നഴ്സിനെ കടന്നുപിടിച്ച ആരോഗ്യവകുപ്പ് ഡ്രൈവറെ അറസ്റ്റ് ചെയ്തു

അ​മ്പ​ല​പ്പു​ഴ: ന​ഴ്സി​നെ ക​ട​ന്നു​പി​ടി​ച്ച ആ​രോ​ഗ്യ വ​കു​പ്പ് ഡ്രൈ​വ​റെ അ​റ​സ്റ്റ് ചെ​യ്തു. അ​മ്പ​ല​പ്പു​ഴ അ​ർ​ബ​ൻ ഹെ​ൽ​ത്ത് ട്രെ​യി​നി​ങ്​ സെ​ന്‍റ​ർ ഡ്രൈ​വ​ർ ചേ​ർ​ത്ത​ല വെ​ട്ട​ക്ക​ൽ മം​ഗ​ല​ശ്ശേ​രി ര​മേ​ശ​നെ​യാ​ണ് (55) ക​ഴി​ഞ്ഞ രാ​ത്രി അ​റ​സ്റ്റ് ചെ​യ്ത​ത്. നഴ്​സിന്‍റെ മൊഴി രേഖപ്പെടുത്തിയ ശേ​ഷം അ​മ്പ​ല​പ്പു​ഴ പൊ​ലീ​സ് ര​മേ​ശ​നെ​തി​രെ കേ​സെ​ടു​ത്തി​രു​ന്നു. സം​ഭ​വ​വു​മാ​യി ബ​ന്ധ​പ്പെ​ട്ട് ഡ്രൈ​വ​ർ ര​മേ​ശ​നെ മെ​ഡി​ക്ക​ൽ കോ​ള​ജ് പ്രി​ൻ​സി​പ്പ​ൽ സ​സ്​​പെ​ൻ​ഡ്​ ചെ​യ്തി​രു​ന്നു.

മാ​സ്ക് വാ​ങ്ങാ​നെ​ത്തി​യ ര​മേ​ശ​ൻ ത​ന്നെ ക​യ​റി​പ്പി​ടി​ച്ചെ​ന്നാ​ണ് ഇ​വ​ർ അ​ഡ്മി​നി​സ്ട്രേ​റ്റി​വ് ഓ​ഫി​സ​ർ​ക്ക് ന​ൽ​കി​യ പ​രാ​തി​യി​ൽ പ​റ​ഞ്ഞ​ത്. സി.​സി ടി.​വി ദൃ​ശ്യ​ങ്ങ​ൾ പ​രി​ശോ​ധി​ച്ച് ശ​ക്ത​മാ​യ ന​ട​പ​ടി സ്വീ​ക​രി​ക്ക​ണ​മെ​ന്നും പ​രാ​തി​യി​ൽ ആ​വ​ശ്യ​പ്പെ​ട്ടി​രു​ന്നു. അ​തി​നി​ടെ, സ​മാ​ന​മാ​യ നി​ര​വ​ധി സം​ഭ​വ​ങ്ങ​ൾ മെ​ഡി​ക്ക​ൽ കോ​ള​ജി​ലും അ​മ്പ​ല​പ്പു​ഴ ആ​ശു​പ​ത്രി​യി​ലും ര​മേ​ശ​ൻ ന​ട​ത്തി​യി​ട്ടു​ണ്ടെ​ന്നാ​ണ് പ​രാ​തി​ക​ൾ ഉ​യ​ർ​ന്നി​രി​ക്കു​ന്ന​ത്.