കാസർകോട് സ്വദേശി ബംഗളൂരുവിൽ കുത്തേറ്റ് മരിച്ചു; ക്വട്ടേഷൻ സംഘം ആളുമാറി കുത്തിയതെന്ന് സംശയം
text_fieldsബംഗളൂരു: കാസർകോട് സ്വദേശി ബംഗളൂരുവിൽ കുത്തേറ്റ് മരിച്ചു. ഇലക്ട്രോണിക് സിറ്റിയിലെ ടാറ്റ അഡ്വാൻസ്ഡ് സിസ്റ്റംസ് ലിമിറ്റഡ് കമ്പനിയിലെ ജീവനക്കാരനായ കാസർകോട് രാജപുരം പൈനിക്കര സ്വദേശി സനു തോംസൺ (30) ആണ് മരിച്ചത്.
വ്യാഴാഴ്ച രാത്രി 10.45ഓടെയാണ് സംഭവം. ജോലി കഴിഞ്ഞ് താമസസ്ഥലത്തേക്ക് പോകവേ ജിഗിനിയിൽവെച്ച് ബൈക്കിലെത്തിയ മൂന്നുപേർ സനുവിനെ വലം വെച്ചു. പിന്നീട് കുത്തിവീഴ്ത്തി രക്ഷപ്പെടുകയായിരുന്നു. ക്വട്ടേഷൻ സംഘത്തിന് ആളുമാറി കുത്തിയതാകാം എന്ന് സംശയമുണ്ട്. ഏഴ് വർഷമായി സനു ബംഗളൂരുവിൽ ഉണ്ട്.
വിവരമറിഞ്ഞ് ബന്ധുക്കൾ ബംഗളൂരുവിൽ എത്തി. വിക്ടോറിയ ആശുപത്രിയിൽ പോസ്റ്റുമോർട്ടത്തിന് ശേഷം മൃതദേഹം നാട്ടിലേക്ക് കൊണ്ടുപോയി. സംസ്കാരം തിങ്കളാഴ്ച രാവിലെ പത്തിന് രാജപുരം തിരുകുടുംബദേവാലയത്തിൽ. ചേരുവിൽ തോംസൺ ആണ് സനുവിന്റെ പിതാവ്. മാതാവ്: ബീന. സഹോദരങ്ങൾ: സനൽ തോംസൺ, മരിയ തോംസൺ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.