്​ ശേ​ഖ​രി​ച്ചു

ക​ല്ല​മ്പ​ലം: ചാ​ത്ത​മ്പ​റ​യി​ലെ കു​ടും​ബ​ത്തി​ന്‍റെ കൂ​ട്ട മ​ര​ണ​ത്തി​ൽ അ​സ്വാ​ഭാ​വി​ക മ​ര​ണ​ത്തി​ന് പൊ​ലീ​സ്​ കേ​സെ​ടു​ത്തു. മ​ര​ണ​ത്തി​ൽ ബാ​ഹ്യ ഇ​ട​പെ​ട​ലു​ക​ൾ​ക്ക് സാ​ധ്യ​ത ഇ​ല്ലെ​ന്ന നി​ഗ​മ​ന​ത്തി​ലാ​ണ്​ പൊ​ലീ​സ്. അ​തേ​സ​മ​യം പോ​സ്റ്റ്​​മോ​ർ​ട്ടം റി​പ്പോ​ർ​ട്ടും മ​റ്റ്​ ശാ​സ്​​ത്രീ​യ​പ​രി​ശോ​ധ​നാ​വി​വ​ര​ങ്ങ​ളും ല​ഭ്യ​മാ​യ​ശേ​ഷം മാ​​ത്ര​മേ മ​ര​ണ​കാ​ര​ണം സം​ബ​ന്ധി​ച്ച്​ കൂ​ടു​ത​ൽ വ്യ​ക്ത​ത​വ​രൂ.

പ്രാ​ഥ​മി​ക തെ​ളി​വെ​ടു​പ്പി​ൽ മ​റ്റ്​ സം​ശ​യ​ക​ര​മാ​യ വി​വ​ര​ങ്ങ​ളോ സൂ​ച​ന​ക​ളോ ല​ഭി​ച്ചി​ട്ടി​ല്ല. ര​ണ്ട്​ ബെ​ഡ് റൂ​മു​ക​ളി​ലും ഹാ​ളി​ലും ആ​യാ​ണ് മൃ​ത​ദേ​ഹ​ങ്ങ​ൾ ക​ണ്ടെ​ത്തി​യ​ത്.

മ​ണി​ക്കു​ട്ട​ൻ തൂ​ങ്ങി​മ​രി​ച്ച കി​ട​പ്പു​മു​റി​യി​ലെ ക​ട്ടി​ലി​ൽ ആ​ണ് ഭാ​ര്യ സ​ന്ധ്യ​യു​ടെ മൃ​ത​ദേ​ഹം കാ​ണ​പ്പെ​ട്ട​ത്. മ​ക്ക​ൾ ര​ണ്ടു​പേ​രും മ​റ്റൊ​രു മു​റി​യി​ലെ ക​ട്ടി​ലി​ലും ദേ​വ​കി ഹാ​ളി​ൽ ത​റ​യി​ൽ അ​വ​ർ സ്ഥി​രം കി​ട​ക്കു​ന്ന സ്ഥ​ല​ത്തും ആ​ണ് മ​രി​ച്ചു​കി​ട​ന്ന​ത്. മ​ണി​ക്കു​ട്ട​ൻ ഒ​ഴി​കെ​യു​ള്ള എ​ല്ലാ​വ​രു​ടെ​യും മൃ​ത​ദേ​ഹ​ത്തി​ൽ തു​ണി ഇ​ട്ട് മൂ​ടി​യ നി​ല​യി​ലും ആ​യി​രു​ന്നു. ഓ​രോ​രു​ത്ത​രും മ​രി​ച്ചു എ​ന്ന് ഉ​റ​പ്പ് വ​രു​ത്തി​യ ശേ​ഷം മ​ണി​ക്കു​ട്ട​ൻ ആ​ത്മ​ഹ​ത്യ ചെ​യ്​​ത​താ​കാ​മെ​ന്നാ​ണ്​ പൊ​ലീ​സ്​ ക​രു​തു​ന്ന​ത്.

പു​ല​ർ​ച്ച സം​ഭ​വം അ​റി​ഞ്ഞ​യു​ട​ൻ ക​ല്ല​മ്പ​ലം ​െപാ​ലീ​സ് സ്ഥ​ല​ത്തെ​ത്തി. പ്രാ​ഥ​മി​ക പ​രി​ശോ​ധ​ന​ക്ക് ശേ​ഷം വീ​ട് അ​ട​ച്ചി​ട്ടു. എ​ട്ട​ര​യോ​ടെ വ​ർ​ക്ക​ല ഡി​വൈ.​എ​സ്.​പി പി. ​നി​യാ​സ് എ​ത്തി. ഒ​മ്പ​ത​ര​യോ​ടെ തി​രു​വ​ന​ന്ത​പു​രം റൂ​റ​ൽ എ​സ്.​പി ദി​വ്യ ഗോ​പി​നാ​ഥ് സ്ഥ​ല​ത്തെ​ത്തി പ​രി​ശോ​ധ​ന​ക്ക് നേ​തൃ​ത്വം ന​ൽ​കി. റൂ​റ​ൽ എ​സ്.​പി എ​ത്തി​യ​തി​നു​ശേ​ഷം ആ​ണ് വി​ശ​ദ​മാ​യ തെ​ളി​വെ​ടു​പ്പ് ആ​രം​ഭി​ച്ച​ത്. ഫോ​റ​ൻ​സി​ക് വി​ഭാ​ഗ​വും വീ​ട്ടി​ൽ തെ​ളി​വെ​ടു​പ്പ് ന​ട​ത്തി. വീ​ട്ടി​ൽ വൈ​ദ്യു​തി ബ​ന്ധം നി​ല​ച്ചി​രു​ന്ന​ത് തെ​ളി​വെ​ടു​പ്പി​ന് ബു​ദ്ധി​മു​ട്ട് ഉ​ണ്ടാ​ക്കി. തു​ട​ർ​ന്ന് സ​മീ​പ വീ​ടു​ക​ളി​ൽ നി​ന്ന്​ എ​മ​ർ​ജ​ൻ​സി ലൈ​റ്റു​ക​ൾ സം​ഘ​ടി​പ്പി​ച്ചാ​ണ് തെ​ളി​വെ​ടു​പ്പ് ആ​രം​ഭി​ച്ച​ത്. പ​ത്ത​ര​യോ​ടെ കെ.​എ​സ്.​ഇ.​ബി ജീ​വ​ന​ക്കാ​ർ എ​ത്തി വൈ​ദ്യു​തി ബ​ന്ധം പു​നഃ​സ്ഥാ​പി​ച്ചു. പ​ന്ത്ര​ണ്ട​ര​യോ​ടെ വി​വ​ര​ശേ​ഖ​ര​ണം പൂ​ർ​ത്തി​യാ​ക്കി പോ​സ്റ്റ്മോ​ർ​ട്ട​ത്തി​നാ​യി മൃ​ത​ദേ​ഹ​ങ്ങ​ൾ തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ലേ​ക്ക് മാ​റ്റു​ക​യാ​യി​രു​ന്നു. ഡി​വൈ.​എ​സ്.​പി നി​യാ​സി​ന്‍റെ നേ​തൃ​ത്വ​ത്തി​ൽ ക​ല്ല​മ്പ​ലം ​െപാ​ലീ​സാ​ണ്​ കേ​സ് അ​ന്വേ​ഷി​ക്കു​ന്ന​ത്.

ജനകീയ തട്ടുകട അനാഥം; പ്രതിസന്ധിയിലായത്​ എട്ട് കുടുംബങ്ങൾ

ക​ല്ല​മ്പ​ലം: ജ​ന​കീ​യ ത​ട്ടു​ക​ട അ​നാ​ഥ​മാ​കു​മ്പോ​ൾ പ്ര​തി​സ​ന്ധി​യി​ൽ ആ​കു​ന്ന​ത് എ​ട്ട് കു​ടും​ബ​ങ്ങ​ൾ. ചാ​ത്ത​മ്പ​റ​യി​ൽ മ​ണി​ക്കു​ട്ട​ന്‍റെ നേ​തൃ​ത്വ​ത്തി​ൽ പ്ര​വ​ർ​ത്തി​ച്ചി​രു​ന്ന ത​ട്ടു​ക​ട ദേ​ശീ​യ​പാ​ത​യി​ലെ യാ​ത്ര​ക്കാ​രു​ടെ സ്ഥി​രം ഭ​ക്ഷ​ണ​ശാ​ല​യാ​യി​രു​ന്നു. ര​ണ്ടു​പ​തി​റ്റാ​ണ്ടാ​യി ത​ട്ടു​ക​ട ഇ​വി​ടെ പ്ര​വ​ർ​ത്തി​ക്കു​ന്നു. ആ​ദ്യ​കാ​ല​ങ്ങ​ളി​ൽ രാ​ത്രി മാ​ത്ര​മാ​യി​രു​ന്നു. തു​ട​ർ​ന്ന് പ്ര​വൃ​ത്തി​സ​മ​യം വ​ർ​ധി​പ്പി​ച്ചു. നി​ല​വി​ൽ ഉ​ച്ച​ക്ക് ശേ​ഷം പ്ര​വ​ർ​ത്തി​ച്ചു​തു​ട​ങ്ങും. പു​ല​ർ​ച്ച വ​രെ ക​ച്ച​വ​ടം തു​ട​രും. ദീ​ർ​ഘ​ദൂ​ര യാ​ത്ര​ക്കാ​രും ലോ​റി ഡ്രൈ​വ​ർ​മാ​രും ഉ​ൾ​പ്പെ​ടെ വ​ലി​യൊ​രു വി​ഭാ​ഗം സ്ഥി​രം ഉ​പ​ഭോ​ക്താ​ക്ക​ൾ ഇ​വി​ടെ​യു​ണ്ട്. ആ​റ്റി​ങ്ങ​ൽ, ക​ല്ല​മ്പ​ലം മേ​ഖ​ല​ക​ളി​ൽ മ​റ്റ്​ ത​ട്ടു​ക​ട​ക​ൾ എ​ല്ലാം രാ​ത്രി പ​തി​നൊ​ന്നോ​ടെ അ​ട​ക്കും. എ​ന്നാ​ൽ മ​ണി​ക്കു​ട്ട​ന്‍റെ ക​ട പു​ല​ർ​ച്ച വ​രെ തു​ട​രും. അ​തി​ന്​ അ​നു​സൃ​ത​മാ​യ ക​ച്ച​വ​ട​വും ഉ​ണ്ട്.

മ​ണി​ക്കു​ട്ട​ന് പു​റ​മെ എ​ട്ട്​ ജീ​വ​ന​ക്കാ​ർ സ്ഥാ​പ​ന​ത്തി​ൽ ഉ​ണ്ടാ​യി​രു​ന്നു. ഇ​തി​ലൂ​ടെ ത​ദ്ദേ​ശീ​യ​രും അ​ന്യ സം​സ്ഥാ​ന​ക്ക​രു​മാ​യ എ​ട്ട് കു​ടും​ബ​ങ്ങ​ൾ ആ​ണ് ഉ​പ​ജീ​വ​നം ന​ട​ത്തി​യി​രു​ന്ന​ത്. ഷം​നാ​ദ് ആ​യി​രു​ന്നു പ്ര​ധാ​ന ജീ​വ​ന​ക്കാ​ര​ൻ. മ​ണി​ക്കു​ട്ട​ന്‍റെ അ​സാ​ന്നി​ധ്യ​ത്തി​ൽ ക​ട നോ​ക്കി ന​ട​ത്തി​യി​രു​ന്ന​തും ഷം​നാ​ദ് ആ​യി​രു​ന്നു. മ​ണി​ക്കു​ട്ട​ന്‍റെ മ​ര​ണ​ത്തോ​ടെ ഇ​വ​രു​ടെ ഉ​പ​ജീ​വ​ന​വും പ്ര​തി​സ​ന്ധി​യി​ലാ​യി.

അഞ്ചംഗ കുടുംബത്തിന്‍റെ മരണം നാടിന്​ നടുക്കമായി

ക​ല്ല​മ്പ​ലം: അ​ഞ്ചം​ഗ കു​ടും​ബ​ത്തി​ന്‍റെ മ​ര​ണ​ത്തി​ന്‍റെ ​ന​ടു​ക്ക​ത്തി​ലാ​ണ്​ നാ​ട്ടു​കാ​ർ. ശ​നി​യാ​ഴ്ച നാ​ട് ഉ​ണ​ർ​ന്ന​ത് ദു​ര​ന്ത​വാ​ർ​ത്ത കേ​ട്ടാ​യി​രു​ന്നു. മ​ണി​ക്കു​ട്ട​ൻ ഉ​ൾ​പ്പെ​ടെ കു​ടും​ബ​ത്തി​ലെ അ​ഞ്ചു​പേ​രെ വീ​ട്ടി​നു​ള്ളി​ൽ മ​രി​ച്ച​നി​ല​യി​ൽ ക​ണ്ടെ​ത്തി എ​ന്ന വാ​ർ​ത്ത നാ​ട്ടു​കാ​ർ​ക്ക് ആ​ദ്യം വി​ശ്വ​സി​ക്കാ​ൻ ക​ഴി​ഞ്ഞി​ല്ല. പ്ര​ദേ​ശ​വാ​സി​ക​ൾ​ക്കെ​ല്ലാം പ​രി​ചി​ത​രാ​ണ് ഈ ​കു​ടും​ബം. അ​തി​നാ​ൽ​ത​ന്നെ ദു​ര​ന്ത​വാ​ർ​ത്ത നാ​ടി​നെ ക​ണ്ണീ​രി​ലാ​ഴ്ത്തി. തു​ട​ർ​ന്ന് ചാ​ത്ത​മ്പ​റ​യി​ലെ ക​ട​യി​ൽ​വീ​ട്ടി​ലേ​ക്ക് ജ​നം ഒ​ഴു​കി​െ​ത്തി.

ക​ഴി​ഞ്ഞ ദി​വ​സ​ങ്ങ​ളി​ൽ പോ​ലും മ​ണി​ക്കു​ട്ട​ന്‍റെ ഇ​ട​പെ​ട​ലു​ക​ൾ സാ​ധാ​ര​ണ​പോ​ലെ​ത​​ന്നെ​യാ​യി​രു​ന്നു. വെ​ള്ളി​യാ​ഴ്ച​യും ജ്യേ​ഷ്ഠ​ൻ ചു​ള്ളി​യി​ൽ​കോ​ണം ശ്രീ​നി​ല​യ​ത്തി​ൽ ശ്രീ​രം​ഗ​ന്‍റെ വീ​ട്ടി​ൽ ഉ​ച്ച​ക്ക് ചെ​ന്നി​രു​ന്നു. ഇ​ട​ക്കൊ​ക്കെ ഇ​വി​ടെ പോ​കാ​റു​ണ്ട്. വെ​ള്ളി​യാ​ഴ്ച വൈ​കീ​ട്ട്​ കാ​റ്റി​ലും മ​ഴ​യി​ലും വീ​ട്ടി​ലെ വൈ​ദ്യു​തി ത​ട​സ്സ​പ്പെ​ട്ടി​രു​ന്നു.

രാ​ത്രി മ​ക​ൾ അ​മേ​യ അ​ടു​ത്ത വീ​ട്ടി​ൽ വ​ന്നാ​ണ് മൊ​ബൈ​ൽ ചാ​ർ​ജ് ചെ​യ്ത​ത്. ഈ ​സ​മ​യം മ​ണി​ക്കു​ട്ട​നും മ​ക​ൾ​ക്കൊ​പ്പം ഇ​വി​ടെ വ​രു​ക​യും വീ​ട്ടു​കാ​രോ​ട് സം​സാ​രി​ച്ചി​രി​ക്കു​ക​യും ചെ​യ്തി​രു​ന്നു. അ​ടു​ത്ത​ദി​വ​സം മ​ണി​ക്കു​ട്ട​ന്‍റെ മ​ര​ണം ആ​ർ​ക്കും ഉ​ൾ​ക്കൊ​ള്ളാ​ൻ ക​ഴി​ഞ്ഞി​ല്ല. മ​ണി​ക്കു​ട്ട​ന്‍റെ ജ​ന​കീ​യ​ത പ്ര​ദേ​ശ​വാ​സി​ക​ളു​ടെ സ​ങ്ക​ട​ത്തി​ന്‍റെ ആ​ഴം​കൂ​ട്ടി. അ​തേ​സ​മ​യം, അ​ഞ്ചു​പേ​രു​ടെ മ​ര​ണ​ത്തോ​ടെ കു​ടും​ബ​ത്തി​ൽ മ​ണി​ക്കു​ട്ട​ന്‍റെ മാ​താ​വ് വാ​സ​ന്തി ഒ​റ്റ​യ്ക്കാ​യി. വാ​സ​ന്തി ഉ​ൾ​പ്പെ​ടെ ആ​റു​പേ​ർ ആ​ണ് ഈ ​വീ​ട്ടി​ൽ ക​ഴി​ഞ്ഞി​രു​ന്ന​ത്.

പോ​സ്റ്റ്മോ​ർ​ട്ടം ന​ട​പ​ടി​ക​ൾ​ക്കു ശേ​ഷം വൈ​കീ​ട്ട്​ ന​ലോ​ടെ​യാ​ണ് മൃ​ത​ദേ​ഹ​ങ്ങ​ൾ വി​ട്ടു ന​ൽ​കി​യ​ത്. തു​ട​ർ​ന്ന് വി​ലാ​പ​യാ​ത്ര​യാ​യി എ​ത്തി​ച്ച്​ ചാ​ത്ത​മ്പ​റ​യി​ൽ പൊ​തു​ദ​ർ​ശ​ന​ത്തി​ന് വെ​ച്ചു. വി​വി​ധ മേ​ഖ​ല​ക​ളി​ലെ വ​ൻ​ജ​നാ​വ​ലി വീ​ട്ടി​ലെ​ത്തി അ​ന്ത്യാ​ഞ്ജ​ലി അ​ർ​പ്പി​ച്ചു. ഒ.​എ​സ്. അം​ബി​ക എം.​എ​ൽ.​എ, മു​ൻ എം.​എ​ൽ.​എ ബി. ​സ​ത്യ​ൻ, വ​ർ​ക്ക​ല ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ൻ​റ്​ സ്മി​ത സു​ന്ദ​രേ​ശ​ൻ, കി​ളി​മാ​നൂ​ർ ബ്ലോ​ക്ക് പ്ര​സി​ഡ​ൻ്റ് ബി.​പി. മു​ര​ളി, മ​ണ​മ്പൂ​ർ പ​ഞ്ചാ​യ​ത്ത് പ്ര​സി​ഡ​ൻ​റ് എ. ​ന​ഹാ​സ്, ക​ര​വാ​രം പ​ഞ്ചാ​യ​ത്ത് പ്ര​സി​ഡ​ൻ​റ് ഷി​ബു​ലാ​ൽ തു​ട​ങ്ങി​വ​ർ വീ​ട്ടി​ലെ​ത്തി അ​ന്ത്യാ​ഞ്ജ​ലി അ​ർ​പ്പി​ച്ചു.

Show Full Article
TAGS:crime news Deathnews 
News Summary - Police are looking for the cause of mass death
Next Story