പോക്സോ കേസ്: പ്രതിക്ക് 10 വർഷം തടവും 25,000 രൂപ പിഴയും

കട്ടപ്പന: പോക്സോ കേസിൽ പ്രതിക്ക് 10 വർഷം തടവും 25,000 രൂപ പിഴയും. വെള്ളാവൂർ, മണിമലകരയിൽ, വെള്ളിച്ചിറ വയൽഭാഗത്ത് കൈതപാറ കുഴിയിൽ പ്രിൻസിനെയാണ് കട്ടപ്പന ഫാസ്റ്റ്ട്രാക് കോടതി ശിക്ഷിച്ചത്.

പിഴ അടച്ചില്ലെങ്കിൽ രണ്ടുമാസം കൂടി അധികതടവ് അനുഭവിക്കണം. നെടുംകണ്ടം സി.ഐ ആയിരുന്ന റെജി എം.കുന്നിപറമ്പിൽ 2017ൽ ചാർജ് ചെയ്ത കേസിലാണ് കട്ടപ്പന ഫാസ്റ്റ്ട്രാക് കോടതിയുടെ വിധി.