ഹോസ്റ്റൽ നടത്തിപ്പിന്‍റെ മറവിൽ കോടികൾ തട്ടിയെടുത്തയാൾ അറസ്റ്റിൽ

ക​ള​മ​ശ്ശേ​രി: മെ​ൻ​സ്, ലേ​ഡീ​സ് ഹോ​സ്റ്റ​ൽ ന​ട​ത്തി​പ്പി​ന്​​ മു​ത​ൽ​മു​ട​ക്കു​ന്ന​വ​ർ​ക്ക്​ ലാ​ഭം വാ​ഗ്ദാ​നം ചെ​യ്ത്​ നി​ര​വ​ധി പേ​രി​ൽ​നി​ന്ന്​ കോ​ടി​ക​ൾ ത​ട്ടി​യെ​ടു​ത്ത കേ​സി​ലെ പ്ര​തി അ​റ​സ്റ്റി​ൽ. കാ​സ​ർ​കോ​ട്​ തൃ​ക്ക​രി​പ്പൂ​ർ ഉ​ടു​മ്പും​ത​ല മാ​ട​യ്ക്ക​ൽ കു​റി​പ്പാ​ല​ത്ത്​ വീ​ട്ടി​ൽ എം.​കെ. സൈ​ദി​നെ​യാ​ണ്​ (49) ക​ള​മ​ശ്ശേ​രി പൊ​ലീ​സ് അ​റ​സ്റ്റ് ചെ​യ്ത​ത്.

എ​റ​ണാ​കു​ളം ജി​ല്ല​യി​ലെ വി​വി​ധ സ്ഥ​ല​ങ്ങ​ളി​ൽ നൈ​സ് സ്ലീ​പ് എ​ന്ന പേ​രി​ൽ 70ഓ​ളം മെ​ൻ​സ്, ലേ​ഡീ​സ് ഹോ​സ്റ്റ​ലു​ക​ൾ ന​ട​ത്തു​ന്ന​തി​നാ​ണ്​ നി​ക്ഷേ​പം സ്വീ​ക​രി​ച്ച​ത്. 50 ശ​ത​മാ​നം ലാ​ഭ​വി​ഹി​തം വാ​ഗ്ദാ​നം ചെ​യ്ത്​ ഒ​ട്ടേ​റെ പേ​രി​ൽ​നി​ന്ന്​ പ​ണം കൈ​പ്പ​റ്റി​യ​ശേ​ഷം അ​തേ ഹോ​സ്റ്റ​ലു​ക​ളു​ടെ ഓ​ഹ​രി മ​റ്റാ​ളു​ക​ൾ​ക്കും മ​റി​ച്ചു​ന​ൽ​കി കോ​ടി​ക​ൾ കൈ​ക്ക​ലാ​ക്കി​യ​താ​യി പൊ​ലീ​സ് പ​റ​ഞ്ഞു. 13.24 ല​ക്ഷം രൂ​പ ന​ഷ്ട​പ്പെ​ട്ട ക​ള​മ​ശ്ശേ​രി സ്വ​ദേ​ശി ഡോ. ​മു​ഹ​മ്മ​ദ​ലി​യു​ടെ പ​രാ​തി​യി​ലാ​ണ് അ​റ​സ്റ്റ്.

ഇ​യാ​ൾ​ക്കെ​തി​രെ വി​വി​ധ സ്റ്റേ​ഷ​നു​ക​ളി​ൽ സ​മാ​ന കേ​സു​ക​ളു​ണ്ട്. മു​ൻ​കൂ​ർ ജാ​മ്യാ​പേ​ക്ഷ ത​ള്ളി​യ​തി​നെ​ത്തു​ട​ർ​ന്ന് ഒ​ളി​വി​ൽ ക​ഴി​യ​വെ സം​സ്ഥാ​നം വി​ട്ടു​പോ​കാ​ൻ ശ്ര​മി​ക്കു​ന്ന​തി​നി​ടെ​യാ​ണ് പി​ടി​യി​ലാ​യ​ത്. കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ്​ ചെ​യ്തു.