ഗുരുവായൂർ സ്വര്‍ണക്കവര്‍ച്ച: ഒരാള്‍ കൂടി അറസ്റ്റില്‍

ഗു​രു​വാ​യൂ​ര്‍: ആ​ന​ത്താ​വ​ള​ത്തി​ന് സ​മീ​പം കു​ര​ഞ്ഞി​യൂ​ര്‍ ബാ​ല​ന്‍റെ വീ​ട്ടി​ല്‍നി​ന്ന് 371 പ​വ​ന്‍ സ്വ​ര്‍ണം മോ​ഷ്ടി​ച്ച കേ​സി​ല്‍ ഒ​രാ​ള്‍ കൂ​ടി അ​റ​സ്റ്റി​ല്‍. വീ​ട്ടി​ല്‍ ക​യ​റി മോ​ഷ​ണം ന​ട​ത്തി​യ ധ​ര്‍മ​രാ​ജി​ന്റെ സ​ഹോ​ദ​ര​ന്‍ തി​രു​ച്ചി​റ​പ്പ​ള്ളി മാ​ല്‍ഗു​ഡി സ്വ​ദേ​ശി നാ​ഗ​രാ​ജി​നെ​യാ​ണ് (അ​രു​ണ്‍രാ​ജ് -31) പൊ​ലീ​സ് അ​റ​സ്റ്റ് ചെ​യ്ത​ത്.

ക​വ​ര്‍ച്ച ചെ​യ്ത സ്വ​ര്‍ണ​ത്തി​ന്റെ ഒ​രു ഭാ​ഗം വി​റ്റ​ഴി​ച്ച​തും പ​ണം സൂ​ക്ഷി​ച്ച​തും നാ​ഗ​രാ​ജാ​യി​രു​ന്നു​വെ​ന്ന് പൊ​ലീ​സ് പ​റ​ഞ്ഞു. ഇ​തോ​ടെ കേ​സി​ല്‍ അ​റ​സ്റ്റി​ലാ​യ​വ​രു​ടെ എ​ണ്ണം നാ​ലാ​യി.

മേ​യ് 12നാ​ണ് ബാ​ല​ന്റെ വീ​ട്ടി​ല്‍ അ​ല​മാ​ര​യി​ല്‍ സൂ​ക്ഷി​ച്ച സ്വ​ര്‍ണ​വും ര​ണ്ട് ല​ക്ഷം രൂ​പ​യും 371 പ​വ​ന്റെ സ്വ​ര്‍ണ​വും ക​വ​ര്‍ന്ന​ത്. വീ​ട്ടു​കാ​ര്‍ സി​നി​മ​ക്ക് പോ​യ സ​മ​യ​ത്താ​യി​രു​ന്നു മോ​ഷ​ണം. സി.​സി.​ടി.​വി ദൃ​ശ്യ​ങ്ങ​ള്‍ കേ​ന്ദ്രീ​ക​രി​ച്ച് ന​ട​ന്ന അ​ന്വേ​ഷ​ണ​ത്തി​ല്‍ ധ​ര്‍മ​രാ​ജി​നെ മേ​യ് 29ന് ​ച​ണ്ഡീ​ഗ​ഢി​ല്‍നി​ന്ന് അ​റ​സ്റ്റ് ചെ​യ്തി​രു​ന്നു. സ്വ​ര്‍ണം വി​ല്‍ക്കാ​ന്‍ സ​ഹാ​യി​ച്ച​തി​ന് ധ​ര്‍മ​രാ​ജി​ന്റെ സ​ഹോ​ദ​ര​ന്‍ ചി​ന്ന​രാ​ജ്, മാ​തൃ​സ​ഹോ​ദ​രീ പു​ത്ര​ന്‍ രാ​ജു എ​ന്നി​വ​രെ​യും പി​ന്നീ​ട് അ​റ​സ്റ്റ് ചെ​യ്തു. പ്ര​തി​ക​ള്‍ വി​റ്റ​ഴി​ച്ച തൊ​ണ്ടി മു​ത​ല്‍ പൂ​ര്‍ണ​മാ​യി ക​ണ്ടെ​ടു​ക്കാ​നും പൊ​ലീ​സി​ന് ക​ഴി​ഞ്ഞു. എ​ന്നാ​ല്‍, സ്വ​ര്‍ണം വി​ല്‍പ​ന ന​ട​ത്തി​യ​വ​രി​ല്‍ പ്ര​ധാ​നി​യാ​യ നാ​ഗ​രാ​ജ് ഒ​ളി​വി​ലാ​യി​രു​ന്നു.

നാ​ഗ​രാ​ജി​ന് തൃ​ശൂ​ര്‍, പാ​ല​ക്കാ​ട്, മ​ല​പ്പു​റം ജി​ല്ല​ക​ളി​ല്‍ മോ​ഷ​ണ കേ​സു​ക​ളു​ണ്ടെ​ന്ന് പൊ​ലീ​സ് പ​റ​ഞ്ഞു. നി​ര​വ​ധി കോ​ട​തി​ക​ളി​ല്‍ ഇ​യാ​ള്‍ക്കെ​തി​രെ അ​റ​സ്റ്റ് വാ​റ​ണ്ടു​ക​ളു​ണ്ട്. അ​റ​സ്റ്റ്​ ചെ​യ്യു​ന്ന സ​മ​യ​ത്ത് പ്ര​തി​യു​ടെ ബാ​ഗി​ൽ​നി​ന്ന്​ ഏ​ഴ​ര ല​ക്ഷ​ത്തോ​ളം രൂ​പ പൊ​ലീ​സ് ക​ണ്ടെ​ടു​ത്തു.

എ.​സി.​പി കെ.​ജി. സു​രേ​ഷ്, ഗു​രു​വാ​യൂ​ര്‍ സി.​ഐ മ​നോ​ജ് കു​മാ​ര്‍, എ​സ്.​ഐ​മാ​രാ​യ പി. ​രാ​ഗേ​ഷ്, കെ.​എ​ന്‍. സു​കു​മാ​ര​ന്‍, എ.​എ​സ്.​ഐ എം.​ആ​ര്‍. സ​ജീ​വ​ന്‍, സി.​പി.​ഒ ടി.​വി ജീ​വ​ന്‍ എ​ന്നി​വ​ര​ട​ങ്ങു​ന്ന സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.