ബ്രൗണ്‍ഷുഗറും കഞ്ചാവുമായി അന്തർ സംസ്ഥാന തൊഴിലാളി പിടിയിൽ

ച​ങ്ങ​നാ​ശ്ശേ​രി: ചി​ല്ല​റ വി​ല്‍പ​ന​ക്കാ​യി സൂ​ക്ഷി​ച്ച ബ്രൗ​ണ്‍ഷു​ഗ​റും ക​ഞ്ചാ​വു​മാ​യി അ​ന്ത​ർ സം​സ്ഥാ​ന തൊ​ഴി​ലാ​ളി പി​ടി​യി​ല്‍. വെ​സ്റ്റ് ബം​ഗാ​ള്‍ മാ​ള്‍ഡ ജി​ല്ല​യി​​ലെ മി​ര്‍ദാ​പ്പൂ​ര്‍ സ്വ​ദേ​ശി മു​ക്ത​ര്‍ഖാ​നെ​യാ​ണ് (27) ഇ​ന്‍സ്‌​പെ​ക്ട​ര്‍ സി.​പി. പ്ര​വീ​ണും സം​ഘ​വും ചേ​ര്‍ന്ന് അ​റ​സ്റ്റ് ചെ​യ്ത​ത്.

ജി​ല്ല​യി​ല്‍ അ​ടു​ത്തി​ടെ ആ​ദ്യ​മാ​യാ​ണ് ബ്രൗ​ണ്‍ഷു​ഗ​ര്‍ ഉ​ള്‍പ്പെ​ട്ട കേ​സ്. ഏ​റ്റ​വും അ​ധി​കം അ​തി​ഥി തൊ​ഴി​ലാ​ളി​ക​ള്‍ താ​മ​സി​ക്കു​ന്ന പാ​യി​പ്പാ​ട് ഭാ​ഗ​ത്ത് അ​ന്വേ​ഷ​ണം ശ​ക്ത​മാ​ക്കു​ക​യും നി​ര​വ​ധി മ​യ​ക്കു​മ​രു​ന്ന് കേ​സു​ക​ള്‍ ഒ​രു​മാ​സ​ത്തി​നി​ടെ ക​ണ്ടെ​ടു​ക്കു​ക​യും ചെ​യ്തി​രു​ന്നു. മ​ക​ന്‍ മ​യ​ക്കു​മ​രു​ന്ന് ഉ​പ​യോ​ഗി​ക്കു​ന്ന​താ​യി സം​ശ​യം തോ​ന്നി​യ മാ​താ​പി​താ​ക്ക​ള്‍ വി​വ​രം അ​റി​യി​ച്ച​തി​നെ തു​ട​ര്‍ന്ന് മ​ക​ന് കൗ​ണ്‍സ​ലി​ങ് ന​ല്‍കു​ക​യും തു​ട​ർ​ന്ന്​ ല​ഭി​ച്ച വി​വ​ര​ത്തി‍െൻറ അ​ടി​സ്ഥാ​ന​ത്തി​ലാ​ണ് പ്ര​തി​യെ പി​ടി​കൂ​ടി​യ​ത്.

മൂ​ന്നു​മാ​സം കൂ​ടു​മ്പോ​ള്‍ അ​വ​ധി​ക്കാ​യി പ​ശ്ചി​മ​ബം​ഗാ​ളി​ല്‍പോ​യി വ​രു​ന്ന ഇ​യാ​ള്‍ മ​റ്റു​ള്ള​വ​ർ​ക്ക്​ സം​ശ​യം തോ​ന്നാ​ത്ത രീ​തി​യി​ലാ​ണ്​ ഇ​ട​പാ​ടു​ക​ള്‍ ന​ട​ത്തി​യി​രു​ന്ന​ത്.

ഒ​രു​ഗ്രാം ബ്രൗ​ണ്‍ഷു​ഗ​റി​ന് 5000 രൂ​പ എ​ന്ന നി​ര​ക്കി​ലാ​ണ് വി​ൽ​പ​ന. ര​ണ്ടു​ഗ്രാം ബ്രൗ​ണ്‍ഷു​ഗ​റി​നെ കൂ​ടാ​തെ പൊ​തി​ക​ളാ​ക്കി സൂ​ക്ഷി​ച്ച ക​ഞ്ചാ​വും ഇ​യാ​ളു​ടെ പ​ക്ക​ല്‍നി​ന്ന്​ പി​ടി​ച്ചെ​ടു​ത്തു. ലേ​ബ​ര്‍ ക്യാ​മ്പു​ക​ള്‍ കേ​ന്ദ്രീ​ക​രി​ച്ച് ന​ട​ത്തി​യ പ​രി​ശോ​ധ​ന​യി​ല്‍ പ്രി​വ​ന്‍റി​വ് ഓ​ഫി​സ​ര്‍ എ.​എ​സ്. ഉ​ണ്ണി​കൃ​ഷ്ണ​ന്‍, സി​വി​ല്‍ എ​ക്‌​സൈ​സ് ഓ​ഫി​സ​ര്‍മാ​രാ​യ കെ. ​ഷി​ജു, ഡി. ​സു​മേ​ഷ്, അ​മ​ല്‍ദേ​വ് എ​ന്നി​വ​രും പ​ങ്കെ​ടു​ത്തു.