വ്യാജ അക്കൗണ്ടുണ്ടാക്കി പാക് പൗരന്‍റെ പണം തട്ടി​; കുടുങ്ങിയത് മലയാളി

റി​യാ​ദ്: ബാ​ങ്കി​ൽ മ​ല​യാ​ളി​യു​ടെ പേ​രി​ൽ വ്യാ​ജ അ​ക്കൗ​ണ്ടു​ണ്ടാ​ക്കി മ​റ്റൊ​രു അ​ക്കൗ​ണ്ടി​ൽ​നി​ന്ന് പ​ണം ത​ട്ട​ൽ. ത​ന്റെ പേ​രി​ലു​ണ്ടാ​ക്കി​യ വ്യാ​ജ അ​ക്കൗ​ണ്ട് വ​ഴി പാ​കി​സ്താ​ൻ പൗ​ര​ന്റെ അ​ക്കൗ​ണ്ടി​ൽ​നി​ന്ന് പ​ണം മാ​റ്റി​യെ​ന്ന കേ​സി​ൽ മ​ല​യാ​ളി​യെ റി​യാ​ദ് ​പൊ​ലീ​സ് അ​റ​സ്റ്റ് ചെ​യ്തു. അ​ജ്ഞാ​ത​രു​ടെ ചെ​യ്തി​യി​ൽ കു​ടു​ങ്ങി​യ മ​ല​യാ​ളി ജ​യി​ലി​ലാ​ണ്. ഇ​യാ​ളു​ടെ മോ​ച​ന​ത്തി​ന് ഇ​ന്ത്യ​ന്‍ എം​ബ​സി​യും കെ.​എം.​സി.​സി പ്ര​വ​ര്‍ത്ത​ക​രും രം​ഗ​ത്തു​ണ്ട്. ര​ണ്ടാ​ഴ്ച മു​മ്പാ​ണ് കേ​സി​നാ​സ്പ​ദ​മാ​യ സം​ഭ​വം. ബാ​ങ്കു​ദ്യോ​ഗ​സ്ഥ​നെ​ന്ന് പ​രി​ച​യ​പ്പെ​ടു​ത്തി​യ​യാ​ള്‍ ഐ.​എം.​ഒ​യി​ൽ മ​ല​യാ​ളി​യെ വി​ളി​ച്ച് താ​ങ്ക​ളു​ടെ അ​ക്കൗ​ണ്ട് അ​പ്‌​ഡേ​റ്റ് ചെ​യ്യാ​ൻ ആ​വ​ശ്യ​മാ​യ വി​വ​രം ന​ൽ​കാ​ൻ ആ​വ​ശ്യ​പ്പെ​ട്ടു. അ​തി​ൽ വി​ശ്വ​സി​ച്ച മ​ല​യാ​ളി ത​ന്റെ മൊ​ബൈ​ൽ ന​മ്പ​റി​ൽ എ​ത്തി​യ ഒ.​ടി.​പി പ​റ​ഞ്ഞു​കൊ​ടു​ത്തു.

ത​ബൂ​ക്കി​ൽ ജോ​ലി ചെ​യ്യു​ന്ന ഒ​രു പാ​കി​സ്താ​ൻ പൗ​ര​ൻ ത​ന്റെ അ​ക്കൗ​ണ്ടി​ൽ​നി​ന്ന് പ​ണം മാ​റ്റി​യെ​ന്ന പ​രാ​തി​യു​മാ​യി രം​ഗ​ത്തു​വ​ന്ന​തോ​ടെ​യാ​ണ് താ​ൻ ക​ബ​ളി​പ്പി​ക്ക​പ്പെ​ട്ടെ​ന്ന് മ​ല​യാ​ളി മ​ന​സ്സി​ലാ​ക്കു​ന്ന​ത്. ത​ന്റെ നാ​ഷ​ന​ൽ ക​മേ​ഴ്സ്യ​ൽ ബാ​ങ്ക് അ​ക്കൗ​ണ്ടി​ലു​ണ്ടാ​യി​രു​ന്ന 998 റി​യാ​ല്‍ താ​ൻ അ​റി​യാ​തെ മ​റ്റൊ​രു അ​ക്കൗ​ണ്ടി​ലേ​ക്ക് മാ​റ്റി​യെ​ന്നും താ​ന്‍ വ​ഞ്ചി​ക്ക​പ്പെ​ട്ടെ​ന്നും കാ​ണി​ച്ച് പാ​കി​സ്താ​ൻ പൗ​ര​ൻ തൈ​മ പൊ​ലീ​സി​ല്‍ പ​രാ​തി ന​ല്‍കു​ക​യാ​യി​രു​ന്നു. അ​ന്വേ​ഷ​ണ​ത്തി​ന്റെ ഭാ​ഗ​മാ​യി സെ​ന്‍ട്ര​ല്‍ ബാ​ങ്കി​ല്‍ (സാ​മ) ബ​ന്ധ​പ്പെ​ട്ട പൊ​ലീ​സ് ഉ​ദ്യോ​ഗ​സ്ഥ​ര്‍ റി​യാ​ദ് ബ​ത്ഹ​യി​ലെ ഒ​രു ഇ​ന്ത്യ​ക്കാ​ര​ന്റെ പേ​രി​ലു​ള്ള അ​ലി​ൻ​മ ബാ​ങ്ക് അ​ക്കൗ​ണ്ടി​ലേ​ക്കാ​ണ് പ​ണം മാ​റ്റി​യ​തെ​ന്ന് ക​ണ്ടെ​ത്തി. അ​ക്കൗ​ണ്ട് ഉ​ട​മ മ​ല​യാ​ളി​യാ​ണെ​ന്നും ക​ണ്ടെ​ത്തി. തു​ട​ർ​ന്ന് പൊ​ലീ​സ് സ്‌​റ്റേ​ഷ​നി​ലേ​ക്ക് മ​ല​യാ​ളി​യെ വി​ളി​പ്പി​ക്കു​ക​യും കേ​സ് ര​ജി​സ്റ്റ​ര്‍ ചെ​യ്യു​ക​യും ചെ​യ്തു.

ത​നി​ക്ക് അ​ല്‍റാ​ജ്ഹി ബാ​ങ്കി​ല്‍ മാ​ത്ര​മേ അ​ക്കൗ​ണ്ട് ഉ​ള്ളൂ​വെ​ന്നും അ​ലി​ന്‍മ ബാ​ങ്കി​ൽ അ​ക്കൗ​ണ്ട് എ​ടു​ത്തി​​ട്ടി​ല്ലെ​ന്നും മ​ല​യാ​ളി അ​റി​യി​ച്ചു. പ​ബ്ലി​ക് പ്രോ​സി​ക്യൂ​ഷ​ൻ ന​ട​പ​ടി ഏ​റ്റെ​ടു​ക്കു​ക​യും മ​ല​യാ​ളി​യെ ജ​യി​ലി​ല​ട​ക്കു​ക​യും ചെ​യ്തു. കോ​ട​തി​യു​ടെ പ​രി​ഗ​ണ​ന​ക്കെ​ത്തി​യ​പ്പോ​ള്‍, മ​ല​യാ​ളി ത​ന്റെ പേ​രി​ല്‍ അ​ലി​ന്മ ബാ​ങ്കി​ൽ അ​ക്കൗ​ണ്ട് ഇ​ല്ലെ​ന്നും പാ​കി​സ്താ​നി​യെ വി​ളി​ക്കു​ക​യോ പ​ണം ട്രാ​ന്‍സ്ഫ​റാ​ക്കു​ക​യോ ചെ​യ്തി​ട്ടി​ല്ലെ​ന്നും താ​ന്‍ നി​ര​പ​രാ​ധി​യാ​ണെ​ന്നും ജ​ഡ്ജി​യോ​ട് പ​റ​ഞ്ഞു. മൂ​ന്നു​മാ​സം നാ​ട്ടി​ലാ​യി​രു​ന്നു​വെ​ന്നും ആ ​സ​മ​യ​ത്ത് ത​ന്റെ വി​വ​ര​ങ്ങ​ള്‍ ഉ​പ​യോ​ഗി​ച്ച് ആ​രെ​ങ്കി​ലും അ​ക്കൗ​ണ്ട് തു​റ​ന്ന​താ​കാ​മെ​ന്നും ഒ.​ടി.​പി ചോ​ദി​ച്ച് ഒ​രാ​ള്‍ വി​ളി​ച്ചി​രു​ന്നു​വെ​ന്നും വ്യ​ക്ത​മാ​ക്കി കു​റ്റം നി​ഷേ​ധി​ച്ചു.

ഐ.​എം.​ഒ​യി​ല്‍ വി​ളി​ച്ച​യാ​ള്‍ നാ​ഷ​ന​ൽ ക​മേ​ഴ്സ്യ​ൽ ബാ​ങ്കി​ന്റെ ലോ​ഗോ വെ​ച്ചി​രു​ന്നു​വെ​ന്നും അ​തു​കൊ​ണ്ടാ​ണ് ഒ.​ടി.​പി ന​ല്‍കി​യ​തെ​ന്നും അ​പ്പോ​ഴേ​ക്കും പ​ണം ട്രാ​ന്‍സ്ഫ​റാ​യെ​ന്നും പാ​കി​സ്താ​ൻ പൗ​ര​നും വ്യ​ക്ത​മാ​ക്കി. ത​ന്റെ പേ​രി​ല്‍ അ​ല്‍റാ​ജ്ഹി ബാ​ങ്കി​ൽ മാ​ത്ര​മേ അ​ക്കൗ​ണ്ട് ഉ​ള്ളൂ​വെ​ന്ന് മ​ല​യാ​ളി വാ​ദി​ച്ചു. നി​ര​പ​രാ​ധി​യാ​യ ഇ​ദ്ദേ​ഹ​ത്തെ മോ​ചി​പ്പി​ക്കാ​നാ​വ​ശ്യ​മാ​യ ന​ട​പ​ടി​ക​ളു​മാ​യി ഇ​ന്ത്യ​ൻ എം​ബ​സി ഉ​ദ്യോ​ഗ​സ്ഥ​ന്‍ യൂ​സു​ഫ് കാ​ക്ക​ഞ്ചേ​രി​യും റി​യാ​ദ് കെ.​എം.​സി.​സി സെ​ന്‍ട്ര​ല്‍ ക​മ്മി​റ്റി വെ​ല്‍ഫ​യ​ര്‍ വി​ങ് ചെ​യ​ര്‍മാ​ന്‍ സി​ദ്ദീ​ഖ് തു​വ്വൂ​രു​മാ​ണ് രം​ഗ​ത്തു​ള്ള​ത്. വൈ​കാ​തെ ഇ​ദ്ദേ​ഹം ജ​യി​ല്‍മോ​ചി​ത​നാ​കു​മെ​ന്നാ​ണ് പ്ര​തീ​ക്ഷ.

അ​തേ​സ​മ​യം, കേ​സു​മാ​യി ബ​ന്ധ​പ്പെ​ട്ട് പൊ​ലീ​സ് സ്റ്റേ​ഷ​നി​ലേ​ക്ക് പോ​കു​ന്ന​വ​ര്‍ അ​ഭി​ഭാ​ഷ​ക​രെ​യോ ഇ​ന്ത്യ​ന്‍ എം​ബ​സി വ​ള​ന്റി​യ​ര്‍മാ​രെ​യോ കൂ​ടെ കൂ​ട്ടി​യാ​ല്‍ ഭാ​ഷ​യ​റി​യാ​ത്ത​തി​ന്റെ പേ​രി​ല്‍ വ​ന്നേ​ക്കാ​വു​ന്ന നി​യ​മ​ന​ട​പ​ടി​ക​ള്‍ ഒ​ഴി​വാ​യി​ക്കി​ട്ടു​മെ​ന്ന് സി​ദ്ദീ​ഖ് തു​വ്വൂ​ര്‍ പ​റ​ഞ്ഞു.