യു​വാ​വി​നെ വെ​ടി​വെ​ച്ച് കൊ​ന്ന സം​ഭ​വം; പ്ര​തി​ക്ക് ഇ​ര​ട്ട ജീ​വ​പ​ര്യ​ന്ത​വും 1,85,000 രൂ​പ പി​ഴ​യും

ക​ല്‍പ​റ്റ: അ​തി​ര്‍ത്തി ത​ര്‍ക്ക​ത്തി​ലു​ള്ള വി​രോ​ധ​ത്തി​ല്‍ യു​വാ​വി​നെ വെ​ടി​വെ​ച്ച് കൊ​ല​പ്പെ​ടു​ത്തു​ക​യും മ​റ്റൊ​രാ​ളെ വെ​ടി​വെ​ച്ച് ഗു​രു​ത​ര പ​രി​ക്കേ​ൽ​പി​ക്കു​ക​യും ചെ​യ്ത കേ​സി​ല്‍ വി​വി​ധ വ​കു​പ്പു​ക​ളി​ലാ​യി പ്ര​തി​ക്ക് ഇ​ര​ട്ട ജീ​വ​പ​ര്യ​ന്ത​വും 1,85,000 രൂ​പ പി​ഴ​യും വി​ധി​ച്ചു. പു​ല്‍പ​ള്ളി പാ​ടി​ച്ചി​റ അ​മ​ര​ക്കു​നി പു​ളി​ക്ക​ല്‍ വീ​ട്ടി​ല്‍ പി.​എ​സ്. ഷാ​ര്‍ലി​യെ​യാ​ണ് (48) അ​ഡി. ഡി​സ്ട്രി​ക്ട് ആ​ൻ​ഡ് സെ​ഷ​ന്‍സ് കോ​ട​തി ജ​ഡ്ജി എ.​വി. മൃ​ദു​ല ശി​ക്ഷി​ച്ച​ത്.

2019 മേ​യ് 24ന് ​രാ​ത്രി​യാ​ണ് സം​ഭ​വം. ക​ന്നാ​രം​പു​ഴ എ​ന്ന സ്ഥ​ല​ത്ത് വീ​ടി​ന് മു​ന്നി​ലെ റോ​ഡി​ല്‍ വെ​ച്ച് നി​ഥി​ന്‍ പ​ത്മ​നാ​ണ് (32) ഷാ​ര്‍ലി​യു​ടെ വെ​ടി​യേ​റ്റ് കൊ​ല്ല​പ്പെ​ട്ട​ത്. ഇ​വ​ര്‍ ത​മ്മി​ല്‍ അ​തി​ര്‍ത്തി ത​ര്‍ക്കം പ​തി​വാ​യി​രു​ന്നു.

ഇ​തി​ലു​ള്ള വി​രോ​ധ​ത്തി​ലാ​ണ് ലൈ​സ​ൻ​സി​ല്ലാ​ത്ത നാ​ട​ൻ തോ​ക്കു​കൊ​ണ്ട് കൊ​ല​പ്പെ​ടു​ത്തി​യ​ത്. നി​ഥി​ന്റെ ബ​ന്ധു കി​ഷോ​റി​നെ​യും ഇ​യാ​ള്‍ വെ​ടി​വെ​ച്ച് ഗു​രു​ത​ര പ​രി​ക്കേ​ൽ​പി​ച്ചി​രു​ന്നു. അ​ന്ന​ത്തെ പു​ൽ​പ​ള്ളി സ്റ്റേ​ഷ​ൻ ഇ​ൻ​സ്‌​പെ​ക്ട​ർ എ​സ്.​എ​ച്ച്.​ഒ ഇ.​പി. സു​രേ​ഷ​നാ​ണ് കേ​സി​ൽ ആ​ദ്യം അ​ന്വേ​ഷ​ണം ന​ട​ത്തി​യ​ത്.

ശേ​ഷം ഇ​ൻ​സ്‌​പെ​ക്ട​ർ എ​സ്.​എ​ച്ച്.​ഒ സു​ധീ​ർ ക​ല്ല​ൻ അ​ന്വേ​ഷ​ണം പൂ​ർ​ത്തി​യാ​ക്കി കു​റ്റ​പ​ത്രം സ​മ​ർ​പ്പി​ക്കു​ക​യാ​യി​രു​ന്നു. പ്രോ​സി​ക്യൂ​ഷ​നു​വേ​ണ്ടി അ​ഡീ​ഷ​ന​ൽ പ​ബ്ലി​ക് പ്രോ​സി​ക്യൂ​ട്ട​ർ അ​ഭി​ലാ​ഷ് ജോ​സ​ഫ് ഹാ​ജ​രാ​യി.