വിരമിക്കാൻ ദിവസങ്ങൾ മാത്രം ശേഷിക്കെ, പൊലീസ് ഉദ്യോഗസ്ഥൻ കാറിടിച്ച് മരിച്ചു

ന്യൂഡൽഹി: സർവീസിൽ നിന്ന് വിരമിക്കാൻ ദിവസങ്ങൾ മാത്രം ശേഷിക്കെ, ഡൽഹിയിൽ പൊലീസ് ഉദ്യോഗസ്ഥൻ കാറിടിച്ചു മരിച്ചു. ഡ്യൂട്ടിക്കിടെയായിരുന്നു ലത്തൂർ സിങ്ങിന്റെ ദാരുണാന്ത്യം.

ചാന്ദ്നി മഹൽ പൊലീസ് സ്റ്റേഷനിലായിരുന്നു ലത്തൂർ സിങ്. സംഭവത്തിൽ മനപ്പൂർവമല്ലാത്ത നരഹത്യക്ക് കേസ് രജിസ്റ്റർ ചെയ്തിട്ടുണ്ട്.

ഹരിയാന രജിസ്ട്രേഷൻ നമ്പറുള്ള കാറാണ് ഇദ്ദേഹത്തെ ഇടിച്ചത്. കാർ പിടിച്ചെടുത്ത പൊലീസ് ഡ്രൈവറെയും കസ്റ്റഡിയിലെടുത്തിട്ടുണ്ട്. മരിച്ച ലത്തൂർ സിങ്ങിന് ഭാര്യയും രണ്ട് മക്കളുമുണ്ട്.