Begin typing your search above and press return to search.
exit_to_app
exit_to_app
Homechevron_rightNewschevron_rightCrimechevron_rightരണ്ട്​ പാക്​ ഭീകരർ...

രണ്ട്​ പാക്​ ഭീകരർ അടക്കം ആറു പേർ പിടിയിൽ; ഭീകരാക്രമണ പദ്ധതി തകർത്തെന്ന്​ പൊലീസ്​

text_fields
bookmark_border
Pak ISI-Trained Terror
cancel

​ന്യൂഡൽഹി: പാകിസ്​താ​െൻറ ഭീകരാക്രമണ പദ്ധതി തകർത്തതായി ഡൽഹി പൊലീസ്. രണ്ടു ഭീകരവാദികളടക്കം ആറുപേർ അറസ്​റ്റിലായതോടെയാണ്​ രാജ്യത്തി​െൻറ പല ഭാഗങ്ങളിൽ സ്​ഫോടനം നടത്താനുള്ള പദ്ധതിക്ക്​ തടയിടാനായതെന്ന്​ ഡൽഹി പൊലീസ്​ അറിയിച്ചു.

ജാൻ മുഹമ്മദ്​ ശൈഖ്​ (സമീർ -47), ഉസാമ (22), മൂൽചന്ദ് (47), സീഷാൻ ഖമർ (28), മുഹമ്മദ്​ അബൂബക്കർ (23), മുഹമ്മദ്​ അമീർ ജാവേദ്​ (31) എന്നിവരാണ്​ പിടിയിലായത്​. ഡൽഹിയിലും ഉത്തർപ്രദേശിലെ വിവിധ സ്​ഥലങ്ങളിലും നടത്തിയ പരിശോധനയിലാണ്​ ഇവർ അറസ്​റ്റിലായത്​. ഉസാമ, ഖമർ എന്നിവർ പാകിസ്​താൻ ചാരസംഘടനയായ ഐ.എസ്​.ഐയുടെ പരിശീലനം ലഭിച്ചവരാണ്​. ഐ.എസ്​.ഐ നിർദേശപ്രകാരമാണ്​ ഇവർ പ്രവർത്തിച്ചിരുന്നത്​ എന്ന്​ പൊലീസ്​ പറഞ്ഞു. വിവിധയിടങ്ങളിൽ സ്​ഫോടകവസ്​തുക്കൾ സ്​ഥാപിക്കാനുള്ള നിരീക്ഷണം നടത്തി വരുകയായിരുന്നു ഇവർ.

ഐ.എസ്​.ഐയുമായി ചേർന്ന്​ മഹാരാഷ്​ട്രയിലടക്കം സ്​ഫോടനം നടത്തി ആളുകളെ കൊലപ്പെടുത്താൻ ഇവർ ഗൂഢാലോചന നടത്തുകയായിരുന്നുവെന്ന്​ പൊലീസ്​ ഡെപ്യൂട്ടി കമീഷണർ (സ്​പെഷൽസെൽ) പ്രമോദ്​ സിങ്​ കുഷ്​വ പറഞ്ഞു.

സ്​ഫോടകവസ്​തുക്കളും ആയുധങ്ങളും അലഹബാദിൽനിന്ന്​ കണ്ടെടുത്തു. പിടിയിലായ സമീറിന്​ ദാവൂദ്​ ഇബ്രാഹിമി​‍െൻറ സഹോദരൻ അനീസ്​ ഇബ്രാഹിമുമായി അടുത്ത ബന്ധമുണ്ടെന്നും പൊലീസ്​ പറഞ്ഞു.

Show Full Article
TAGS:Terrorist ISI Delhi Police 
News Summary - Pak ISI-Trained Terror Module Busted, Festivals Likely Target: Delhi Police
Next Story