പൊ​ലീ​സി‍ന്‍റെ ഔ​ദ്യോ​ഗി​ക ഡേ​റ്റ​ബേ​സി​ൽ​നി​ന്ന് വിവരം ചോർത്തിയ സംഭവം; പൊലീസുകാരന്​​ നോട്ടീസ്

തൊ​ടു​പു​ഴ: പൊ​ലീ​സി‍ന്‍റെ ഔ​ദ്യോ​ഗി​ക ഡേ​റ്റ​ബേ​സി​ൽ​നി​ന്ന്​ ആ​ർ.​എ​സ്.​എ​സ്​-​ബി.​ജെ.​പി നേ​താ​ക്ക​ളു​ടെ വി​വ​ര​ങ്ങ​ൾ ചോ​ർ​ത്തി ന​ൽ​കി​യെ​ന്ന പ​രാ​തി​യി​ൽ പൊ​ലീ​സു​കാ​ര​ന്​​ കാ​ര​ണം കാ​ണി​ക്ക​ൽ നോ​ട്ടീ​സ്. ക​രി​മ​ണ്ണൂ​ർ സ്​​റ്റേ​ഷ​നി​ലെ സി​വി​ൽ പൊ​ലീ​സ്​ ഓ​ഫി​സ​ർ പി.​കെ. അ​ന​സി​നാ​ണ്​ ജി​ല്ല പൊ​ലീ​സ്​ മേ​ധാ​വി നോ​ട്ടീ​സ്​ ന​ൽ​കി​യ​ത്. ജോ​ലി​യി​ൽ​നി​ന്ന്​ പി​രി​ച്ചു​വി​ടാ​തി​രി​ക്കാ​ൻ കാ​ര​ണ​മു​ണ്ടെ​ങ്കി​ൽ ബോ​ധി​പ്പി​ക്ക​ണ​മെ​ന്ന്​​ കാ​ട്ടി​യാ​ണ്​ നോ​ട്ടീ​സ്. ഡി​സം​ബ​ർ മൂ​ന്നി​ന് മ​ത​സ്പ​ർ​ധ വ​ള​ർ​ത്തു​ന്ന രീ​തി​യി​ൽ ഫേ​സ്​​ബു​ക്ക് പോ​സ്റ്റ്​ ഇ​ട്ടെ​ന്ന് ആ​രോ​പി​ച്ച് തൊ​ടു​പു​ഴ​യി​ൽ കെ.​എ​സ്.​ആ​ർ.​ടി.​സി ഡ്രൈ​വ​റെ എ​സ്.​ഡി.​പി.​ഐ പ്ര​വ​ർ​ത്ത​ക​ർ ആ​ക്ര​മി​ച്ചി​രു​ന്നു. ഇ​തു​മാ​യി ബ​ന്ധ​പ്പെ​ട്ട് അ​റ​സ്റ്റി​ലാ​യ വ​ണ്ണ​പ്പു​റം സ്വ​ദേ​ശി​യു​ടെ മൊ​ബൈ​ൽ ഫോ​ണി​ലെ വാ​ട്ട്സ്ആ​പ്പി​ലേ​ക്ക് പൊ​ലീ​സ്​ ശേ​ഖ​രി​ച്ച രാ​ഷ്​​​ട്രീ​യ നേ​താ​ക്ക​ളു​ടെ വി​വ​ര​ങ്ങ​ൾ അ​ന​സ് അ​യ​ച്ച​താ​യി തൊ​ടു​പു​ഴ ഡി​വൈ.​എ​സ്.​പി കെ. ​സ​ദ​ൻ ക​ണ്ടെ​ത്തി​യി​രു​ന്നു. തു​ട​ർ​ന്ന് ഡി​സം​ബ​ർ 22ന് ​അ​ന​സി​നെ ജി​ല്ല പൊ​ലീ​സ് ആ​സ്ഥാ​ന​ത്തേ​ക്ക് സ്ഥ​ലം മാ​റ്റു​ക​യും പ്രാ​ഥ​മി​ക അ​ന്വേ​ഷ​ണ​ത്തി​ൽ കു​റ്റ​ക്കാ​ര​നാ​ണെ​ന്ന് ക​ണ്ടെ​ത്തി​യ​തി​നെ​ത്തു​ട​ർ​ന്ന് സ​സ്‌​പെ​ൻ​ഡ്​ ചെ​യ്യു​ക​യും ചെ​യ്തി​രു​ന്നു.