കാപ്സ്യൂൾ രൂപത്തിലാക്കി 25ലക്ഷം രൂപയുടെ സ്വർണം കടത്താൻ ശ്രമം; ഒരാൾ അറസ്റ്റിൽ

ജയ്പൂർ: 25 ലക്ഷത്തിലധികം രൂപ വിലമതിക്കുന്ന കാപ്സ്യൂൾ രൂപത്തിലാക്കിയ സ്വർണവുമായി ഒരാൾ പിടിയിൽ. ഞായറാഴ്ച രാത്രി 9.15 ന് വിദേശത്തുനിന്ന് ജയ്പൂർ അന്താരാഷ്ട്ര വിമാനത്താവളത്തി​ലെത്തിയ യാത്രക്കാരനിൽനിന്നാണ് സ്വർണം പിടികൂടിയത്. ഇയാളെ കസ്റ്റംസ് ഉദ്യോഗസ്ഥർ അറസ്റ്റ് ചെയ്തു.

സംശയം തോന്നിയതിനെ തുടർന്ന് നടത്തിയ പരിശോധനയിലാണ് ഇയാളിൽനിന്ന് സ്വർണം കണ്ടെത്തിയത്. പിടിച്ചെടുത്ത സ്വർണത്തിന് 25,37,865 രൂപ വിലവരും. സംഭവത്തിൽ കൂടുതൽ അന്വേഷണം നടന്നുവരികയാണെന്നും കസ്റ്റംസ് അറിയിച്ചു.