Begin typing your search above and press return to search.
exit_to_app
exit_to_app
Chennai Murder
cancel
Homechevron_rightNewschevron_rightCrimechevron_right​െചന്നൈയിൽ നടുറോഡിൽ...

​െചന്നൈയിൽ നടുറോഡിൽ 35കാരന്‍റെ തല അറുത്തെടുത്ത്​ ഗുണ്ടാസംഘം; കൊലക്ക്​ കാരണം മുൻവൈരാഗ്യം

text_fields
bookmark_border

ചെന്നൈ: ​െചന്നെയിൽ നടുറോഡിൽ 35കാരന്‍റെ തല അറുത്തെടുത്ത്​ നാലംഗ ഗുണ്ടാ സംഘം. ചൊവ്വാഴ്​ച രാത്രിയാണ്​ സംഭവം. മുൻ വൈരാഗ്യമാണ്​ കൊലക്ക്​ കാരണമെന്ന്​ പൊലീസ്​ പറഞ്ഞു.

റിയൽ എസ്​റ്റേറ്റ്​ ബിസിനസുകാരനായ ഗോപിയാണ്​ മരിച്ചത്​. വെങ്കടസാമി തെരുവിൽ താമസിക്കുന്ന ഗോപി പ്രദേശത്ത്​ ഒരു പാൽക്കടയും നടത്തിവന്നിരുന്നു. നേരത്തേ കുപ്രസിദ്ധ കുറ്റവാളിയായ ശിവകുമാറിന്‍റെ സംഘത്തിൽ ഗോപിയും ഉൾപ്പെട്ടിരുന്നു. കൊലപാതകം ഉൾപ്പെടെ നിരവധി ക്രിമിനൽ കേസുകളിലും പ്രതിയായിരുന്നു ഇയാൾ.

'രാത്രി 10.30ഓടെ പാൽക്കടയിൽനിന്ന്​ ഇറങ്ങിയ ശേഷം സമീപത്തെ സുഹൃത്തിന്‍റെ ബേക്കറിയിൽ ഗോപി എത്തിയിരുന്നു. കാർ വഴിയരികിൽ നിർത്തിയിട്ടിക്കുകയായിരുന്നു. കടയിൽനിന്നിറങ്ങി കാറിനടുത്തേക്ക്​ പോകുന്നതിനിടെ നാലംഗ സംഘം രണ്ടു മോ​ട്ടോർ സൈക്കിളുകളിലായെത്തി വെട്ടുകത്തികൊണ്ട്​ ആക്രമിക്കുകയായിരുന്നു' -മൈലാപൂർ അസിസ്റ്റന്‍റ്​ കമീഷണർ ഗൗതം പറഞ്ഞു.

ഗോപിയുടെ തല ശരീരത്തിൽനിന്ന്​ വെട്ടിമാറ്റിയിരുന്നു. ശരീരത്തിൽ പരിക്കേറ്റതിന്‍റെ പാടുകളുണ്ടായിരുന്നില്ല. ജനങ്ങൾ നോക്കിനിൽക്കേയായിരുന്നു അതിക്രമം. അക്രമിസംഘം വെട്ടുകത്തി കാട്ടി തടിച്ചുകൂടിയവരെ ഭീഷണിപ്പെടുത്തി ബൈക്കിൽ കടന്നുകളയുകയായിരുന്നുവെന്ന്​ ദൃക്​സാക്ഷികൾ പറയുന്നു.

ഉടൻതന്നെ പൊലീസ്​ സ്​ഥലത്തെത്തി മൃതദേഹം സർക്കാർ മെഡിക്കൽ കോളജിലേക്ക്​ പോസ്​​റ്റ്​മോർട്ടത്തിനായി മാറ്റി. ഗോപിയും അക്രമിസംഘത്തിലെ ആളായിരുന്നുവെന്നും കഴിഞ്ഞവർഷം ചെന്നൈയിൽ നടന്ന ശങ്കർ എന്ന വ്യക്തിയുടെ കൊലയാണ്​ ഗോപിയോടുള്ള വൈരാഗ്യത്തിന്​ കാരണമെന്നും പൊലീസ്​ പറഞ്ഞു. സംഭവത്തിൽ കൊലപാതകകുറ്റം ചുമത്തി കേസ്​ രജിസ്റ്റർ ചെയ്​ത്​ അന്വേഷണം ആരംഭിച്ചു.

Show Full Article
TAGS:Murder revenge killing 
News Summary - Man beheaded in full public view near Chennai
Next Story