കാപ്പ ചുമത്തി ജയിലിലടച്ചു

ആലുവ: നിരന്തര കുറ്റവാളിയെ കാപ്പചുമത്തി ജയിലിലടച്ചു. നേര്യമംഗലം പിറക്കുന്നം തലക്കോട് ഭാഗം മറ്റത്തിൽവീട്ടിൽ ജോബിനെയാണ് (25) ജയിലിലടച്ചത്.കോതമംഗലം, മൂവാറ്റുപുഴ പൊലീസ് സ്റ്റേഷൻ പരിധികളിൽ കൊലപാതകം, കൊലപാതകശ്രമം, ദേഹോപദ്രവം, കവർച്ച, സർക്കാർ ഉദ്യോഗസ്ഥരുടെ ഔദ്യോഗിക കൃത്യനിർവഹണം തടസ്സപ്പെടുത്തൽ തുടങ്ങി നിരവധി കേസുകളിലെ പ്രതിയാണ്.

2018ൽ കോതമംഗലത്ത് ബിനു ചാക്കോയെന്നയാളെ കൊലപ്പെടുത്തിയ കേസിൽ ഇയാളെ ഏഴുവർഷം ശിക്ഷിച്ചിരുന്നു. അപ്പീലിൽ ജാമ്യത്തിലിറങ്ങിയ ഇയാൾ കഴിഞ്ഞ ഫെബ്രുവരിയിൽ തങ്കളത്ത് അനന്തു എന്നയാളെ ദേഹോപദ്രവമേൽപിച്ച കേസിൽ പ്രതിയായതിനെ തുടർന്നാണ് കാപ്പചുമത്തിയത്.