വിദേശ വിസ വാഗ്ദാനം ചെയ്ത് കോടികൾ തട്ടിയയാൾ പിടിയിൽ

ആ​റ്റി​ങ്ങ​ൽ: വി​ദേ​ശ വി​സ വാ​ഗ്ദാ​നം ചെ​യ്ത് പ​ണം ത​ട്ടി​യ കേ​സി​ൽ പ്ര​തി പി​ടി​യി​ൽ. ആ​റ്റി​ങ്ങ​ൽ സ്വ​ദേ​ശി​നി​യും കോ​ട​തി ജീ​വ​ന​ക്കാ​രി​യു​മാ​യ യു​വ​തി​യി​ൽ നി​ന്ന്​ യു.​കെ​യി​ലേ​ക്ക് ജോ​ലി വാ​ഗ്ദാ​നം ന​ൽ​കി 14 ല​ക്ഷ​ത്തോ​ളം രൂ​പ ത​ട്ടി​യെ​ടു​ത്ത കേ​സി​ലെ പ്ര​തി​യാ​യ ക​ണ്ണൂ​ർ ചാ​ലോ​ട് വാ​ണി​യ​പ്പാ​റ മു​ഞ്ഞ​നാ​ട് സ്വ​ദേ​ശി അ​ഭി​ലാ​ഷ് ഫി​ലി​പ്പ് (38) ആ​ണ് ആ​റ്റി​ങ്ങ​ൽ പോ​ലീ​സി​ന്റെ പി​ടി​യി​ലാ​യ​ത്.

സ്റ്റാ​ർ നെ​റ്റ് ഇ​ൻ​റ​ർ​നാ​ഷ​ണ​ൽ റി​ക്രൂ​ട്ട്മെൻറ് പ്രൈ​വ​റ്റ് ലി​മി​റ്റ​ഡ് എ​ന്ന പേ​രി​ൽ ക​മ്പ​നി ന​ട​ത്തി​യി​രു​ന്ന പ്ര​തി യു.​കെ​യി​ലും വി​ദേ​ശ രാ​ജ്യ​ങ്ങ​ളി​ലും ആ​ക​ർ​ഷ​ക​മാ​യ ശ​മ്പ​ളം ല​ഭി​ക്കു​മെ​ന്നും, ജോ​ലി ത​ര​പ്പെ​ടു​ത്തി വി​സ ന​ൽ​കാ​മെ​ന്നും പ​റ​ഞ്ഞ് വി​ശ്വ​സി​പ്പി​ച്ചാ​ണ് പ​ണം ത​ട്ടി​യെ​ടു​ത്ത​ത്.

സാ​മൂ​ഹി​ക മാ​ധ്യ​മ​ങ്ങ​ളി​ൽ ആ​ക​ർ​ഷ​ക​മാ​യ രീ​തി​യി​ൽ ക​മ്പ​നി​യു​ടെ പ്രൊ​ഫൈ​ൽ ന​ൽ​കി ഉ​ദ്യോ​ഗാ​ർ​ഥി​ക​ളെ വി​ശ്വ​സി​പ്പി​ച്ച് വ്യാ​ജ സ്പോ​ൺ​സ​ർ​ഷി​പ് സ​ർ​ട്ടി​ഫി​ക്ക​റ്റ് ത​ര​പ്പെ​ടു​ത്തി പ​ണം കൈ​പ്പ​റ്റി​യ ശേ​ഷം അ​ത് ആ​സ്ട്രേ​ലി​യ​യി​ലു​ള്ള ക​മ്പ​നി​യി​ലേ​ക്ക് മ​റ്റൊ​രു പാ​ർ​ട്ണ​റു​ടെ അ​കൗ​ണ്ടി​ലേ​ക്ക് മാ​റ്റും.

നൂ​റു​ക​ണ​ക്കി​ന് ആ​ളു​ക​ളി​ൽ നി​ന്ന്​ ഏ​ക​ദേ​ശം 10 കോ​ടി​യോ​ളം രൂ​പ ഇ​പ്ര​കാ​രം ഇ​യാ​ൾ ത​ട്ടി​യെ​ടു​ത്ത​താ​യി അ​ന്വേ​ഷ​ണ​ത്തി​ൽ വി​വ​രം ല​ഭി​ച്ചി​ട്ടു​ണ്ട്. ആ​റ്റി​ങ്ങ​ൽ, ക​ല്ല​മ്പ​ലം, വി​യ്യൂ​ർ, എ​റ​ണാ​കു​ളം ടൗ​ൺ സൗ​ത്ത്, പു​ത്ത​ൻ​വേ​ലി​ക്ക​ര തു​ട​ങ്ങി​യ പ​ല പോ​ലീ​സ് സ്റ്റേ​ഷ​നു​ക​ളി​ലാ​യി പ്ര​തി​യു​ടെ പേ​രി​ൽ പ​ത്തോ​ളം കേ​സു​ക​ൾ നി​ല​വി​ലു​ണ്ട്.