വ്യാജപരസ്യം നല്‍കി കബളിപ്പിച്ച് പണം തട്ടി; യുവാവ്​ അറസ്റ്റിൽ

ക​ടു​ത്തു​രു​ത്തി: വാ​ഹ​നം വി​ൽ​പ്പ​ന​ക്കെ​ന്ന്​ കാ​ട്ടി സ​മൂ​ഹ​മാ​ധ്യ​മ​ത്തി​ൽ വ്യാ​ജ​പ​ര​സ്യം ന​ല്‍കി പ​ണം ത​ട്ടി​യ കേ​സി​ൽ ഒ​ളി​വി​ല്‍ ക​ഴി​ഞ്ഞി​രു​ന്ന​യാ​ൾ പി​ടി​യി​ൽ. കോ​ട്ട​യം അ​ക​ല​ക്കു​ന്നം ക​ല്ലൂ​ർ​ക്ക​ളം വ​ട​ക്കേ​ട്ട് വീ​ട്ടി​ൽ അ​മ​ൽ ച​ന്ദ്ര​നെ​യാ​ണ്​ (23) ക​ടു​ത്തു​രു​ത്തി പൊ​ലീ​സ് അ​റ​സ്റ്റ് ചെ​യ്ത​ത്. ഇ​യാ​ളും സു​ഹൃ​ത്താ​യ സു​ധി​ൻ സു​രേ​ഷും ചേ​ർ​ന്ന് 2022ല്‍ ​ഓ​ൺ​ലൈ​ൻ വാ​ഹ​ന വി​ൽ​പ്പ​ന സൈ​റ്റി​ൽ ഓ​ട്ടോ​റി​ക്ഷ വി​ൽ​പ്പ​ന​ക്ക്​ എ​ന്ന പേ​രി​ൽ വ്യാ​ജ പ​ര​സ്യം ന​ൽ​കി എ​റ​ണാ​കു​ളം ചി​റ്റൂ​ർ സ്വ​ദേ​ശി​യാ​യ യു​വാ​വി​ൽ​നി​ന്ന്​ 211,000 രൂ​പ ത​ട്ടി​യെ​ടു​ക്കു​ക​യാ​യി​രു​ന്നു.

പ​ര​സ്യം ക​ണ്ട് ചി​റ്റൂ​ർ സ്വ​ദേ​ശി​യാ​യ യു​വാ​വ് സു​ധി​ൻ സു​രേ​ഷി​നെ ബ​ന്ധ​പ്പെ​ട്ടു. പ​ണ​വു​മാ​യി യു​വാ​വി​നോ​ട് ക​ടു​ത്തു​രു​ത്തി​യി​ൽ എ​ത്താ​ൻ ഇ​യാ​ള്‍ ആ​വ​ശ്യ​പ്പെ​ട്ടു. യു​വാ​വ് പ​ണ​വു​മാ​യി ക​ട​ത്തു​രു​ത്തി​യി​ൽ എ​ത്തി​യ സ​മ​യം സു​ധി​നു പ​ക​രം അ​മ​ൽ ച​ന്ദ്ര​ൻ എ​ത്തി വാ​ഹ​നം ന​ൽ​കി ആ​ർ.​സി ലെ​റ്റ​ർ ര​ണ്ട് ദി​വ​സ​ത്തി​നു​ള്ളി​ൽ മാ​റ്റി​ത്ത​രാ​മെ​ന്ന് പ​റ​ഞ്ഞ് പ​ണ​വു​മാ​യി ക​ട​ന്നു ക​ള​യു​ക​യാ​യി​രു​ന്നു. പി​ന്നീ​ട് വ​ണ്ടി​യു​ടെ ഓ​ണ​ർ​ഷി​പ്പ് മാ​റ്റി ന​ൽ​കാ​തി​രി​ക്കു​ക​യും ഫോ​ൺ വി​ളി​ച്ചാ​ൽ എ​ടു​ക്കാ​തി​രി​ക്കു​ക​യു​മാ​യി​രു​ന്നു. തു​ട​ര്‍ന്ന് ഈ ​വാ​ഹ​നം ഏ​റ്റു​മാ​നൂ​ർ സ്റ്റേ​ഷ​നി​ൽ കേ​സി​ൽ ഉ​ൾ​പ്പെ​ട്ട​താ​ണെ​ന്നും താ​ൻ ക​ബ​ളി​പ്പി​ക്ക​പ്പെ​ടു​ക​യാ​യി​രു​ന്നു​വെ​ന്നും അ​റി​ഞ്ഞ​തി​നെ തു​ട​ർ​ന്ന് യു​വാ​വ് പ​രാ​തി ന​ൽ​കു​ക​യാ​യി​രു​ന്നു.

പ​രാ​തി​യെ തു​ട​ർ​ന്ന് ക​ടു​ത്തു​രു​ത്തി ​പൊ​ലീ​സ് കേ​സ് ര​ജി​സ്റ്റ​ർ ചെ​യ്തു. തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ൽ സു​ധി​നെ പി​ടി​കൂ​ടി. തു​ട​ര്‍ന്ന് ന​ട​ത്തി​യ വി​ശ​ദ​മാ​യ ശ​ക​ത​മാ​യ തി​ര​ച്ചി​ലി​ല്‍ ഒ​ളി​വി​ല്‍ ക​ഴി​ഞ്ഞി​രു​ന്ന അ​മ​ല്‍ കൂ​ടി പോ​ലീ​സി​ന്റെ പി​ടി​യി​ലാ​വു​ക​യാ​യി​രു​ന്നു. ഇ​യാ​ൾ​ക്കെ​തി​രെ ഏ​റ്റു​മാ​നൂ​ർ, അ​യ​ര്‍കു​ന്നം എ​ന്നീ സ്റ്റേ​ഷ​നു​ക​ളി​ല്‍ ക്രി​മി​ന​ല്‍ കേ​സു​ക​ളു​ണ്ട്.