സൈക്കിൾ നന്നാക്കാനെത്തിയപ്പോൾ പെൺകുട്ടിയുടെ ദൃശ്യങ്ങൾ പകർത്തി; നാടൻപാട്ടുകാരൻ പോക്സോ കേസിൽ അറസ്​റ്റിൽ

നെടുമ്പാശ്ശേരി: നാടൻപാട്ട് കലാകാരൻ പോക്സോ കേസിൽ അറസ്​റ്റിൽ. നെടുമ്പാശ്ശേരി നായത്തോട് സ്വദേശി രതീഷാണ് അറസ്​റ്റിലായത്.

സൈക്കിൾ മെക്കാനിക്കായ ഇയാൾ ചെത്തിക്കോട്ടെ ഒരുവീട്ടിൽ സൈക്കിൾ നന്നാക്കാനെത്തിയപ്പോൾ അവിടത്തെ 13 വയസ്സുള്ള പെൺകുട്ടിയുടെ ദൃശ്യങ്ങൾ രഹസ്യമായി മൊബൈൽ ഫോണിൽ പകർത്തുകയായിരുന്നു.

കുട്ടിയുടെ ബന്ധുക്കൾ കൈയോടെ ഇത് പിടികൂടി. നെടുമ്പാശ്ശേരി പൊലീസ് അറസ്​റ്റ്​ ചെയ്ത ഇയാളെ കോടതിയിൽ ഹാജരാക്കി റിമാൻഡ്​ ചെയ്തു.