പ​ത്ത​നം​തി​ട്ട പീഡനം: 29 കേസുകൾ, 58 പ്രതികൾ, അ​റ​സ്റ്റി​ലാ​യ​വ​ർ 42

പ​ത്ത​നം​തി​ട്ട: വി​ദ്യാ​ർ​ഥി​നി​യെ അ​ഞ്ച്​ വ​ർ​ഷ​ത്തോ​ളം നിരന്തരം പീ​ഡ​ന​ത്തി​നി​ര​യാ​ക്കി​യ സം​ഭ​വ​ത്തി​ൽ വി​വി​ധ കേ​സു​ക​ളി​ലാ​യി 58 പ്ര​തി​ക​ൾ. പ​ത്ത​നം​തി​ട്ട ജി​ല്ല​യി​ലെ വി​വി​ധ ​സ്​​റ്റേ​ഷ​നു​ക​ളി​ലാ​യി ര​ജി​സ്റ്റ​ർ ചെ​യ്ത 29 കേ​സി​ലാ​യി 42 പേ​രെ​യാ​ണ്​ ഇ​തു​വ​രെ അ​റ​സ്റ്റ്​ ചെ​യ്ത​ത്. തി​ങ്ക​ളാ​ഴ്​​ച വി​വി​ധ സ്​​റ്റേ​ഷ​നു​ക​ളി​ൽ 15 പ്ര​തി​ക​ളെ​യാ​ണ്​ അ​റ​സ്റ്റ്​ ചെ​യ്ത​ത്. 16 പ്ര​തി​ക​ളെ ഇ​നി​യും പി​ടി​കൂ​ടാ​നു​ണ്ട്.

64 പേ​രാ​ണ് പീ​ഡി​പ്പി​ച്ച​തെ​ന്ന് പെ​ൺ​കു​ട്ടി മൊ​ഴി ന​ൽ​കി​യി​രു​ന്നെ​ങ്കി​ലും ആ​റ് പേ​ർ പ്ര​തി​ക​ളാ​വു​ന്ന സാ​ഹ​ച​ര്യ​മി​ല്ലെ​ന്നാ​ണ് പ്ര​ത്യേ​ക അ​ന്വേ​ഷ​ണ സം​ഘം പ​റ​യു​ന്ന​ത്. പി​ടി​കി​ട്ടാ​നു​ള്ള​വ​രി​ൽ ഒ​രു പ്ര​തി വി​ദേ​ശ​ത്താ​ണ്. അ​യാ​ളെ അ​റ​സ്റ്റ്​ ചെ​യ്യാ​ൻ വേ​ണ്ടി​വ​ന്നാ​ൽ ലു​ക്കൗ​ട്ട് നോ​ട്ടീ​സ് പു​റ​ത്തി​റ​ക്കു​മെ​ന്ന് പൊ​ലീ​സ് പ​റ​ഞ്ഞു. ബാ​ക്കി അ​റ​സ്റ്റി​ലാ​കാ​നു​ള്ള​വ​ർ പൊ​ലീ​സ് വ​ല​യി​ലു​ണ്ടെ​ന്നാ​ണ് വി​വ​രം. പ​ത്ത​നം​തി​ട്ട​യി​ൽ അ​ഞ്ചും ഇ​ല​വും​തി​ട്ട​യി​ൽ ഒ​മ്പ​തും മ​ല​യാ​ല​പ്പു​ഴ​യി​ൽ ഒ​ന്നും പ്ര​തി​ക​ളെ​യാ​ണ് പി​ടി​കൂ​ടാ​നു​ള്ള​ത്.

പത്തനംതിട്ട സ്വകാര്യ ബസ് സ്റ്റാൻഡ് കേന്ദ്രീകരിച്ച് തമ്പടിക്കുന്ന യുവാക്കളുടെ സംഘമാണ് പെൺകുട്ടിയെ സമ്മർദത്തിലാക്കി പീഡനത്തിനിരയാക്കിയതിൽ ഏറെയും. ജില്ലക്ക് പുറത്തേക്കും പ്രതികൾ പെൺകുട്ടിയെ എത്തിച്ചോ എന്നതിൽ അന്വേഷണം തുടരുകയാണ്. പത്തനംതിട്ട ഡിവൈ.എസ്.പി എസ്. നന്ദകുമാറിന്റെ നേതൃത്വത്തിൽ 25 പേരടങ്ങുന്ന ഉദ്യോഗസ്ഥ സംഘമാണ് കേസ് അന്വേഷിക്കുന്നത്. അതീവ പ്രാധാന്യം കണക്കിലെടുത്താണ് പ്രത്യേക അന്വേഷണ സംഘത്തിന് രൂപം നൽകിയത്.