മാല പൊട്ടിച്ച കേസിൽ രണ്ടാം പ്രതി പിടിയിൽ

ചെർപ്പുളശ്ശേരി: റോഡിലൂടെ നടന്നു പോകുകയായിരുന്ന വീട്ടമ്മയുടെ മാല പൊട്ടിച്ച കേസിലെ രണ്ടാം പ്രതിയെ പൊലീസ് അറസ്റ്റ് ചെയ്തു. കോട്ടയം പാല ഏഴാച്ചേരി കുന്നേൽ വീട്ടിൽ വിഷ്ണു (29) നെയാണ് തിരൂരിൽ വെച്ച് പൊലീസ് പിടികൂടിയത്. ഒക്ടോബർ 21ന് നെല്ലായിൽ വെച്ചാണ് മാലപൊട്ടിച്ചത്. കേസിലെ ഒന്നാം പ്രതിയായ വിഷ്ണു ശ്രീകുമാറിനെ നേരത്തേ ആലത്തൂർ പൊലീസ് പിടികൂടിയിരുന്നു.

ഇൻസ്പെക്ടർ ടി. ശശികുമാർ, എസ്. ഐ ബി. പ്രമോദ്, സി.പി.ഒമാരായ രാജീവ്, ഗോവിന്ദൻകുട്ടി, രാജ് കുമാർ എന്നിവരാണ് അന്വേഷണസംഘത്തിലുണ്ടായിരുന്നത്. പ്രതിക്ക് കാപ്പ നിയമപ്രകാരം തടവുശിക്ഷ ലഭിച്ച ആളാണെന്ന് പൊലീസ് പറഞ്ഞു. ഒറ്റപ്പാലം കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.