ജ്വല്ലറി കവർച്ച: ഒരാൾ പിടിയിൽ; പി​ടി​യിലായത് അ​ന്ത​ർ​സം​സ്ഥാ​ന മോ​ഷ​ണക്കേ​സി​ലെ പ്ര​തി​

​ ഇ​രി​ട്ടി: ടൗ​ണി​ലെ വി​വ ജ്വ​ല്ല​റി​യി​ൽ സ്വ​ർ​ണ​ക്ക​വ​ർ​ച്ച ന​ട​ത്തി​യ ത​മി​ഴ്നാ​ട് കൃ​ഷ്ണ​ഗി​രി സ​ലാം​പെ​ട്ടി ജ​യ​ദേ​വി സ്വ​ദേ​ശി മ​സ്റ​പ്പാ​സി​നെ (20) ത​മി​ഴ്നാ​ട്ടി​ൽ​നി​ന്ന്​ പി​ടി​കൂ​ടി. ഇ​രി​ട്ടി ഇ​ൻ​സ്​​പെ​ക്ട​ർ കെ.​ജെ. വി​നോ​യി​യും എ​സ്.​ഐ വി​പി​ന്റെ​യും നേ​തൃ​ത്വ​ത്തി​ൽ സ്ക്വാ​ഡം​ഗ​ങ്ങ​ളാ​യ എ​സ്.​ഐ നാ​സ​ർ പൊ​യി​ല​ൻ, സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ ഇ​രി​ട്ടി സ്റ്റേ​ഷ​നി​ലെ ഷി​ജോ​യ്, പ്ര​കാ​ശ​ൻ, പ്ര​വീ​ൺ, ആ​റ​ളം സ്റ്റേ​ഷ​നി​ലെ ജ​യ​ദേ​വ​ൻ എ​ന്നി​വ​ർ ചേ​ർ​ന്നാ​ണ് പ്ര​തി​യെ കൃ​ഷ്ണ​ഗി​രി​യി​ലെ ജ​യ​ദേ​വി​യി​ൽ​നി​ന്ന്​ അ​റ​സ്റ്റ് ചെ​യ്ത​ത്. പ്ര​തി കൃ​ത്യ​ത്തി​ന് ഉ​പ​യോ​ഗി​ച്ച ബൈ​ക്കും ക​സ്റ്റ​ഡി​യി​ലെ​ടു​ത്തു. ക​ഴി​ഞ്ഞ എ​ട്ടി​നു വൈ​കീ​ട്ടാ​ണ്​ കേ​സി​നാ​സ്പ​ദ​മാ​യ സം​ഭ​വം.

അ​ന്നു​ത​ന്നെ പു​ൽ​പ​ള്ളി​യി​ലെ ക​ട​യി​ൽ ക​യ​റി ക​ച്ച​വ​ട​ക്കാ​ര​നെ ത​ല​ക്ക​ടി​ച്ച് ബോ​ധം കെ​ടു​ത്തി​യ ശേ​ഷം 50,000 രൂ​പ ക​വ​രു​ക​യും എ​ടു​രി​ലെ ആ​നി ജ്വ​ല്ല​റി​യി​ലും മോ​ഷ​ണ​ശ്ര​മം ന​ട​ത്തു​ക​യും ചെ​യ്തി​രു​ന്നു. പി​ടി​ക്ക​പ്പെ​ട്ട മ​സ്റ​പ്പാ​സ് അ​ന്ത​ർ​സം​സ്ഥാ​ന മോ​ഷ​ണക്കേ​സി​ലെ പ്ര​തി​യാ​ണ്. മൈ​സൂ​രു​വി​ലെ ക​വ​ർ​ച്ച കേ​സു​മാ​യി ബന്ധപ്പെട്ട് ജ​യി​ലി​ൽ ക​ഴി​ഞ്ഞി​ട്ടു​ണ്ട്. ബൈ​ക്കി​ൽ സ​ഞ്ച​രി​ച്ച് ക​ള​വ് ന​ട​ത്തു​ക​യാ​ണ് പ്ര​തി​ക​ളു​ടെ പ​തി​വ്. കേ​സി​ലെ മ​റ്റൊ​രു​ പ്ര​തി​യെ കൂ​ടി പി​ടി​കൂ​ടാ​നു​ണ്ട്. അ​റ​സ്റ്റി​ലാ​യ പ്ര​തി​യെ ശ​നി​യാ​ഴ്ച കോ​ട​തി​യി​ൽ ഹാ​ജ​രാ​ക്കും.