28 കോടി രൂപ വിലവരുന്ന കൊക്കെയ്നുമായി യുവാവ് പിടിയിൽ

മുംബൈ: മുംബൈ വിമാനത്താവളത്തിൽ 28 കോടി രൂപ വിലവരുന്ന കൊക്കെയ്നുമായി യുവാവ് പിടിയിൽ. 2.81 കിലോ കൊക്കെയ്നാണ് പിടികൂടിയതെന്ന് കസ്റ്റംസ് അറിയിച്ചു. ബാഗിനുള്ളിൽ ഒളിപ്പിച്ച നിലയിലാണ് മയക്കുമരുന്ന് കണ്ടെത്തിയത്.

ഓൺലൈനിൽ പരിചയപ്പെട്ട വ്യക്തിയാണ് തന്നെ കള്ളക്കടത്തിന് പ്രേരിപ്പിച്ചതെന്ന് പ്രതി പറഞ്ഞതായി അധികൃതർ അറിയിച്ചു. കള്ളക്കടത്തിനായി ഒരുസംഘം ഇയാളെ ഹണിട്രാപ്പിൽ പെടുത്തുകയായിരുന്നെന്നും കസ്റ്റംസ് വ്യക്തമാക്കി.

സംഭവത്തിൽ അന്വേഷണം പുരോഗമിക്കുകയാണ്. കഴിഞ്ഞ ആഴ്ച മുംബൈ വിമാനത്താവളത്തിൽ രണ്ട് യാത്രക്കാരിൽ നിന്ന് 47കോടി വിലവരുന്ന ഹെറോയിനും കൊക്കെയ്നും കസ്റ്റംസ് പിടിച്ചെടുത്തിരുന്നു.