ദമ്പതികളെ ആക്രമിച്ച കേസിൽ മൂന്നാം പ്രതി അറസ്റ്റിൽ

കായംകുളം: കൊറ്റുകുളങ്ങരയിൽ ദമ്പതികളെ തടഞ്ഞു നിർത്തി ആക്രമിച്ച കേസിൽ മൂന്നാം പ്രതി അറസ്റ്റിൽ. നിരവധി കേസുകളിൽ പ്രതിയായ എരുവ ഷാലിമാർ വീട്ടിൽ ആദിലാണ് (20) പിടിയിലായത്. കഴിഞ്ഞ 25ന് വൈകീട്ടാണ്പത്തിയൂർ എരുവ സ്വദേശികളായ ദമ്പതികളെ തടഞ്ഞുനിർത്തി ആക്രമിച്ചത്. ഇവർ സഞ്ചരിച്ച ബുള്ളറ്റിനെ കാറിൽ വന്ന പ്രതികൾ ഓവർ ടേക്ക് ചെയ്തത് സംബന്ധിച്ച തർക്കമാണ് ആക്രമണത്തിന് കാരണമായത്. ആദിലി‍െൻറ സഹോദരനുൾപ്പെടെയുള്ള മറ്റ് പ്രതികൾക്കായി അന്വേഷണം ഊർജിതമാക്കിയതായി പൊലീസ് അറിയിച്ചു.