പൊതുസ്ഥലത്ത് യുവതിയോട് അതിക്രമം: ഭർത്താവ് പിടിയിൽ

പ​ര​വൂ​ർ: പ​ട്ടാ​പ്പ​ക​ൽ പ​ര​വൂ​ർ ടൗ​ണി​ൽ യു​വ​തി​യെ ക്രൂ​ര​മാ​യി ആ​ക്ര​മി​ച്ച ഭർത്താവ് പി​ടി​യി​ൽ. പ​ര​വൂ​ർ കോ​ട്ട​പ്പു​റം സ്വദേശിയാണ് പി​ടി​യി​ലാ​യ​ത്. യു​വ​തി​ ജോ​ലി ചെ​യ്യു​ന്ന സ്ഥാ​പ​ന​ത്തി​ൽ അ​തി​ക്ര​മി​ച്ച​ു​ക​യ​റി ആ​ക്ര​മി​ക്കു​ക​യാ​യി​രു​ന്നു. വ്യാ​ഴാ​ഴ്ച രാ​വി​ലെ 11ഓ​ടെ​യാ​ണ്​ സം​ഭ​വം.

പ​ര​വൂ​രി​ലെ സ്വ​കാ​ര്യ​സ്ഥാ​പ​ന​ത്തി​ലേ​ക്ക് അ​തി​ക്ര​മി​ച്ചു​ക​യ​റി​യ പ്ര​തി യു​വ​തി​യു​ടെ ക​വി​ള​ത്ത് അ​ടി​ക്കു​ക​യും ക​ഴു​ത്തി​ൽ കു​ത്തി​പ്പി​ടി​ച്ച് ക​ട​യു​ടെ പു​റ​ത്തേ​ക്ക് വ​ലി​ച്ചി​ഴ​ക്കു​ക​യും ചെ​യ്തു. തു​ട​ർ​ന്ന് ആ​ളു​ക​ൾ നോ​ക്കി​നി​ൽ​ക്കെ ഷാ​ൾ ഉ​പ​യോ​ഗി​ച്ച് ക​ഴു​ത്തി​ൽ ചു​റ്റി​മു​റു​ക്കി ശ്വാ​സം മു​ട്ടി​ച്ചു. നാ​ട്ടു​കാ​രും ഓ​ട്ടോ തൊ​ഴി​ലാ​ളി​ക​ളും ചേ​ർ​ന്ന് ഇ​യാ​ളെ പി​ന്തി​രി​പ്പി​ക്കാ​ൻ ശ്ര​മി​ച്ചപ്പോൾ ഭീഷണി ഉയർത്തി. തുടർന്ന് ഇയാൾ അക്രമാസക്തമായതോടെ റോഡിൽ ഗതാഗതതടസ്സവും ഉണ്ടായി. അ​ക്ര​മം തു​ട​ർ​ന്ന പ്രതിയെ പ​ര​വൂ​ർ ഇ​ൻ​സ്​​പെ​ക്ട​റു​ടെ നേ​തൃ​ത്വ​ത്തി​ൽ ക​സ്റ്റ​ഡി​യി​ൽ എ​ടു​ക്കു​ക​യാ​യി​രു​ന്നു. യു​വ​തി​യു​ടെ പ​രാ​തി​യി​ൽ കേ​സ് ര​ജി​സ്റ്റ​ർ ചെ​യ്ത്​ അ​റ​സ്റ്റ് രേ​ഖ​പ്പെ​ടു​ത്തി. പ​ര​വൂ​ർ ഇ​ൻ​സ്​​പെ​ക്ട​ർ എ. ​നി​സാ​റി​ന്‍റെ നേ​തൃ​ത്വ​ത്തി​ൽ എ​സ്.​ഐ​മാ​രാ​യ നി​തി​ൻ ന​ള​ൻ, സു​രേ​ഷ് കു​മാ​ർ, എ.​എ​സ്.​ഐ​മാ​രാ​യ ജോ​യ്, ര​മേ​ശ​ൻ എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ അ​റ​സ്റ്റ് ചെ​യ്ത​ത് റി​മാ​ൻ​ഡ്​ ചെയ്തത്.