മോഡലുകളുടെ മരണത്തിൽ കൂടുതൽ ദുരൂഹത; റോയ് വയലാട്ട് ഹാജരാക്കിയത്​​ യഥാർഥ ഹാർഡ് ​ഡിസ്​​കല്ലെന്ന്​​ പൊലീസ്​

കൊച്ചി: കൊച്ചിയിൽ മോഡലുകൾ വാഹനപകടത്തിൽ മരിച്ച സംഭവത്തിൽ ദുരൂഹത തു​ടരുന്നു. നമ്പര്‍ 18 ഹോട്ടലുടമ റോയ് വയലാട്ട് ൈ​കമാറിയത്​ യഥാർഥ ഹാർഡ്​​ ഡിസ്​കല്ലെന്ന്​​ പൊലീസ്.

അപകടം നടന്ന രാത്രിയിൽ ഹോട്ടലിൽ നടന്ന ഡി.ജെ പാർട്ടിയുടെ ദൃശ്യങ്ങൾ അടങ്ങിയ ഹാർഡ്​ ഡിസ്​ക്​ റോയ്​ നശിപ്പിച്ചതായാണ്​ പൊലീസ്​ സംശയിക്കുന്നത്​.തുടർന്ന്​ ഹോട്ടലുടമ റോയ്​ വയലാട്ടിനെ വീണ്ടും ചോദ്യം ചെയ്യാൻ പൊലീസ്​ തീര​ുമാനിച്ചു. തെളിവ് നശിപ്പിച്ചതിന് കേസെടുക്കാനും പൊലീസ്​ ആലോചിക്കുന്നുണ്ട്​.

കഴിഞ്ഞ ദിവസമാണ്​​ ഹോ​ട്ട​ലി​ലെ ഡി​ജി​റ്റ​ൽ വി​ഡി​യോ റെ​ക്കോ​ഡ​ർ (ഡി.​വി.​ആ​ർ) പൊ​ലീ​സി​ന് റോയ്​ കൈ​മാ​റിയത്​. ഇ​തി​ലെ ദൃ​ശ്യ​ങ്ങ​ള്‍ പ​രി​ശോ​ധി​പ്പോഴാണ്​ ഹാർഡ്​ ഡിസ്​കിൽ തിരിമറി നടന്നെന്ന്​ പൊലീസ്​ കണ്ടെത്തിയത്​. കഴിഞ്ഞ ദിവസം എ​റ​ണാ​കു​ളം സൗ​ത്ത്​ സ്​​റ്റേ​ഷ​നി​ൽ ഹാ​ജ​രാ​യ റോ​യി​യെ ​ വൈ​കീ​ട്ട്​​വ​രെ ചൊദ്യം ചെയ്​തിരുന്നു. അതെ സമയം ര​ണ്ട്​ ഡി.​വി.​ആ​റു​ക​ളും ഹോ​ട്ട​ലു​ട​മ ന​ശി​പ്പി​ച്ചെ​ന്നാ​ണ്​ ജീ​വ​ന​ക്കാ​ർ പൊ​ലീ​സി​ന്​ മൊ​ഴി ന​ൽ​കി​യി​രു​ന്ന​ത്.

ന​വം​ബ​ർ ഒ​ന്നി​ന്​ പു​ല​ർ​ച്ച​യാ​ണ്​ കാ​ർ അ​പ​ക​ട​ത്തി​ൽ മു​ൻ മി​സ്​ കേ​ര​ള അ​ൻ​സി ക​ബീ​ർ, മു​ൻ മി​സ്​ കേ​ര​ള റ​ണ്ണ​റ​പ്പ്​ അ​ഞ്​​ജ​ന ഷാ​ജ​ൻ എ​ന്നി​വ​ർ മ​രി​ച്ച​ത്. ഗു​രു​ത​ര​മാ​യി പ​രി​ക്കേ​റ്റ മു​ഹ​മ്മ​ദ്​ ആ​ഷി​ഖ്​ പി​ന്നീ​ട്​ ആ​ശു​പ​ത്രി​യി​ലും മ​രി​ച്ചു. കാ​ർ ഡ്രൈ​വ​ർ അ​ബ്​​ദു​ൽ റ​ഹ്​​മാ​നെ ക​ഴി​ഞ്ഞ ദി​വ​സം പൊ​ലീ​സ്​ ചോ​ദ്യം​ചെ​യ്​​ത​പ്പോ​ഴാ​ണ്​ ആ​ഡം​ബ​ര കാ​ർ പി​ന്തു​ട​ർ​ന്ന​താ​യി മൊ​ഴി ന​ൽ​കി​യ​ത്. ഡ്രൈ​വ​ർ അ​ട​ക്കം മ​ദ്യ​പി​ച്ചാ​ണ്​ കാ​റി​ൽ ഉ​ണ്ടാ​യി​രു​ന്ന​തെ​ന്നും​ തെ​ളി​ഞ്ഞി​രു​ന്നു.

വാ​ഹ​ന​ത്തെ പി​ന്തു​ട​ര്‍ന്ന ഔ​ഡി കാ​ർ ഓ​ടി​ച്ചി​രു​ന്ന സൈ​ജു, റോ​യി​യെ​യും ഹോ​ട്ട​ലി​ലെ മ​റ്റ് ജീ​വ​ന​ക്കാ​രെ​യും വി​ളി​ച്ചി​രു​ന്ന​താ​യി പൊ​ലീ​സ് ക​ണ്ടെ​ത്തി​യി​രു​ന്നു. റോ​യി​യു​ടെ സു​ഹൃ​ത്താ​ണ് സൈ​ജു. ഹോ​ട്ട​ലി​ൽ വെ​ച്ച്​ മോ​ഡ​ലു​ക​ളു​മാ​യി എ​ന്തെ​ങ്കി​ലും വാ​ക്​​ത​ർ​ക്ക​ങ്ങ​ളോ പ്ര​ശ്​​ന​ങ്ങ​ളോ ഉ​ണ്ടാ​യി​ട്ടു​ണ്ടോ​യെ​ന്ന്​ സ്ഥി​രീ​ക​രി​ക്കാ​നാ​ണ്​ റോ​യി​യോ​ട്​ ഡി.​വി.​ആ​ർ ഹാ​ജ​രാ​ക്കാ​ൻ ആ​വ​ശ്യ​പ്പെ​ട്ട​ത്.

അ​തി​നി​ടെ, മോ​ഡ​ലു​ക​ളു​ടെ കാ​റി​നെ പി​ന്തു​ട​ർ​ന്ന ഓ​ഡി കാ​ർ ഇ​ട​പ്പ​ള്ളി സ്വ​ദേ​ശി​യാ​യ ഫെ​ബി പോ​ളി​െൻറ പേ​രി​ലു​ള്ള​താ​ണെ​ന്ന്​ പു​റ​ത്തു​വ​ന്നു. ഇ​ത്​ സൈ​ജു​വി​ന്​ വി​റ്റ​താ​ണെ​ങ്കി​ലും ഉ​ട​മ​സ്ഥ​ത മാ​റ്റി​യി​ട്ടി​ല്ലെ​ന്ന്​ ഫെ​ബി മാ​ധ്യ​മ​ങ്ങ​ളോ​ട്​ പ​റ​ഞ്ഞി​ട്ടു​ണ്ട്.അ​ൻ​സി ക​ബീ​റി​െൻറ പി​താ​വ്​ അ​ബ്​​ദു​ൽ ക​ബീ​റും ബ​ന്ധു​ക്ക​ളും കൊ​ച്ചി​യി​ലെ​ത്തി അ​ന്വേ​ഷ​ണ ഉ​ദ്യോ​ഗ​സ്ഥ​രെ ക​ണ്ടിരുന്നു.

കൊച്ചിയിലെ മോഡലുകളുടെ മരണത്തില്‍ ദുരൂഹതയെന്ന് പ്രതിപക്ഷ നേതാവ് വി.ഡി. സതീശന്‍. പ്രത്യേക സംഘം അന്വേഷിച്ച് ദുരൂഹത പുറത്തുകൊണ്ടുവരണം. ഹോട്ടലില്‍ ഉണ്ടായിരുന്നവരെയും അന്വേഷണപരിധിയില്‍ കൊണ്ടുവരണമെന്നും വി.ഡി.സതീശന്‍ ആവശ്യപ്പെട്ടു.