Begin typing your search above and press return to search.
proflie-avatar
Login
exit_to_app
exit_to_app
man arrested for allegedly killing his wife, two children and his friend three years ago
cancel
Homechevron_rightNewschevron_rightCrimechevron_rightയു.പിയിലെ...

യു.പിയിലെ 'സുകുമാരക്കുറുപ്പ്​' പിടിയിൽ; ഭാര്യയെയും മക്കളെയും സുഹൃത്തിനെയും കൊന്നു, ഒളിവിൽ കഴിഞ്ഞത്​ മൂന്നുവർഷം

text_fields
bookmark_border

നോയിഡ: ഉത്തർപ്രദേശിൽ ഭാര്യ​യെയും മക്കളെയും കൊലപ്പെടുത്തി മൂന്നുവർഷത്തോളം ആൾമാറാട്ടം നടത്തി ജീവിച്ചയാൾ അറസ്​റ്റിൽ. സുഹൃത്തിനെ കൊലപ്പെടുത്തി ത​െൻറ മൃതദേഹമാണെന്ന്​ വരുത്തിയായിരുന്നു ആൾമാറാട്ടം. 34കാരനായ രാകേഷാണ്​ ബുധനാഴ്​ച പൊലീസി​െൻറ പിടിയിലായത്​. 2018 ഫെബ്രുവരിയിലാണ്​ ഭാര്യയെയും മക്കളെയും രാകേഷ്​ കൊലപ്പെടുത്തിയത്​. 27കാരിയായ ഭാര്യ രത്​നേഷ്​, മക്കൾ ആവ്​നി (മൂന്ന്​), അർപിത്​(ഒന്ന്​) എന്നിവരാണ്​ കൊല്ലപ്പെട്ടത്​.

ഇവരുടെ മൃതദേഹാവശിഷ്​ടങ്ങൾ വീടി​െൻറ ബേസ്​മെൻറിൽ കുഴിച്ചിട്ടിരിക്കുകയായിരുന്നു. ഇവ പൊലീസ്​ കണ്ടെടുത്തു. ഭാര്യയെയും മക്കളെയും കൊന്നശേഷം ഇയാൾ സുഹൃത്തായ രാജേന്ദ്രയെയും കൊലപ്പെടുത്തി. രാജേന്ദ്രയുടെ മൃതദേഹം വികൃതമാക്കിയ ശേഷം സ്വന്തം തിരിച്ചറിയൽ രേഖകൾ സമീപം ഉപേക്ഷിക്കുകയും ചെയ്​തു. ഇതോടെ രാ​േകഷ്​ കൊല്ലപ്പെട്ടുവെന്ന്​ പൊലീസ്​ അടക്കമുള്ളവർ വിശ്വസിച്ചു. പ്രണയബന്ധം തുടരാൻ വേണ്ടിയാണ്​ രാകേഷ്​ കൊലപാതകങ്ങൾ നടത്തിയതെന്ന്​ പൊലീസ്​ പറഞ്ഞു.

2018 ഫെബ്രുവരിയിൽ ഗ്രേറ്റർ നോയിഡയിലെ ബിസ്രാക്​ പൊലീസ്​ സ്​റ്റേഷനിൽ രത്​നേഷി​െൻറ പിതാവ്​ മകളെയും കുട്ടികളെയും കാണാനില്ലെന്ന്​ പരാതി നൽകിയിരുന്നു. 27കാരിയായ മകളെയും മൂന്നും ഒന്നും വയസുള്ള പേരക്കുട്ടികളെയും മരുമകൻ രാ​േകഷ്​ തട്ടിക്കൊണ്ടുപോയെന്നായിരുന്നു പരാതി. പരാതിയുടെ അടിസ്​ഥാനത്തിൽ പൊലീസ്​ കേസ്​ രജിസ്​റ്റർ ചെയ്യുകയും അന്വേഷണം ആരംഭിക്കുകയും ചെയ്​തു. അതിനിടെയാണ്​ രണ്ടുമാസത്തിനുശേഷം രാകേഷി​േൻറതാണെന്ന്​ കരുതുന്ന മൃതദേഹം കണ്ടെത്തിയത്​.

തുടർന്ന്​ കാസ്​ഗഞ്ച്​ പൊലീസ്​ സ്​റ്റേഷനിൽ രാകേഷി​െൻറ കൊലപാതകവുമായി ബന്ധപ്പെട്ട്​ ഒരു കേസ്​ രജിസ്​റ്റർ ചെയ്​തു. യു.പി പൊലീസ്​ നടത്തിയ തെളിവെടുപ്പിൽ മൃതദേഹം രാകേഷി​​േൻറാതാണെന്ന്​ പിതാവ്​ ബൻവാരിലാൽ തിരിച്ചറിയുകയും ചെയ്​തു. എന്നാൽ, പ്രദേശവാസികൾ രാകേഷല്ല മരിച്ചതെന്നും സുഹൃത്തായ രാജേന്ദ്രയാണെന്നും അറിയിച്ചു. തുടർന്ന്​ രാജേന്ദ്രയുടെ കുടുംബം മൃതദേഹം ഏറ്റെടുക്കുകയും സംസ്​കരിക്കുകയും ചെയ്​തു.

ആ സമയയെല്ലാം ജമ്മു-കശ്​മീരിലും പഞ്ചാബിലും യു.പിയിലുമെല്ലാം വിവിധ പേരുകളിൽ ആൾമാറാട്ടം നടത്തി ജീവിക്കുകയായിരുന്നു രാകേഷ്​. മകനാണ്​ കൊല്ലപ്പെട്ടതെന്ന മൊഴിയിൽ ബൻവാരിലാൽ​ ഉറച്ച് നിൽക്കുകയും ചെയ്​തു. ഇതോടെ ​െപാലീസ്​ ഭാര്യയെയും കുട്ടികളെയും കാണാതായ കേസിലും കൊലപാതക കേസിലും അന്വേഷണം ആരംഭിച്ചു. മൂന്നുവർഷത്തോളം തുടർന്ന അന്വേഷണത്തിൽ രാകേഷ്​ വ്യാജ ​േപരുകളിൽ വിവിധ സ്​ഥലങ്ങളിൽ താമസിച്ചുവരുന്നുണ്ടെന്ന്​ കണ്ടെത്തുകയായിരുന്നു. ബൻവാരിലാൽ മക​െൻറ ക്രൂരകൃത്യത്തിന്​ കൂട്ടുനിൽക്കുകയായിരുന്നെന്നും കണ്ടെത്തി.

ബുധനാഴ്​ച രാകേഷിനെ പൊലീസ്​ അറസ്​റ്റ്​ ചെയ്​തു. തുടർന്ന്​ ബൻവാരിലാലും അറസ്​റ്റിലായി. രാകേഷിനെ കൂടുതൽ ചോദ്യം ചെയ്​തതോടെ ഭാര്യയുടെയും മക്കളുടെയും മൃതദേഹങ്ങൾ വീടി​െൻറ ബേസ്​മെൻറിൽ സംസ്​കരിച്ചി​ട്ടുണ്ടെന്ന്​ വെളിപ്പെടുത്തുകയായിരുന്നു. ബുധനാഴ്​ച രാത്രിതന്നെ പൊലീസ്​ മൃതദേഹ അവശിഷ്​ടങ്ങൾ ​കണ്ടെടുത്തു. അസ്​ഥികൾ കൂടുതൽ പരിശോധനക്കായി ഫോറൻസിക്​ വിഭാഗത്തിലേക്ക്​ അയച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Up Policemurder
News Summary - man arrested for allegedly killing his wife, two children and his friend three years ago
Next Story