അയല്‍വാസിയുടെ വെടിയേറ്റ് പൂച്ചക്ക്​ പരിക്ക്

ഏ​റ്റു​മാ​നൂ​ര്‍: നീ​ണ്ടൂ​രി​ല്‍ വയോദ​മ്പ​തി​ക​ള്‍ വ​ള​ര്‍ത്തു​ന്ന പൂ​ച്ച​യെ അ​യ​ല്‍വാ​സി വെ​ടി​വെ​ച്ചു വീ​ഴ്ത്തി. മ​ണി​ക്കൂ​റു​ക​ള്‍ നീ​ണ്ട ശ​സ്ത്ര​ക്രി​യ​ക്കൊ​ടു​വി​ല്‍ വ​യ​റി​ല്‍ തു​ള​ച്ചു​ക​യ​റി​യ വെ​ടി​യു​ണ്ട പു​റ​ത്തെ​ടു​ത്തു. വി​ല്ലേ​ജ് ഹാ​ളി​ന് സ​മീ​പം വെ​ള്ളി​യാ​ഴ്ച ഉ​ച്ച​യോ​ടെ​യാ​യി​രു​ന്നു സം​ഭ​വം. നീ​ണ്ടൂ​ര്‍ മു​ട​ക്കാ​ലി ചി​റ​യി​ല്‍ തോ​മ​സ്- മോ​ണി​ക്ക ദ​മ്പ​തി​ക​ളു​ടെ പൂ​ച്ച​ക്കാ​ണ് വെ​ടി​യേ​റ്റ​ത്. പു​ര​യി​ട​ത്തി​ലെ​ത്തി​യ പൂ​ച്ച​യെ അ​യ​ല്‍വാ​സി എ​യ​ര്‍ഗ​ണ്‍ ഉ​പ​യോ​ഗി​ച്ച് വെ​ടി​വെ​ച്ചു​വീ​ഴ്ത്തു​ക​യാ​യി​രു​ന്നു​വെ​ന്ന് നാ​ട്ടു​കാ​ര്‍ പ​റ​യു​ന്നു. വെ​ടി​യേ​റ്റ് പു​ള​ഞ്ഞ പൂ​ച്ച​യെ വയോദ​മ്പ​തി​ക​ള്‍ നാ​ട്ടു​കാ​രു​ടെ സ​ഹാ​യ​ത്തോ​ടെ അ​തി​ര​മ്പു​ഴ മൃ​ഗാ​ശു​പ​ത്രി​യി​ലെ​ത്തി​ച്ചു.

ഡോ. ​ടെ​റി‍െൻറ നേ​തൃ​ത്വ​ത്തി​ല്‍ മ​ണി​ക്കൂ​റു​ക​ള്‍ നീ​ണ്ട ശ​സ്ത്ര​ക്രി​യ​ക്ക്​ ശേ​ഷ​മാ​ണ് വെ​ടി​യു​ണ്ട പു​റ​ത്തെ​ടു​ത്ത​ത്. ഇ​തേ​സ​മ​യം, സം​ഭ​വ​ത്തി​ല്‍ പ​രാ​തി​ക​ളൊ​ന്നും ല​ഭി​ച്ചി​ട്ടി​ല്ലെ​ന്ന് ഏ​റ്റു​മാ​നൂ​ര്‍ പൊ​ലീ​സ് പ​റ​ഞ്ഞു.