മയക്കുമരുന്ന് മാഫിയക്ക് സാമ്പത്തിക സഹായം നല്കിയയാൾ അറസ്റ്റിൽ
text_fieldsഅമൽ
തലയോലപ്പറമ്പ്: മയക്കുമരുന്ന് മാഫിയക്ക് ലഹരിവസ്തുക്കൾ കച്ചവടം നടത്തുന്നതിന് സാമ്പത്തികസഹായം ചെയ്തുവന്ന അതിരമ്പുഴ ഞരളിക്കോട്ടിൽ വീട്ടില് അമൽ സെബാസ്റ്റ്യൻ (26) അറസ്റ്റിൽ.
ഒക്ടോബറിൽ ജില്ല പൊലീസ് മേധാവി കെ. കാർത്തിക്കിന്റെ നേതൃത്വത്തില് തലയോലപ്പറമ്പിൽനിന്ന് കഞ്ചാവുമായി കെന്സ് സാബു, രഞ്ജിത്ത് എന്നിവരെ പിടികൂടിയിരുന്നു. ഇവരെ ചോദ്യം ചെയ്തതിനെതുടർന്നാണ് അമൽ സെബാസ്റ്റ്യനെക്കുറിച്ച് വിവരം കിട്ടിയത്. ഈ കേസിലെ പ്രതികൾക്ക് സാമ്പത്തിക സഹായം നൽകിയതിന് ആർപ്പൂക്കര ഈസ്റ്റ് ഭാഗത്ത് ചാമക്കാലയിൽ വീട്ടിൽ മിഥുൻ സി. ബാബു, നീണ്ടൂർ കൈപ്പുഴ കുന്നുംപുറത്ത് വീട്ടിൽ സോബിൻ കെ. ജോസ്, കെൻസ് സാബുവിന്റെ ഭാര്യ അനു ഷെറിൻ ജോൺ, കൈപ്പുഴ മച്ചത്തിൽ മൊസാർട്ട് എന്നിവരെയും ഇതരസംസ്ഥാനത്തുനിന്ന് കഞ്ചാവ് എത്തിച്ച സുര്ള പാണ്ടയ്യയെയും പൊലീസ് അറസ്റ്റ് ചെയ്തിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

