കാപ്പ ചുമത്തി ജയിലിലടച്ചു

ആലുവ: നിരന്തര കുറ്റവാളിയെ കാപ്പ ചുമത്തി ജയിലിലടച്ചു. കുഴുപ്പിള്ളി അയ്യമ്പിള്ളി മുല്ലപ്പറിൽ വീട്ടിൽ ശരത്തിനെയാണ് (പൊളി ശരത് -22) വിയ്യൂർ സെൻട്രൽ ജയിലിൽ അടച്ചത്.

ഓപറേഷൻ ഡാർക്ക് ഹണ്ടിന്‍റെ ഭാഗമായി ജില്ല പൊലീസ് മേധാവി വിവേക് കുമാറിന്‍റെ റിപ്പോർട്ടിന്‍റെ അടിസ്ഥാനത്തിലാണ് നടപടി. മുനമ്പം, ഞാറക്കൽ, എറണാകുളം നോർത്ത് സ്റ്റേഷൻ പരിധികളിൽ കഴിഞ്ഞ മൂന്ന് വർഷത്തിനുള്ളിൽ കൊലപാതകം, കൊലപാതകശ്രമം, കവർച്ച, മയക്കുമരുന്ന് തുടങ്ങി പത്തോളം കേസിലെ പ്രതിയാണിയാൾ.