എം.ഡി.എം.എ കടത്ത്; രണ്ട്​ വിദേശി യുവാക്കൾ പിടിയിൽ

തൃ​ശൂ​ർ: കേ​ര​ള​ത്തി​ലേ​ക്കും ഇ​ത​ര സം​സ്ഥാ​ന​ങ്ങ​ളി​ലേ​ക്കും അ​തി​മാ​ര​ക മ​യ​ക്കു​മ​രു​ന്നാ​യ എം.​ഡി.​എം.​എ മൊ​ത്ത​മാ​യി എ​ത്തി​ക്കു​ന്ന ര​ണ്ട്​ വി​ദേ​ശി യു​വാ​ക്ക​ളെ തൃ​ശൂ​ർ സി​റ്റി പൊ​ലീ​സ് ല​ഹ​രി വി​രു​ദ്ധ സ്ക്വാ​ഡ് അ​റ​സ്റ്റ്​ ചെ​യ്തു.

ബം​ഗ​ളൂ​രു ന​ഗ​ര​ത്തി​ൽ യ​ല​ഹ​ങ്ക ആ​സ്ഥാ​ന​മാ​യി അ​ധോ​ലോ​ക ല​ഹ​രി വി​പ​ണ​നം ന​ട​ത്തു​ന്ന 'ഡോ​ൺ' എ​ന്ന്​ അ​റി​യ​പ്പെ​ടു​ന്ന സു​ഡാ​ൻ സ്വ​ദേ​ശി ഫാ​രി​സ് മൊ​ക്താ​ർ ബാ​ബി​കാ​ർ അ​ലി (29), ഇ​യാ​ളോ​ടൊ​പ്പം താ​മ​സി​ച്ചി​രു​ന്ന ഫ​ല​സ്തീ​ൻ സ്വ​ദേ​ശി ഹ​സൈ​ൻ (29) എ​ന്നി​വ​രാ​ണ് പി​ടി​യി​ലാ​യ​ത്.

അ​റ​സ്റ്റി​ലാ​കു​മ്പോ​ൾ അ​ലി​യു​ടെ പ​ക്ക​ൽ 350 ഗ്രാം ​എം.​ഡി.​എം.​എ ഉ​ണ്ടാ​യി​രു​ന്ന​താ​യി പൊ​ലീ​സ്​ പ​റ​ഞ്ഞു. ഫ​ല​സ്തീ​ൻ സ്വ​ദേ​ശി​യെ​യും പി​ടി​കൂ​ടി​യ മ​യ​ക്കു​മ​രു​ന്നും നി​യ​മ ന​ട​പ​ടി​ക​ൾ​ക്കാ​യി ബം​ഗ​ളൂ​രു പൊ​ലീ​സി​ന് കൈ​മാ​റി.

ക​ഴി​ഞ്ഞ മേ​യി​ൽ മ​ണ്ണു​ത്തി പൊ​ലീ​സ് സ്റ്റേ​ഷ​ൻ പ​രി​ധി​യി​ൽ 197 ഗ്രാം ​എം.​ഡി.​എം.​എ​യു​മാ​യി ചാ​വ​ക്കാ​ട് സ്വ​ദേ​ശി ബു​ർ​ഹാ​നു​ദ്ദീ​നെ (26) പി​ടി​കൂ​ടി​യി​രു​ന്നു. ഇ​യാ​ൾ​ക്ക് മ​യ​ക്കു​മ​രു​ന്ന് എ​ത്തി​ച്ച​ത്​ സു​ഡാ​ൻ സ്വ​ദേ​ശി​യാ​ണെ​ന്ന് ചോ​ദ്യം ചെ​യ്യ​ലി​ൽ വ്യ​ക്ത​മാ​യി. തു​ട​ർ​ന്ന്, ഇ​ന്ത്യ​യി​ൽ സ്ഥി​ര​താ​മ​സ​മാ​ക്കി​യ വി​ദേ​ശി​ക​ളു​ടെ നീ​ക്ക​ങ്ങ​ൾ നി​രീ​ക്ഷി​ച്ചാ​ണ് സു​ഡാ​ൻ സ്വ​ദേ​ശി​യെ ബം​ഗ​ളൂ​രു​വി​ൽ​നി​ന്ന്​ പി​ടി​കൂ​ടി​യ​ത്.

പ​ഠ​നാ​വ​ശ്യ​ത്തി​നാ​യി​ ഏ​ഴ്​ വ​ർ​ഷം മു​മ്പാ​ണ് സു​ഡാ​നി​ൽ​നി​ന്ന് ഇ​ന്ത്യ​യി​ലെ​ത്തി​യ​ത്. അ​തി​ന്​ ശേ​ഷം വി​സ ന​ട​പ​ടി​ക്ര​മ​ങ്ങ​ൾ ലം​ഘി​ച്ച് മ​യ​ക്കു​മ​രു​ന്ന് ക​ച്ച​വ​ടം ന​ട​ത്തു​ക​യാ​യി​രു​ന്നു.

മ​ണ്ണു​ത്തി പൊ​ലീ​സ് സ്റ്റേ​ഷ​ൻ ഇ​ൻ​സ്പെ​ക്ട​ർ എ​സ്. ഷു​ക്കൂ​ർ, സ​ബ് ഇ​ൻ​സ്പെ​ക്ട​ർ എ​ൻ. പ്ര​ദീ​പ്, തൃ​ശൂ​ർ സി​റ്റി പൊ​ലീ​സ് ല​ഹ​രി വി​രു​ദ്ധ സ്ക്വാ​ഡ് സ​ബ് ഇ​ൻ​സ്പെ​ക്ട​ർ​മാ​രാ​യ എ​ൻ.​ജി. സു​വ്ര​ത​കു​മാ​ർ, പി. ​രാ​ഗേ​ഷ്, സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ ടി.​വി. ജീ​വ​ൻ, കെ.​ബി. വി​പി​ൻ, എ​സ്. സു​ജി​ത്കു​മാ​ർ, പി. ​നൗ​ഫ​ൽ എ​ന്നി​വ​രാ​ണ്​ പൊ​ലീ​സ്​ സം​ഘ​ത്തി​ൽ ഉ​ണ്ടാ​യി​രു​ന്ന​ത്.