പ്ലസ് ടു വിദ്യാർഥിനിയുടെ പീഡന പരാതി നിലനിൽക്കില്ല; മജിസ്ട്രേറ്റിന് നൽകിയ മൊഴികളിലും പൊരുത്തക്കേട്

കു​ട്ട​നാ​ട്: കു​ട്ട​നാ​ട് എ​ട​ത്വ​യി​ൽ സ്‌​കൂ​ളി​ല്‍നി​ന്ന്​ മ​ട​ങ്ങി​വ​രു​മ്പോ​ൾ അ​ഞ്ചു​പേ​ര്‍ ചേ​ര്‍ന്ന് പീ​ഡി​പ്പി​ച്ചെ​ന്ന പ്ല​സ് ടു ​വി​ദ്യാ​ർ​ഥി​നി​യു​ടെ മാ​താ​പി​താ​ക്ക​ൾ ന​ൽ​കി​യ പ​രാ​തി വ്യാ​ജ​മെ​ന്ന്​ സൂ​ച​ന. സ്‌​കൂ​ളി​ല്‍ പോ​കാ​നു​ള്ള മ​ടി കാ​ര​ണം കു​ട്ടി ക​ള്ള​ക്ക​ഥ മെ​ന​ഞ്ഞ​താ​ണെ​ന്നാ​ണ് പൊ​ലീ​സി​െൻറ നി​ഗ​മ​നം. മ​ജി​സ്ട്രേ​റ്റി​ന് ന​ൽ​കി​യ മൊ​ഴി​ക​ളി​ലും വൈ​രു​ധ്യ​മു​ണ്ടെ​ന്നാ​ണ് വി​വ​രം. ഈ ​സാ​ഹ​ച​ര്യ​ത്തി​ൽ കേ​സ് നി​ല​നി​ൽ​ക്കാ​ൻ സാ​ധ്യ​ത കു​റ​വാ​ണ്.

സ്‌​കൂ​ള്‍ തു​റ​ന്ന​തോ​ടെ മൊ​ബൈ​ല്‍ കൈ​യി​ല്‍നി​ന്ന്​ പോ​കു​മെ​ന്ന ചി​ന്ത കു​ട്ടി​യെ അ​ല​ട്ടി​യി​രു​ന്നെ​ന്നാ​ണ് ക​രു​തു​ന്ന​ത്. ഇ​തു വ​ലി​യ മാ​ന​സി​ക ആ​ഘാ​ത​ത്തി​നു കാ​ര​ണ​മാ​കാ​മെ​ന്നാ​ണ് വി​ല​യി​രു​ത്ത​ൽ. ഇ​തേ​തു​ട​ര്‍ന്ന് കു​ട്ടി പീ​ഡ​ന​ക്ക​ഥ മെ​ന​ഞ്ഞ​തെ​ന്നാ​ണ് ക​രു​തു​ന്ന​ത്. ക്ലാ​സ് തു​ട​ങ്ങു​ന്ന വാ​ര്‍ത്ത അ​റി​ഞ്ഞ​പ്പോ​ള്‍ ത​ന്നെ ഇ​നി സ്‌​കൂ​ളി​ല്‍ പോ​കു​ന്നി​ല്ലെ​ന്ന് കു​ട്ടി വീ​ട്ടി​ല്‍ പ​റ​ഞ്ഞി​രു​ന്നു. എ​ന്നാ​ല്‍, മൊ​ബൈ​ല്‍ തി​രി​കെ ന​ല്‍കി സ്‌​കൂ​ളി​ലേ​ക്കു പോ​കാ​ന്‍ വീ​ട്ടു​കാ​ര്‍ ആ​വ​ശ്യ​പ്പെ​ട്ടു. സ്‌​കൂ​ള്‍ തു​റ​ന്ന ദി​വ​സം തി​രി​കെ വീ​ട്ടി​ലേ​ക്കു മ​ട​ങ്ങി​വ​രു​മ്പോ​ള്‍ അ​ഞ്ചം​ഗ സം​ഘം പീ​ഡി​പ്പി​ച്ചെ​ന്നാ​ണ് കു​ട്ടി ര​ക്ഷാ​ക​ര്‍ത്താ​ക്ക​ളോ​ട്​ പ​റ​ഞ്ഞ​ത്. തു​ട​ര്‍ന്ന് വീ​ട്ടു​കാ​ര്‍ പൊ​ലീ​സി​ല്‍ പ​രാ​തി ന​ല്‍കി. സം​ഭ​വ​സ്ഥ​ലം പ​രി​ശോ​ധി​ച്ച പൊ​ലീ​സ് സി.​സി ടി.​വി ദൃ​ശ്യം ശേ​ഖ​രി​ച്ചു. പ്ര​ദേ​ശ​വാ​സി​ക​ളു​ടെ മൊ​ഴി രേ​ഖ​പ്പെ​ടു​ത്തു​ക​യും ചെ​യ്തു.

കു​ട്ടി പ​റ​ഞ്ഞ ആ​ളു​ക​ളെ ചോ​ദ്യം ചെ​യ്ത​പ്പോ​ള്‍ സം​ഭ​വ​സ​മ​യ​ത്ത് ഇ​വ​ര്‍ സ്ഥ​ല​ത്തി​ല്ലാ​യി​രു​ന്നു എ​ന്നു ക​ണ്ടെ​ത്തി. വൈ​ദ്യ​പ​രി​ശോ​ധ​ന​യി​ലും പീ​ഡ​നം ന​ട​ന്ന​തി​െൻറ തെ​ളി​വു ല​ഭി​ച്ചി​ല്ല.

പെ​ണ്‍കു​ട്ടി​യു​ടെ മൊ​ഴി​യി​ലെ വൈ​രു​ധ്യം തു​ട​ക്ക​ത്തി​ല്‍ ത​ന്നെ ബോ​ധ്യ​പ്പെ​ട്ട പൊ​ലീ​സ്, പ​രാ​തി ആ​രു​ടെ​യെ​ങ്കി​ലും പ്രേ​ര​ണ​യാ​ല്‍ ന​ല്‍കി​യ​താ​ണോ എ​ന്നും അ​ന്വേ​ഷി​ക്കു​ന്നു​ണ്ട്. പ​രാ​തി​യു​ടെ അ​ടി​സ്ഥാ​ന​ത്തി​ൽ ഇ​നി​യും ചോ​ദ്യം ചെ​യ്യ​ൽ തു​ട​രു​മെ​ന്ന് രാ​മ​ങ്ക​രി പൊ​ലീ​സ് പ​റ​ഞ്ഞു.