Begin typing your search above and press return to search.
exit_to_app
exit_to_app
Homechevron_rightNewschevron_rightCrimechevron_rightവിവാഹ വാഗ്ദാനം നൽകി...

വിവാഹ വാഗ്ദാനം നൽകി യുവതികളെ പീഡിപ്പിച്ച് പണം തട്ടിയയാൾ പിടിയിൽ

text_fields
bookmark_border
rape case
cancel
camera_alt

ഷിനോജ് ശശി

Listen to this Article

തൃശൂർ: വിവാഹ വാഗ്ദാനം നൽകി നിരവധി യുവതികളെ പീഡിപ്പിക്കുകയും പണവും സ്വർണാഭരണങ്ങളും തട്ടിയെടുക്കുകയും ചെയ്ത കേസിൽ യുവാവ് പിടിയിൽ. ഇടുക്കി കാഞ്ചിയാർ വെള്ളിലാംകണ്ടം ചിറയിൽ വീട്ടിൽ ഷിനോജ് ശശിയെ (35) ആണ് തൃശൂർ ടൗൺ ഈസ്റ്റ് പൊലീസ് അറസ്റ്റ് ചെയ്തത്.

സമൂഹ മാധ്യമങ്ങൾ വഴിയും ഡൈവോഴ്സ് മാട്രിമോണി ഗ്രൂപ്പുകൾ വഴിയും വിവാഹമോചിതരായ സ്ത്രീകളെ പരിചയപ്പെട്ട് സർക്കാർ ഉദ്യോഗസ്ഥനാണെന്ന് വിശ്വസിപ്പിച്ചാണ് തട്ടിപ്പ് നടത്തിയത്. വിവാഹ തീയതിയും സമയവുമൊക്കെ നിശ്ചയിച്ചതായി യുവതികളെയും ബന്ധുക്കളെയും അറിയിച്ചായിരുന്നു തട്ടിപ്പ്. ഇതിനുശേഷം യുവതികളെ ഏതെങ്കിലും സ്ഥലത്തേക്ക് വിളിച്ചുവരുത്തി പീഡിപ്പിക്കുകയും പണവും സ്വർണാഭരണങ്ങളും തട്ടിയെടുക്കുകയുമാണ് ഇയാളുടെ രീതി. പാലക്കാട് സ്വദേശിയായ യുവതി തൃശൂർ ടൗൺ ഈസ്റ്റ് പൊലീസ് സ്റ്റേഷനിൽ നൽകിയ പരാതിയിലാണ് കേസ് രജിസ്റ്റർ ചെയ്തത്.

ഇയാളെ അറസ്റ്റ് ചെയ്ത വിവരമറിഞ്ഞ് നിരവധി സ്ത്രീകൾ ഈസ്റ്റ് പൊലീസ് സ്റ്റേഷനിൽ ബന്ധപ്പെടുന്നുണ്ട്.

ഇൻസ്പെക്ടർ പി. ലാൽകുമാർ, സീനിയർ സിവിൽ പൊലീസ് ഓഫിസർ ദുർഗാലക്ഷ്മി, സിവിൽ പൊലീസ് ഓഫിസർ ഹരീഷ്, സൈബർ സെൽ സിവിൽ പൊലീസ് ഓഫിസർമാരായ കെ.ജി. മിഥുൻ, കെ.എസ്. നിധിൻ എന്നിവരുടെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്.

Show Full Article
TAGS:atrocities against women 
News Summary - Man arrested for harassing young women
Next Story