ജീവനക്കാരെ ആക്രമിച്ച് പെട്രോൾ പമ്പിൽ കവർച്ച: പ്രതികൾക്ക് 16 വർഷം കഠിനതടവും പിഴയും

കോ​ട്ട​യം: പാ​മ്പാ​ടി​യി​ൽ പെ​ട്രോ​ൾ പ​മ്പ് ജീ​വ​ന​ക്കാ​രെ ആ​ക്ര​മി​ച്ച് ക​വ​ർ​ച്ച ന​ട​ത്തി​യ കേ​സി​ൽ നേ​പ്പാ​ൾ സ്വ​ദേ​ശി​ക​ളാ​യ ര​ണ്ട്​ പ്ര​തി​ക​ൾ​ക്ക് 16 വ​ർ​ഷം ക​ഠി​ന ത​ട​വ്.

നേ​പ്പാ​ൾ മൈ​ന്താ​ന​ഗ​ർ സ്വ​ദേ​ശി​യാ​യ രാം​സി​ങ്​ (33 ), നേ​പ്പാ​ൾ ആം​ഞ്ചാം സ്വ​ദേ​ശി കി​ഷ​ൻ ബ​ഹാ​ദൂ​ർ (29) എ​ന്നി​വ​രെ​യാ​ണ് കോ​ട്ട​യം അ​ഡീ​ഷ​ന​ൽ സെ​ഷ​ൻ​സ് കോ​ട​തി-​ര​ണ്ട് (സ്‌​പെ​ഷ​ൽ) ജ​ഡ്ജി ജോ​ൺ​സ​ൺ ജോ​ൺ ശി​ക്ഷി​ച്ച​ത്.

2018 മാ​ർ​ച്ച് 17 ന്​ ​രാ​ത്രി 11.45നാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. പാ​മ്പാ​ടി മ​റ്റ​ത്തി​ൽ​പ​റ​മ്പി​ൽ ഫ്യു​വ​ൽ​സ് ജീ​വ​ന​ക്കാ​ര​നാ​യ വ​ട്ട​മ​ല​പ്പ​ടി തോ​പ്പി​ൽ അ​നീ​ഷി​നെ(36) ക​മ്പി​വ​ടി കൊ​ണ്ട് ത​ല​ക്ക​ടി​ച്ച് വീ​ഴ്ത്തി ഒ​ന്ന​ര ല​ക്ഷം രൂ​പ ക​വ​ർ​ന്ന കേ​സി​ലാ​ണ് ശി​ക്ഷ. വി​വി​ധ വ​കു​പ്പു​ക​ളി​ലാ​ണ്​ 16 വ​ർ​ഷം ക​ഠി​ന​ത​ട​വ്. 85,000 രൂ​പ പി​ഴ​യും വി​ധി​ച്ചി​ട്ടു​ണ്ട്. പി​ഴ​സം​ഖ്യ പ്ര​തി​ക​ൾ കെ​ട്ടി​വെ​ക്കു​ക​യാ​ണെ​ങ്കി​ൽ ഒ​ന്നാം സാ​ക്ഷി അ​നീ​ഷി​ന് ന​ൽ​കാ​നും കോ​ട​തി വി​ധി​ച്ചു. നാ​ലു​പ്ര​തി​ക​ളു​ണ്ടാ​യി​രു​ന്ന കേ​സി​ലെ മ​റ്റ്​ ര​ണ്ടു​പേ​ർ നേ​പ്പാ​ളി​ലേ​ക്ക്​ ക​ട​ന്നു​ക​ള​ഞ്ഞ​തി​നാ​ൽ അ​റ​സ്​​റ്റ്​ ചെ​യ്യാ​ൻ സാ​ധി​ച്ചി​ട്ടി​ല്ല.

ജീ​വ​ന​ക്കാ​ര​നാ​യ അ​നീ​ഷ് രാ​ത്രി കാ​വ​ലി​നാ​യി എ​ത്തി​യ സ​മ​യ​ത്താ​ണ് ആ​ക്ര​മ​ണം ന​ട​ന്ന​ത്. ക​മ്പി​വ​ടി അ​ട​ക്ക​മു​ള്ള മാ​ര​കാ​യു​ധ​ങ്ങ​ൾ ഉ​പ​യോ​ഗി​ച്ച് ത​ല​ക്ക​ടി​ച്ച് വീ​ഴ്ത്തു​ക​യും ഓ​ഫി​സി​നു​ള്ളി​ലെ ഒ​രു മു​റി​യി​ൽ കെ​ട്ടി​യി​ടു​ക​യും ചെ​യ്ത​തി​നു​ശേ​ഷ​മാ​ണ് ക​വ​ർ​ച്ച ന​ട​ത്തി​യ​ത്.

പ​മ്പി​ലെ കാ​ൻ​റീ​ൻ ജീ​വ​ന​ക്കാ​ര​നാ​യി​രു​ന്ന നേ​പ്പാ​ൾ സ്വ​ദേ​ശി​യാ​യ സ​ത്യ​രാ​ജ് ബൊ​ഹ്‌​റ ന​ൽ​കി​യ വി​വ​ര​ത്തി​ന​നു​സ​രി​ച്ചാ​യി​രു​ന്നു പ്ര​തി​ക​ൾ ക​വ​ർ​ച്ച ആ​സൂ​ത്ര​ണം ചെ​യ്ത​ത്.

പ​മ്പി​ലെ മ​റ്റൊ​രു ജീ​വ​ന​ക്കാ​ര​നാ​യ അ​സം സ്വ​ദേ​ശി സാ​ഗ്​​മ​യെ​യും പ്ര​തി​ക​ൾ ആ​ക്ര​മി​ച്ച​ശേ​ഷം മു​റി​യി​ൽ കെ​ട്ടി​യി​ട്ടി​രു​ന്നു. കൃ​ത്യ​ത്തി​നു​ശേ​ഷം ര​ക്ഷ​പ്പെ​ട്ട രാം​സി​ങി​നെ​യും കി​ഷ​ൻ ബ​ഹാ​ദൂ​റി​നെ​യും ബം​ഗ​ളൂ​രു​വി​ൽ​നി​ന്ന്​ അ​ന്ന​ത്തെ പാ​മ്പാ​ടി പൊ​ലീ​സ് സ​ബ് ഇ​ൻ​സ്‌​പെ​ക്​​ട​ർ ടി.​ശ്രീ​ജി​ത്തും സം​ഘ​വും അ​റ​സ്​​റ്റ്​ ചെ​യ്യു​ക​യാ​യി​രു​ന്നു.

സ​ത്യ​രാ​ജ് ബൊ​ഹ്‌​റ, പ്ര​തി​ക​ളെ സ​ഹാ​യി​ച്ച നേ​പ്പാ​ൾ സ്വ​ദേ​ശി​യാ​യ കി​ഷ​ൻ ബ​ഹാ​ദൂ​ർ എ​ന്നി​വ​രാ​ണ്​ പി​ടി​യി​ലാ​കാ​നു​ള്ള​ത്. പ്രോ​സി​ക്യൂ​ഷ​നു​വേ​ണ്ടി അ​ഡീ​ഷ​ന​ൽ പ​ബ്ലി​ക് പ്രോ​സി​ക്യൂ​ട്ട​ർ കെ.​ജി​തേ​ഷ് ഹാ​ജ​രാ​യി.