വിദ്യാർഥിനികളോട് മോശം പെരുമാറ്റം: അധ്യാപകനായ പ്രതിയെ സഹായിച്ച സി.പി.എം നേതാക്കൾക്ക് നോട്ടീസ്

മാ​വേ​ലി​ക്ക​ര: വി​ദ്യാ​ർ​ഥി​നി​ക​ളോ​ട് മോ​ശ​മാ​യി പെ​രു​മാ​റി​യ​തി​ന് അ​റ​സ്​​റ്റി​ലാ​യ അ​ധ്യാ​പ​ക​നെ സ​ഹാ​യി​ക്കാ​ൻ ഇ​ട​പെ​ട്ട സി.​പി.​എം നേ​താ​ക്ക​ൾ​ക്ക് കാ​ര​ണം കാ​ണി​ക്ക​ൽ നോ​ട്ടീ​സ്. സി.​പി.​എം ഏ​രി​യ ക​മ്മി​റ്റി അം​ഗ​വും സി.​ഐ.​ടി.​യു നേ​താ​വു​മാ​യ ആ​ർ.​ഹ​രി​ദാ​സ​ൻ നാ​യ​ർ, മാ​വേ​ലി​ക്ക​ര ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റും സി.​പി.​എം ഏ​രി​യ ക​മ്മി​റ്റി അം​ഗ​വു​മാ​യ എ​ൻ. ഇ​ന്ദി​ര ദാ​സ്, സി.​പി.​എം ചെ​ട്ടി​കു​ള​ങ്ങ​ര തെ​ക്ക് ലോ​ക്ക​ൽ ക​മ്മി​റ്റി സെ​ക്ര​ട്ട​റി എ​സ്. സു​നി​ൽ​കു​മാ​ർ, ലോ​ക്ക​ൽ ക​മ്മി​റ്റി അം​ഗം ജി. ​രാ​ജു എ​ന്നി​വ​ർ​ക്കാ​ണ് പാ​ർ​ട്ടി ഏ​രി​യ ക​മ്മി​റ്റി കാ​ര​ണം കാ​ണി​ക്ക​ൽ നോ​ട്ടീ​സ് ന​ൽ​കി​യ​ത്.

അ​മ്പ​ല​പ്പു​ഴ​യി​ലെ എ​യ്ഡ​ഡ് ടി.​ടി.​ഐ​യി​ൽ അ​ധ്യാ​പ​ക​നാ​യി​രു​ന്ന ചെ​ട്ടി​കു​ള​ങ്ങ​ര ഗ്രാ​മ​പ​ഞ്ചാ​യ​ത്ത് സ്ഥി​രം സ​മി​തി അ​ധ്യ​ക്ഷ​നും സി.​പി.​എം ചെ​ട്ടി​കു​ള​ങ്ങ​ര തെ​ക്ക് ലോ​ക്ക​ൽ ക​മ്മി​റ്റി അം​ഗ​വു​മാ​യ കൈ​ത​വ​ട​ക്ക് ശ്രീ​ഭ​വ​നി​ൽ എ​സ്. ശ്രീ​ജി​ത്തി​നെ നാ​ല്​ വി​ദ്യാ​ർ​ഥി​നി​ക​ളു​ടെ പ​രാ​തി​യി​ലാ​ണ് ആ​ദ്യം അ​റ​സ്റ്റി​ലാ​യ​ത്.

സം​ഭ​വ​ത്തി​ൽ പാ​ർ​ട്ടി നേ​തൃ​ത്വ​ത്തോ​ട് ആ​ലോ​ചി​ക്കാ​തെ ഇ​ട​പെ​ടു​ക​യും പ​രാ​തി​ക്കാ​രെ സ്വാ​ധീ​നി​ക്കു​ക​യും ചെ​യ്തു​വെ​ന്ന ആ​ക്ഷേ​പ​ത്തി​ലാ​ണ് നാ​ലു​പേ​ർ​ക്കും കാ​ര​ണം കാ​ണി​ക്ക​ൽ നോ​ട്ടീ​സ് ന​ൽ​കി​യ​ത്. ന​ട​പ​ടി എ​ടു​ക്കാ​തി​രി​ക്കാ​ൻ കാ​ര​ണ​മു​ണ്ടെ​ങ്കി​ൽ വ്യ​ക്ത​മാ​ക്കാ​ൻ ആ​വ​ശ്യ​പ്പെ​ട്ടാ​ണ് നോ​ട്ടീ​സ്. പ​രാ​തി​ക്കാ​രു​ടെ വീ​ട്ടി​ലെ​ത്തി​യ പ്രാ​ദേ​ശി​ക നേ​താ​ക്ക​ൾ അ​വ​രെ സ്വാ​ധീ​നി​ക്കാ​നും ഭീ​ഷ​ണി​പ്പെ​ടു​ത്താ​നും ശ്ര​മി​ച്ച​താ​യി ആ​രോ​പ​ണം ഉ​യ​ർ​ന്നി​രു​ന്നു.

തു​ട​ർ​ന്ന് കേ​സ് കോ​ട​തി​യി​ൽ എ​ത്തി​യ​പ്പോ​ൾ ജാ​മ്യ​വും ല​ഭി​ച്ചു. പി​ന്നീ​ട്​ മ​റ്റൊ​രു വി​ദ്യാ​ർ​ഥി​നി​യു​ടെ പ​രാ​തി​യി​ൽ പു​ന്ന​പ്ര പൊ​ലീ​സ് ശ്രീ​ജി​ത്തി​നെ അ​റ​സ്റ്റ്​ ചെ​യ്ത​തോ​ടെ​യാ​ണ് റി​മാ​ൻ​ഡി​ലാ​യ​ത്. ര​ണ്ടാ​മ​തും അ​റ​സ്റ്റി​ലാ​യ​പ്പോ​ൾ പ​രാ​തി​ക്കാ​രെ ഭീ​ഷ​ണി​പ്പെ​ടു​ത്തി​യ​തി​നും സ്വാ​ധീ​നി​ക്കാ​ൻ ശ്ര​മി​ച്ച​തി​നും ശ്രീ​ജി​ത്തി​നെ​തി​രെ കേ​സെ​ടു​ത്തി​രു​ന്നു. അ​തേ​സ​മ​യം റി​മാ​ൻ​ഡി​ലാ​യി​രു​ന്ന ശ്രീ​ജി​ത്തി​ന് ക​ഴി​ഞ്ഞ ദി​വ​സം ജാ​മ്യം ല​ഭി​ച്ചു.