'സ്​പെഷൽ 26' പ്രചോദമായി; സി.ബി.ഐ ചമഞ്ഞ്​ ​ പണം കവർന്ന ആറു​േപർ അറസ്​റ്റിൽ

ഭോപാൽ: ബോളിവുഡ്​ ചിത്രം 'സെപ്​ഷൽ ​26' -ൽനിന്ന്​ പ്രചോദനം ഉൾക്കൊണ്ട്​ സി.ബി.ഐ ഉദ്യോഗസ്​ഥർ ചമഞ്ഞ്​ മധ്യപ്ര​േദശിൽ ഡിസ്​റ്റലറിയിൽ കവർച്ച നടത്തിയ ആറംഗ സംഘം അറസ്​റ്റിൽ. മധ്യപ്രദേശിലെ ഛത്താർപുർ ഡിസ്​റ്റലറിയിൽനിന്ന്​ രണ്ടുലക്ഷം രൂപയാണ്​ സംഘം സി.ബി.​െഎ ചമഞ്ഞ്​ തട്ടിയത്​.

ആഗസ്​റ്റ് ആറിന്​ രാവിലെ ആറോടെയാണ്​ സംഭവം. ഉത്തർപ്രദേശ്​ അലിഗഡിലെ പഴയ കേസ്​ അ​േന്വഷണവുമായി ബന്ധപ്പെട്ടാണ്​ എത്തിയതെന്ന്​ പറഞ്ഞ്​ അവർ അകത്ത്​ ഡിസ്​റ്റലറിക്ക്​ അകത്ത്​ പ്രവേശിക്കുകയായിരുന്നു. രണ്ടുപേർ പൊലീസ്​ യൂനിഫോമിലായിരുന്നു. തോക്കും കൈവശമുണ്ടായിരുന്നു. അവർ സുരക്ഷ ജീവന​ക്കാരോട്​ വരിയായി നിൽക്കാൻ ആവശ്യപ്പെടുകയും ഉടമസ്​ഥനെ വിളിക്കാൻ നിർദേശിക്കുകയും ചെയ്​തു.

ഉടമ നിഖിൽ ബൻസാൽ സ്​ഥലത്തെത്തിയപ്പോൾ എന്തുകൊണ്ടാ​ണ്​ നടപടിയെന്ന്​ ആരാഞ്ഞ​േപ്പാൾ കയർക്കുകയായിരുന്നു ഇവർ. പിന്നീട്​ നിഖിലിന്​ സമൻസ്​ അയച്ചതായും ചോദ്യം ചെയ്യലിന്​ ഹാജരാകാത്തതിനാലാണ്​ നടപടിയെന്നും ലഖ്​നോവിലെ ബൻസാലിലേക്ക്​ കൊണ്ട​ു​േപാകുമെന്ന്​ ഭീഷണിപ്പെടുത്തിയതായും നിഖിൽ പറയുന്നു.

താൻ ഡിസ്​റ്റിലറി രജിസ്​റ്റർ ചെയ്​തശേഷമാണ്​ പ്രവർത്തിക്കുന്നതെന്നും അലിഗഡിലോ യു.പിയിലെ മറ്റുഭാഗങ്ങളിലോ തനിക്ക്​ വിതരണ ശൃംഖലയില്ലെന്നും നിഖിൽ അ​വരോട്​ പറഞ്ഞു. എന്നാൽ അഡീഷനൽ എസ്​.പിയെന്ന്​ പരിചയപ്പെടുത്തിയയാൾ പ്ലാൻറ്​ മാനേജറിന്​ നേരെ തോക്ക്​ ചൂണ്ടുകയായിരുന്നുവെന്നും മേശയിൽ പരിശോധന നടത്തി രണ്ടുലക്ഷം എടുക്കുകയുമായിരുന്നു. സി.സി.ടി.വി കാമറയിലെ ഡി.വി.ആറും എടുത്തുകൊണ്ടുപോയതായി നിഖിൽ പറയുന്നു.

സംഭവത്തിൽ സംശയം തോന്നിയതോടെ നിഖിൽ ​െപാലീസിനെ സമീപിക്കുകയായിരുന്നു. തുടർന്ന്​ നടത്തിയ ​അന്വേഷണത്തിൽ ധർമേന്ദ്ര വാൽമീകി, ദേവേന്ദ്ര ജുലഹ, അവിനാശ്​ മൗര്യ, സിദ്ദ്​പാൽ ബദൗരിയ, ദേവേന്ദ്രസിങ്​ എന്നിവരെ പൊലീസ്​ പിടികൂടുകയായിരുന്നു.

ഇവരിൽനിന്ന്​ രണ്ടു വാഹനങ്ങൾ, രണ്ടുലക്ഷം രൂപ, തോക്ക്​, മൂന്ന്​ പൊലീസ്​ യൂനിഫോം, വ്യാജ ഐ.ഡികൾ, രേഖകൾ, ഡിസ്​റ്റിലറിയിൽ സി.സി.ടി.വിയ​ുടെ ഡി.വി.ആർ എന്നിവ പൊലീസ്​ പിടിച്ചെടുത്തു.

പൊലീസ്​ നടത്തിയ ചോദ്യംചെയ്യലിൽ ബോളിവുഡ്​ ചിത്രം സ്​പെഷൽ 26ൽ ഉപയോഗിച്ച രീതിയിലാണ്​ തങ്ങൾ കവർച്ച നടത്തിയതെന്ന്​ പറഞ്ഞു. കേസിൽ അന്വേഷണം പുരോഗമിക്കുകയാണ്​.