Begin typing your search above and press return to search.
proflie-avatar
Login
exit_to_app
exit_to_app
Delhi Rape
cancel
Homechevron_rightNewschevron_rightCrimechevron_right'അവൾ ദലിതായതിനാൽ...

'അവൾ ദലിതായതിനാൽ ബലാത്സംഗ​ത്തിനിരയാക്കി കൊന്നു' -ഒമ്പതുവയസുകാരിയുടെ കൊലയിൽ ഡൽഹി പൊലീസ്​ കുറ്റപത്രം

text_fields
bookmark_border

ന്യൂഡൽഹി: ഡൽഹിയിലെ ക​േന്‍റാ​ൺമെന്‍റിന്​ സമീപം ശ്​മശാനത്തിൽ ഒമ്പതുവയസുകാരി ബലാത്സംഗത്തിനിരയായി കൊല്ലപ്പെട്ട സംഭവത്തിൽ പ്രതികളുടെ ഞെട്ടിക്കുന്ന മൊഴി പുറത്ത്​. ദലിത്​ വിഭാഗത്തിൽപ്പെട്ട ​െപൺകുട്ടിയായതിനാലാണ്​ ഒമ്പതുവയസുകാരിയെ ബലാത്സംഗം ചെയ്​ത്​ കൊന്നതെന്ന്​ പ്രതികൾ സമ്മതിച്ചതായി പൊലീസിന്‍റെ കുറ്റപത്രത്തിൽ പറയുന്നു.

ശ്​മശാനത്തിലെ പുരോഹിതനടക്കം നാലുപേരാണ്​ കേസിലെ പ്രതികൾ. കൊലപാതകത്തിന്​ ശേഷം വീട്ടുകാരുടെ സമ്മതമില്ലാതെ മൃതദേഹം ബലമായി ശ്മശാനത്തിൽ ദഹിപ്പിക്കുകയും ചെയ്​തിരുന്നു. പ്രതികൾ കൊലപാതകത്തെക്കുറിച്ച്​ തങ്ങളെ അറിയിച്ചതായി വെളി​െപ്പടുത്തിയ രണ്ടു സാക്ഷികളുടെ മൊഴിയുടെ അടിസ്​ഥാനത്തിലാണ്​ കുറ്റപത്രം. ഒരു ​െപാതു​സാക്ഷി​െമാഴിയും കുറ്റപത്രത്തിൽ ഉൾപ്പെടുന്നു. ആഗസ്റ്റ്​ 27ന്​ ഇയാൾ മജിസ്ട്രേറ്റിന്​ മുമ്പിൽ മൊഴി രേഖപ്പെടുത്തിയിരുന്നു.

ശ്​മശാന പു​രോഹിതൻ രാധേ ശ്യം, ലക്ഷ്​മി നാരായൻ, കുൽദീപ്​ സിങ്​, സലിം അഹ്​മദ്​ എന്നിവരാണ്​ പ്രതികൾ. രാധേ ​ശ്യാമും കുൽദീപും പെൺകുട്ടിയുടെ മൃതദേഹം ഒരു ഹാളിൽനിന്ന്​ ​മറ്റൊന്നിലേക്ക്​ ചുമന്നുകൊണ്ടുപോകുന്നത്​ കണ്ടതായി രണ്ടു സാക്ഷികൾ പറയുന്നു. അതിൽ സംശയിക്കത്തക്ക ഒന്നുമില്ലെന്നും പറയുന്നു.

കേസിലെ നാലുപ്രതികളും തന്നോട്​ സഹായം ചോദിച്ചതായും അവർ പെൺകുട്ടി​യെ കൊലപ്പെടുത്തിയതായി പറഞ്ഞതായും മറ്റൊരു സാക്ഷിമൊഴിയിലുണ്ട്​. 'എന്തുകൊണ്ടാണ്​ പെൺകുട്ടിയെ ബലാത്സംഗം ചെയ്​ത്​ കൊലപ്പെടുത്തിയതെന്ന്​ ഞാൻ ചോദിച്ചു. അവൾ ദലിത്​ വിഭാഗത്തിൽപ്പെട്ട പെൺകുട്ടിയാ​െണന്ന്​ രാധേ ശ്യാമും കുൽദീപും പറഞ്ഞു' -ഒരു സാക്ഷിമൊഴിയിൽ പറയുന്നു.

അതേസമയം, പെൺകുട്ടിയുടെ ചിത അണക്കാൻ സാക്ഷികളിലൊരാളും പ്ര​േദശവാസികളും ചേർന്ന്​ ശ്രമിച്ചെങ്കിലും പൊലീസിന്‍റെ ലാത്തിചാർജ്​ നേരിടേണ്ടിവന്നുവെന്നും ഒരു സാക്ഷി പറയുന്നു. പ്രദേശിക എസ്​.എച്ച്​.ഒ, എ.സി.പി, ​അന്വേഷണ ഉദ്യോഗസ്​ഥൻ തുടങ്ങിയവർ സ്​ഥലത്തുണ്ടായിരുന്നുവെന്നും സാക്ഷികൾ പറയുന്നു.

ര​ാധേശ്യാം പെൺകുട്ടിയെ ഇതിനുമുമ്പും ലൈംഗികമായി ഉപദ്രവിച്ചിരുന്നു. ബലാത്സംഗത്തിനിടെ രാധേ ശ്യാമും കുൽദീപും വായും മൂക്കും പൊത്തിപിടിച്ചതോടെയാണ്​ പെൺകുട്ടി കൊല്ലപ്പെട്ടതെന്നും കുറ്റപത്രത്തിൽ പറയുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:delhi rapedalitMurder
News Summary - Nine year old raped because she was Dalit Delhi Police chargesheet
Next Story