വനിതാ പഞ്ചായത്തംഗത്തെ കൈയേറ്റം ചെയ്ത സംഘത്തിലെ ഒരാൾ അറസ്റ്റിൽ

ഓയൂർ: വനിതാ പഞ്ചായത്തംഗത്തെ കൈയേറ്റം ചെയ്ത സംഘത്തിലെ ഒരാളെ പൂയപ്പള്ളി പൊലീസ് അറസ്റ്റ് ചെയ്തു. കൊട്ടറ കുളത്തൂർകാവ് ആനന്ദ് നിവാസിൽ ആനന്ദി(20) നെയാണ് അറസ്റ്റ് ചെയ്തത്. കൊട്ടറ ലക്ഷംവീട് കോളനിക്ക് സമീപം വയലിൽ ഇരുന്ന് മദ്യപിക്കുന്ന സംഘത്തെ ചോദ്യം ചെയ്ത വാർഡ് മെംബർ ജയ രാജേന്ദ്രനെ ചീത്ത വിളിക്കുകയും ആക്ഷേപിക്കുകയും മർദിക്കുകയും ചെയ്ത സംഭവത്തിലെ മൂന്നംഗ സംഘത്തിലെ ഒരാളാണിത്.

ആനന്ദ് പോസ്കോ കേസിലെയും കഞ്ചാവ് മയക്കുമരുന്ന് കേസുകളിലെയും മറ്റും പ്രതിയാണ്.

കോടതിയിൽ ഹാജരാക്കി റിമാൻഡ് ചെയ്തു. പൂയപ്പള്ളി പൊലീസ് സി.ഐ രാജേഷ് കുമാറിന്‍റെ നിർദേശപ്രകാരം എസ്.ഐ അഭിലാഷ്, എ.എസ്.ഐമാരായ നിൽകുമാർ. ബി.ചന്ദ്രകുമാർ, സി.പി.ഒ മുരുകേശ് എന്നിവർ ചേർന്നാണ് പ്രതിയെ അറസ്റ്റ് ചെയ്തത്.