ബസിൽ കയറുന്നതിനിടെ സ്ത്രീയുടെ 11 പവൻ മാല കവർന്നു

നാഗർകോവിൽ: അണ്ണാ ബസ് സ്റ്റാൻഡിൽ ബുധനാഴ്ച രാത്രി കുഞ്ഞുമൊത്ത് ബസിൽ കയറുന്നതിനിടെ സ്ത്രീയുടെ 11 പവൻ വരുന്ന സ്വർണ മാല കവർന്നു. അഗസ്തീശ്വരം സ്വദേശി കാർത്തികയുടെ മാലയാണ് പൊട്ടിയെടുത്തത്. കുഞ്ഞിനെ ആശുപത്രിയിൽ കാണിച്ച ശേഷം ബസിൽ കയറുമ്പോൾ ഉണ്ടായ തിരക്കിനിടയിലാണ് മാല നഷ്ടപ്പെട്ടത്. കോട്ടാർ പൊലീസ് കേസെടുത്തു.