കാപ്പ ചുമത്തി അറസ്റ്റ് ചെയ്തു

മറയൂർ: ഒട്ടേറെ കേസിൽ പ്രതിയായ യുവാവിനെ കാപ്പ ചുമത്തി അറസ്റ്റ് ചെയ്തു. മറയൂർ ബാബു നഗറിൽ ഉണ്ണികൃഷ്ണനെയാണ് (30) അറസ്റ്റ് ചെയ്തത്. ഒട്ടേറെ കേസിൽ പ്രതിയായ ഉണ്ണികൃഷ്ണൻ വീണ്ടും അതിക്രമത്തിന് മുതിർന്ന സാഹചര്യത്തിലാണ് കാപ്പ നിയമത്തിൽ അറസ്റ്റ് ചെയ്തത്.

വിയ്യൂർ ജയിലിൽ ഒരുവർഷത്തേക്ക് തടവിലാക്കി.മറയൂർ മേഖലയിൽനിന്ന് ഇതുവരെ മൂന്നുപേരെ കാപ്പ നിമപ്രകാരം തടവിലാക്കുകയും രണ്ടുപേരെ നാടുകടത്തുകയും ചെയ്തിട്ടുണ്ട്.