​നിരപരാധിത്വം തെളിയിക്കാൻ കുട്ടിയെകൊണ്ട്​ ചൂടായ കോടാലി നക്കിപ്പിച്ചു; മൂന്നുപേർ അറസ്റ്റിൽ

ഇസ്​ലാമാബാദ്​: മോഷണക്കേസിൽ നിരപരാധിത്വം തെളിയിക്കാൻ കുട്ടിയെ ചൂടായ കോടാലി നക്കിപ്പിച്ച മൂന്നുപേർ അറസ്റ്റിൽ. പാകിസ്​താൻ ഗ്രാമമായ തുമൻ ബുസ്​ദാറിലെ മൂന്നുപേരെയാണ്​ ഫസാല കച്ചിലെ ബോർഡർ മിലിറ്ററി പൊലീസ്​ അറസ്റ്റ്​ ചെയ്​തത്​.

ആട്ടിടയനായ തെഹ്​സീബിനാണ്​ ക്രൂരമർദനം ഏറ്റത്​. ​ചായയുണ്ടാക്കുന്ന കെറ്റിൽ മോഷ്​ടിച്ചുവെന്നാരോപിച്ചാണ്​ മർദനം. പ്രതികളായ മൂന്നുപേർ കോടാലി ചൂടാക്കുകയും കുട്ടിയെകൊണ്ട്​ അത്​ നക്കിപ്പിക്കുകയുമായിരുന്നു. തെഹ്​സീബിന്‍റെ പിതാവിന്‍റെ പരാതിയിൽ പൊലീസ്​ കേസ്​ രജിസ്റ്റർ ചെയ്യുകയായിരുന്നു. സിറാജ്​, അബ്​ദുൾ റഹീം, മുഹമ്മദ്​ ഖാൻ എന്നിവരെയാണ്​ അറസ്റ്റ്​ ചെയ്​തത്​.

നാക്കിന്​ പൊള്ളലേറ്റ തെഹ്​സീബിനെ വിദഗ്​ധ ചികിത്സക്കായി തെഹ്​സിൽ ഹെഡ്​ക്വാർ​േട്ടസ്​ ആശുപത്രിയിൽ പ്രവേശിപ്പിച്ച​ു.

നിരപരാധിത്വം തെളിയിക്കാനായി അശാസ്​ത്രീയ മാർഗങ്ങൾ ഇപ്പോഴും പിന്തുടരുന്ന പ്രദേശമാണിവിടം. ​േഗാത്രപ്രദേശമായ ബലൂച്ചിൽ വെള്ളം, അഗ്​നി തുടങ്ങിയവ ഉപയോഗിച്ച്​ പല മാർഗങ്ങൾ സ്വീകരിച്ചുവരുന്നു. നിശ്ചിതസമയം വെള്ളത്തിൽ മുങ്ങികിടക്കാൻ നിർബന്ധിക്കും, സമയത്തിന്​ ശേഷം ജീവനോടെ പുറത്തുവന്നാൽ നിരപരാധിയാണെന്ന്​ വിശ്വസിക്കും.