അയൽവാസിയെ പെ​ട്രോളൊഴിച്ച്​ തീകൊളുത്തിയ ബന്ധു അറസ്റ്റിൽ

പാ​ണ്ടി​ക്കാ​ട്​: അ​യ​ൽ​വാ​സി​യും ബ​ന്ധു​വു​മാ​യ യു​വാ​വി​നെ പെ​ട്രോ​ളൊ​ഴി​ച്ച്​ തീ​കൊ​ളു​ത്തി കൊ​ല്ലാ​ൻ ശ്ര​മി​ച്ച ​കേ​സി​ൽ മ​ധ്യ​വ​യ​സ്ക​ൻ അ​റ​സ്റ്റി​ൽ. വ​ള​രാ​ട്​ സ്വ​ദേ​ശി കാ​രാ​പ​റ​മ്പി​ൽ വേ​ലാ​യു​ധ​നെ​യാ​ണ്​ (50) പാ​ണ്ടി​ക്കാ​ട്​ പൊ​ലീ​സ്​ അ​റ​സ്റ്റ്​ ചെ​യ്ത​ത്.

വേ​ലാ​യു​ധ​ൻ വീ​ട്ടി​ൽ ബ​ഹ​ള​മു​ണ്ടാ​ക്കു​ന്ന​ത്​ പ​തി​വാ​യി​രു​ന്നു. ജ​നു​വ​രി 26ന് ​രാ​ത്രി 9.30ന്​ ​ഇ​യാ​ൾ വീ​ട്ടു​മു​റ്റ​ത്ത്​ വെ​ച്ച്​ ഭാ​ര്യ​യെ​യും മ​ക്ക​ളെ​യും ചു​റ്റി​ക കൊ​ണ്ട​ടി​ക്കാ​ൻ ശ്ര​മി​ച്ചു. ഇ​തു ക​ണ്ട്​ ര​ക്ഷ​പ്പെ​ടു​ത്താ​ൻ ചെ​ന്ന അ​യ​ൽ​വാ​സി​യു​ടെ മേ​ൽ പ്ര​തി വീ​ട്ടി​ൽ സൂ​ക്ഷി​ച്ച പെ​ട്രോ​ൾ ഒ​ഴി​ക്കു​ക​യും ലൈ​റ്റ​ർ ഉ​പ​യോ​ഗി​ച്ച്​ തീ ​കൊ​ളു​ത്തു​ക​യു​മാ​യി​രു​ന്നു. തീ ​പ​ട​ർ​ന്ന​യു​ട​ൻ പൊ​ള്ള​ലേ​റ്റ യു​വാ​വ്​ ടീ ​ഷ​ർ​ട്ട്​ ഊ​രി​മാ​റ്റി​യ​തി​നാ​ൽ വ​ലി​യ അ​പ​ക​ടം ഒ​ഴി​വാ​യി. പൊ​ള്ള​ലേ​റ്റ​യാ​ളു​ടെ ചെ​റി​യ​ച്ഛ​നാ​യ​ പ്ര​തി​ക്കെ​തി​രെ വ​ധ​ശ്ര​മ​ത്തി​നാ​ണ്​ കേ​സെ​ടു​ത്തി​രി​ക്കു​ന്ന​ത്. പാ​ണ്ടി​ക്കാ​ട്​ സി.​ഐ മു​ഹ​മ്മ​ദ് റ​ഫീ​ഖും സം​ഘ​വും അ​റ​സ്റ്റ് ചെ​യ്ത പ്ര​തി​യെ പെ​രി​ന്ത​ൽ​മ​ണ്ണ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ്​ ചെ​യ്തു.

പള്ളിയിലെ മോഷണം: പ്രതി പൊലീസ് പിടിയിൽ

മ​ങ്ക​ട: വ​ട​ക്കാ​ങ്ങ​ര ഉ​മ​റു​ൽ ഫാ​റൂ​ഖ് ജു​മാ​മ​സ്ജി​ദി​ൽ മോ​ഷ​ണം ന​ട​ത്തി​യ പ്ര​തി​യെ മ​ങ്ക​ട പൊ​ലീ​സ് അ​റ​സ്റ്റ് ചെ​യ്തു. ക​ഴി​ഞ്ഞ ബു​ധ​നാ​ഴ്ച രാ​വി​ലെ 7.30നും 8.15​നും ഇ​ട​യി​ൽ വ​ട​ക്കാ​ങ്ങ​ര ഉ​മ​റു​ൽ ഫാ​റൂ​ഖ് ജു​മാ​മ​സ്ജി​ദി​ൽ ഖ​തീ​ബി​ന്റെ മു​റി കു​ത്തി​ത്തു​റ​ന്ന് പ​ണം മോ​ഷ്ടി​ച്ച കേ​സി​ൽ ബേ​പ്പൂ​ർ സ്വ​ദേ​ശി കു​പ്പ​യി​ൽ ഷം​സു​ദ്ദീ​നെ​യാ​ണ് (37) മ​ങ്ക​ട എ​സ്.​ഐ സി.​കെ. നൗ​ഷാ​ദും സം​ഘ​വും അ​റ​സ്റ്റ് ചെ​യ്ത​ത്. സി.​സി ടി.​വി ദൃ​ശ്യ​ങ്ങ​ളു​ടെ​യും സൈ​ബ​ർ സെ​ല്ലി​ന്റെ​യും സ​ഹാ​യ​ത്തോ​ടെ ന​ട​ത്തി​യ അ​ന്വേ​ഷ​ണ​ത്തി​ലാ​ണ് അ​റ​സ്റ്റ്.

മ​ങ്ക​ട എ​സ്.​ഐ സി.​കെ. നൗ​ഷാ​ദ്, എ​സ്.​ഐ​മാ​രാ​യ അ​നി​ൽ​കു​മാ​ർ, അ​ബ്ദു​ൽ സ​ലീം, സ​മീ​ർ പു​ല്ലോ​ട​ൻ, മു​ഹ​മ്മ​ദ് സു​ഹൈ​ൽ, രാ​ജീ​വ്, ന​വീ​ൻ, അ​നീ​ഷ്, പ്ര​ജീ​ഷ്, റീ​ന, ധ​ന്യ എ​ന്നി​വ​രു​ൾ​പ്പെ​ട്ട സം​ഘ​മാ​ണ് പ്ര​തി​യെ അ​റ​സ്റ്റ് ചെ​യ്ത​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു.